Read Ариун Библи, Mongolian Ariun Bible, 2004 Нехемиа 10 Bible Online

Нехемиа 10 - Ариун Библи, Mongolian Ariun Bible, 2004 bible

Нехемиа 10

¹Тамгалсан бичгэн дээр эдгээр нэрс байв. Үүнд: Хакалиагийн хүү захирагч Нехемиа, Зедекиа,

²Сераиа, Азариа, Иеремиа,

³Пашхур, Амариа, Малхиа,

⁴Хаттуш, Шебаниа, Маллух,

⁵Харим, Меремот, Обадиа,

⁶Даниел, Гиннетон, Барух,

⁷Мешуллам, Абиа, Миамин,

⁸Маазиа, Билгаи, Шемаиа. Эдгээр нь тахилч нар байв.

⁹Левичүүд болох Азаниагийн хүү Иешуа, Хенададын хөвгүүдийн Биннуи, Кадмиел,

¹⁰мөн тэдний ах дүүс Шебаниа, Ходиа, Келита, Пелаиа, Ханан,

¹¹Мика, Рехоб, Хашабиа,

¹²Заккур, Шеребиа, Шебаниа,

¹³Ходиа, Бани, Бенину.

¹⁴Ард түмний удирдагчид болох Парош, Пахат-моаб, Елам, Затту, Бани,

¹⁵Бунни, Азгад, Бебаи,

¹⁶Адониа, Бигваи, Адин,

¹⁷Атер, Хезекиа, Аззур,

¹⁸Ходиа, Хашум, Безаи,

¹⁹Хариф, Анатот, Небаи,

²⁰Магпиаш, Мешуллам, Хезир,

²¹Мешезабел, Задок, Иаддуа,

²²Пелатиа, Ханан, Анаиа,

²³Хошеа, Хананиа, Хасшуб,

²⁴Халлохеш, Пилха, Шобек,

²⁵Рехум, Хашабна, Маасеиа

²⁶Ахиа, Ханан, Анан,

²⁷Маллух, Харим, Баана.

²⁸Үлдсэн хүмүүс болох тахилч нар, левичүүд, хаалгачид, дуучид, сүмийн үйлчлэгчид болон Бурханы хуулийг дагахаар өөрсдийгөө тэр газрын хүмүүсээс тусгаарласан бүх хүмүүс, тэдний эхнэрүүд, тэдний хөвгүүд ба охид, мэдлэгтэй ба ойлголттой бүхэн

²⁹өөрсдийнхөө садан төрөлтэй, сурвалжтануудтайгаа нийлж хараан тангарагласан нь “Бид Бурханы зарц Мосегээр өгөгдсөн Бурханы хуулийг дагаж, мөн бидний Эзэн БУРХАНы бүх тушаал, зарлиг, тогтоолыг сахин биелүүлье.

³⁰Мөн бид охидоо энэ газрын хүмүүст өгөхгүй, тэдний охидыг ч хөвгүүддээ авахгүй.

³¹Амралтын өдөр бараа, эсвэл үр тариа зарахаар авчирдаг нутгийн хүмүүсийн хувьд, бид амралтын өдөр, эсвэл ариун өдөрт тэднээс юм худалдан авахгүй. Бид долоо дахь жилийн ургацаас болон аливаа өрийг нэхэмжлэхээс татгалзана.

³²Бид мөн өөрсдийн Бурханы өргөөний үйлчлэлд зориулан жил бүр шекелийн гуравны нэгийг хандивлаж байх үүргийг өөрсдөдөө хүлээж байна.

³³Энэ нь ил тавих талх, байнгын идээн өргөл, байнгын шатаалт тахил, амралтын өдрүүдийн, шинэ сарын товлосон үеүдэд ариун зүйлсэд болон Израилийн эвлэрүүллийг хийхээр нүглийн төлөөх тахилд зориулан, мөн бидний Бурханы өргөөний бүх ажлын тулд юм.

³⁴Түүнчлэн тахилч нар, левичүүд болон хүмүүсийн дунд бид түлээний хангамжийн төлөө шавга хаяж шодов. Энэ нь бидний эцгүүдийн бүлүүдийн дагуу Бурханыхаа өргөө уруу түүнийг аваачиж, хуульд бичигдсэнчлэн жил бүр тогтоосон цагт бидний Бурхан ЭЗЭНий тахилын ширээн дээр шатаахын тулд

³⁵бөгөөд тэд жил бүр газрынхаа үр жимсний дээжийг болон мод бүрийн бүх анхны үр жимснүүдийг ЭЗЭНий өргөөнд авчрахын тулд юм.

³⁶Мөн хуульд бичигдсэнчлэн бидний Бурханы өргөөнд үйлчилж буй тахилч нарт зориулан, хуульд бичигдсэнчлэн хөвгүүдийнхээ ууганыг, малын ууганыг, бод малын болон бог малын анхны төлийг Бурханы өргөө уруу аваачихын тулд юм.

³⁷Бид мөн зуурсан гурилынхаа дээжийг, өөрсдийн хандивыг, мод бүрийн үр жимсийг, шинэ дарс ба тосыг Бурханы өргөөний өрөөнүүдэд тахилч нарт хүргэж өгөх ба левичүүдэд газрынхаа аравны нэгийг өгнө. Учир нь левичүүд бол бүх тосгодоос аравны нэгийг авах хүмүүс юм.

³⁸Левичүүд аравны нэгийг хүлээж авах үед Аароны хүү болох тахилч нь левичүүдтэй хамт байх ба левичүүд аравны нэгийнхээ аравны нэгийг Бурханы өргөө уруу, агуулахын өрөөнүүд уруу аваачих ёстой.

³⁹Учир нь Израилийн хөвгүүд болон Левийн хөвгүүд нь үр тарианы, шинэ дарс ба тосны өргөлийг тэдгээр өрөөнүүдэд аваачих ёстой. Тэнд ариун газрын хэрэгсэл болон үйлчилж буй тахилч нар, хаалгачид, дуучид буй. Иймээс бид Бурханыхаа өргөөг орхихгүй. ”