Read Ариун Библи, Mongolian Ariun Bible, 2004 Эхлэл 49 Bible Online

Эхлэл 49 - Ариун Библи, Mongolian Ariun Bible, 2004 bible

Эхлэл 49

¹Иаков хүүхдүүдээ дуудан-Та нар цугларцгаа. Би та нарт ирээдүйд юу болох тухай хэлж өгье.

²Иаковын хөвгүүд ээ!Та нар цугларцгааж, сонсоцгоо!Эцэг Израилийнхаа үгийг сонсоцгоо!

³Реубен, чи бол миний ууган хүү, Миний хүч чадал, Сүр хүчний минь охь, Цог жавхлангийн оргил, Эрч чадлын дээд боловч

⁴Ус шиг бургилж байсан учирЧи эрч чадлын дээд болж чадахгүй. Чи эцгийнхээ орон дээр гарч, бузарласан. Тэр миний орон дээр гарсан юм.

⁵Симеон, Леви хоёр ах дүүс. Тэдний илд бол харгислалын зэвсэг юм.

⁶Сүнс минь, тэдний хуйвалдаанд бүү оролцог. Оюун санаа минь, тэдний уулзалтад бүү нэгдэг. Тэд уур хилэнгээрээ хүн алж, Өөрсдийн дур зоргоороо үхрийн хөлийн шөрмөсийг тасалжээ.

⁷Тэдний уур догшин ширүүн, Хилэн нь харгис хэрцгий учир хараал идэг!Би тэднийг Иаковын дунд хувааж, Израилийн дунд тараана.

⁸Иуда!Чамайг ах дүү нар чинь магтан өргөмжлөх болно. Гар чинь дайсныхаа хоолойг багалзуурдах болно. Эцгийн чинь хөвгүүд чиний өмнө сөгдөн бөхийх болно.

⁹Иуда, чи бол арслангийн гүег юм. Хүү минь!Чи барьсан олзоо орхин босов. Тэр мяраан арслан шиг хэвтэнэ. Арслан болохынх нь хувьд, хэн түүнийг босгохоор зүрхлэх вэ?

¹⁰Шилог иртэл хааны таяг Иудагаас салахгүй. Захирагчийн шийдэм түүний хөлийн хоорондоос салахгүй. Бүх хүн түүнийг дуулгавартай дагах болно.

¹¹Илжгээ усан үзмийн модноос уяж, Дудрангаа хамгийн сайхан усан үзмийн модноос уяж, Хувцсаа дарсанд, нөмрөгөө усан үзмийн шүүсэнд угаана.

¹²Дарснаас болж нүд нь улайж, Сүүнээс болж шүд нь цайх болно.

¹³Зебулун далайн эрэгт амьдран сууж, Усан онгоцны зогсоолтой болж, Бас нутгийнх нь хил хязгаар Сидон хүртэл өргөжинө.

¹⁴Иссахар нь хонины хашааны хооронд хэвтдэг хүч сайтай илжиг юм.

¹⁵Тэрээр амрах газраа хараад, Сайн гэж тооцоод, Мөрөө доошлуулж, Ачаагаа үүрээд, Хүнд хүчир дарамтан дор зарагдана.

¹⁶Дан нь Израилийн нэгэн овгийн хувьд, Ард олноо шүүх болно.

¹⁷Дан замын хажуугийн могой, Морины өсгийг хатгаж, Унаж яваа эзнийг нь арагш унагадаг замын хажуугийн хорт могой болно.

¹⁸ЭЗЭН минь, би Таны авралыг хүлээдэг.

¹⁹Гад нь цэрэгт довтлуулах боловчТэдний араас хөөж довтолно.

²⁰Ашерын хоол хүнс тос дааж, Тэрээр хааны амтат хоолыг зэхэж өгнө.

²¹Нафтали нь уянгат хоолойгоор дуулдаг эрх дураараа согоо юм.

²²Иосеф нь үр жимс ихтэй саглагар мөчир. Булгийн дэргэдэх саглагар мөчир, Тэр мөчир нь ханыг даван ургана.

²³Мэргэн харваачид түүнийг харгислан харваад, Нэхэн хөөсөн боловч

²⁴Иосефын нум бат бэх, Гар нь хүчтэй байх бөгөөдЭнэ нь Иаковын Төгс Хүчит Нэгэний гараас, Израилийн Хад болох Хоньчин гарах болно.

²⁵Чиний эцгийн Бурханаар дамжин Түүнээс чамд туслах болно. Төгс Хүчит Нэгэнээр дамжуулан, Тэрээр чамайг ерөөх болно. Энэ нь дээд тэнгэрийн ерөөл, Доор гүний ерөөл, Хөх ба умайн ерөөл болно.

²⁶Чиний эцгийн ерөөл болМиний өвөг дээдсийн ерөөлөөс ч илүү байж, Мөнх уулсын хязгааргүй шигТэр ерөөл нь Иосефын тэргүүн дээр, Ах дүүсийнхээ дундаас тодрон гарагчийн зулай дээр эргэж ирнэ.

²⁷Бениамин нь олзоо урж тастагч чоно. Өглөөгүүр тэр барьснаа идэж, үдшээр олзоо хуваана гэв.

²⁸Эдгээр нь Израилийн арван хоёр овог байжээ. Энэ бол тэднийг ерөөхдөө эцгийнх нь хэлсэн үг юм. Тэрээр хүн тус бүрд тохирох ерөөлийг хайрлажээ.

²⁹Тэрээр тэдэнд захиран хэлсэн нь-Би өвөг дээдэс уруугаа буцна. Намайг хитчүүдийн Ефроны тал дахь агуйд байгаа өвөг дээдэстэй маань хамт оршуулаарай.

³⁰Тэр агуй бол Канаан нутагт, Мамрегийн өмнө, Махпелагийн талбайд бий. Абрахам тэр агуйг талбайтай нь хамт оршуулгын газар болгохоор хитчүүдийн Ефроноос худалдаж авсан юм.

³¹Абрахам болон эхнэр Сара нь тэнд оршуулагдсан бөгөөд Исаак болон түүний эхнэр Ребека мөн тэнд оршуулагдсан билээ. Би бас Леагаа тэнд оршуулсан юм.

³²Тэр талбай ба тэндхийн агуйг хитчүүдийн хөвгүүдээс худалдаж авсан гэв.

³³Иаков хөвгүүддээ захиасаа хэлж дуусаад, хөлөө хумин орондоо хийж, эцсийнхээ амьсгааг аваад, өвөг дээдэс уруугаа оджээ.