Read Ариун Библи, Mongolian Ariun Bible, 2004 Нехемиа 7 Bible Online

Нехемиа 7 - Ариун Библи, Mongolian Ariun Bible, 2004 bible

Нехемиа 7

¹Хэрмийг сэргээн босгож, би хаалгуудыг нь байрлуулж, хаалгачид, дуучид, левичүүд томилогдсоны дараа

²би өөрийн дүү Ханани ба цайзын жанжин Хананиаг Иерусалимыг хариуцуулахаар тавив. Учир нь тэр итгэмжит хүн бөгөөд бусад олон хүмүүсээс илүүгээр Бурханаас эмээдэг хүн байв.

³Тэгээд би тэдэнд-Нар хөөрч, халуу шаттал Иерусалимын дааман хаалгуудыг бүү онгойлго. Хаалгачдыг харуулд зогсож байх үед хаалгуудыг хааж, түгжиг! Мөн Иерусалимын оршин суугчдаас хүн бүрийг харуулд гаргаж, хүн бүрийг өөрийнх нь байшингийн өмнө талд харуулаар томил хэмээв.

⁴Хот том бөгөөд уудам, харин түүн доторх хүмүүс нь цөөн, байшингууд нь сэргээн босгогдоогүй байв.

⁵Тэгэхэд сурвалжтанууд, түшмэд ба ард иргэдийг уг гарлаар нь бүртгэн данслахын тулд цуглуулах санааг миний Бурхан зүрхэнд минь оруулсан. Тэгээд би анх ирэгсдийн угсаа гарвалын номыг олж, тэндээс дараах бичлэгийг олов.

⁶Эдгээр нь Вавилоны хаан Небухаднезарын авч явсан цөллөгийн олзлогдогсдоос ирсэн мужийн хүмүүс юм. Тэд Иерусалим ба Иуда уруу, өөр өөрийн хот уруу буцаж ирсэн.

⁷Тэд Зеруббабел, Иешуа, Нехемиа, Азариа, Раамиа, Нахамани, Мордехаи, Билшан, Мисперет, Бигваи, Нехум, Баана нартай хамт ирсэн юм. Израилийн ард түмний эрчүүдийн тоо гэвэл

⁸Парошийн хөвгүүд хоёр мянга нэг зуун далан хоёр,

⁹Шефатиагийн хөвгүүд гурван зуун далан хоёр,

¹⁰Арагийн хөвгүүд зургаан зуун тавин хоёр,

¹¹Пахат-моабын хөвгүүдийн Иешуа ба Иоабын хөвгүүд хоёр мянга найман зуун арван найм,

¹²Еламын хөвгүүд мянга хоёр зуун тавин дөрөв,

¹³Заттугийн хөвгүүд найман зуун дөчин тав,

¹⁴Заккаин хөвгүүд долоон зуун жар,

¹⁵Биннуин хөвгүүд зургаан зуун дөчин найм,

¹⁶Бебаин хөвгүүд зургаан зуун хорин найм,

¹⁷Азгадын хөвгүүд хоёр мянга гурван зуун хорин хоёр,

¹⁸Адоникамын хөвгүүд зургаан зуун жаран долоо,

¹⁹Бигваин хөвгүүд хоёр мянга жаран долоо,

²⁰Адины хөвгүүд зургаан зуун тавин тав,

²¹Хезекиагийн, Атерын хөвгүүд ерэн найм,

²²Хашумын хөвгүүд гурван зуун хорин найм,

²³Безаин хөвгүүд гурван зуун хорин дөрөв,

²⁴Харифын хөвгүүд зуун арван хоёр,

²⁵Гибеоны хөвгүүд ерэн тав,

²⁶Бетлехем ба Нетофагийн эрчүүд зуун наян найм,

²⁷Анатотын эрчүүд зуун хорин найм,

²⁸Бет-азмаветын эрчүүд дөчин хоёр,

²⁹Кириат-иеарим, Хефира ба Бееротын эрчүүд долоон зуун дөчин гурав,

³⁰Рама ба Гебагийн эрчүүд зургаан зуун хорин нэг,

³¹Михмасын эрчүүд зуун хорин хоёр,

³²Бетел ба Аин эрчүүд зуун хорин гурав,

³³өөр Небогийн эрчүүд тавин хоёр,

³⁴өөр Еламын хөвгүүд мянга хоёр зуун тавин дөрөв,

³⁵Харимын хөвгүүд гурван зуун хорь,

³⁶Иерихогийн эрчүүд гурван зуун дөчин тав,

³⁷Лод, Хадид, Оногийн хөвгүүд долоон зуун хорин нэг,

³⁸Сенаагийн хөвгүүд гурван мянга есөн зуун гуч байв.

³⁹Тахилч нар нь: Иешуагийн гэрийн Иедиагийн хөвгүүд есөн зуун далан гурав,

⁴⁰Иммерийн хөвгүүд мянга тавин хоёр,

⁴¹Пашхурын хөвгүүд мянга хоёр зуун дөчин долоо,

⁴²Харимын хөвгүүд мянга арван долоо байв.

⁴³Левичүүд нь: Ходевагийн хөвгүүдээс Кадмиелын, Иешуагийн хөвгүүд далан дөрөв байв.

⁴⁴Дуучид нь: Асафын хөвгүүд зуун дөчин найм байв.

⁴⁵Хаалгачид нь: Шаллумын хөвгүүд, Атерын хөвгүүд, Талмоны хөвгүүд, Аккубын хөвгүүд, Хатитагийн хөвгүүд, Шобаин хөвгүүд зуун гучин найм байв.

⁴⁶Сүмийн үйлчлэгчид нь: Зихагийн хөвгүүд, Хасуфагийн хөвгүүд, Таббаотын хөвгүүд,

⁴⁷Керосын хөвгүүд, Сиагийн хөвгүүд, Падоны хөвгүүд,

⁴⁸Лебанагийн хөвгүүд, Хагабагийн хөвгүүд, Шалмаин хөвгүүд,

⁴⁹Хананы хөвгүүд, Гидделийн хөвгүүд, Гахарын хөвгүүд,

⁵⁰Реаиагийн хөвгүүд, Резиний хөвгүүд, Некодагийн хөвгүүд

⁵¹Газзамын хөвгүүд, Уззагийн хөвгүүд, Пасеагийн хөвгүүд,

⁵²Бесаин хөвгүүд, Меунимийн хөвгүүд, Нефушесимийн хөвгүүд,

⁵³Бакбукийн хөвгүүд, Хакуфагийн хөвгүүд, Хархурын хөвгүүд,

⁵⁴Базлитын хөвгүүд, Мехидагийн хөвгүүд, Харшагийн хөвгүүд,

⁵⁵Баркосын хөвгүүд, Сисерагийн хөвгүүд, Темагийн хөвгүүд,

⁵⁶Незиагийн хөвгүүд, Хатифагийн хөвгүүд юм.

⁵⁷Соломоны зарц нарын хөвгүүд нь: Сотаин хөвгүүд, Соферетын хөвгүүд, Перидагийн хөвгүүд,

⁵⁸Жаалагийн хөвгүүд, Дарконы хөвгүүд, Гидделийн хөвгүүд,

⁵⁹Шефатиагийн хөвгүүд, Хаттилын хөвгүүд, Похерет-хаззебаимын хөвгүүд, Амоны хөвгүүд юм.

⁶⁰Сүмийн зарц нар ба Соломоны зарц нарын хөвгүүд бүгд гурван зуун ерэн хоёр байв.

⁶¹Эдгээр нь Тел-мела, Тел-харша, Херуб, Аддон ба Иммерээс ирэгсэд байсан. Гэвч тэд Израилийнх мөн эсэхээ ч, эцгүүдийнхээ бүлүүдийг, эсвэл үр удмаа үзүүлж чадсангүй.

⁶²Делаиагийн хөвгүүд, Тобиагийн хөвгүүд, Некодагийн хөвгүүд зургаан зуун дөчин хоёр.

⁶³Тахилч нараас Хобаиагийн хөвгүүд, Хаккозын хөвгүүд, гилеад хүн Барзиллаин охидоос эхнэр авч, тэдний нэрээр нэрлэгдэх болсон Барзиллаин хөвгүүд.

⁶⁴Тэд өөрсдийн эртний угсаа гарлын тэмдэглэлээс байршлаа хайсан хэдий ч энэ нь тогтоогдсонгүй. Тиймээс тэднийг бузар хэмээн тооцож тахилчлалаас хасав.

⁶⁵Урим ба Туммимтэй тахилч босохоос нааш тэд хамгийн ариун зүйлсээс идэж болохгүйг захирагч тэдэнд хэлсэн.

⁶⁶Бүхий л чуулганд нийтдээ дөчин хоёр мянга гурван зуун жаран хүн байжээ.

⁶⁷Энэ нь тэдний долоон мянга гурван зуун гучин долоон эрэгтэй, эмэгтэй боолуудаас гадна байлаа. Тэдэнд хоёр зуун дөчин таван эрэгтэй, эмэгтэй дуучид байв.

⁶⁸Тэдний морьд нь долоон зуун гучин зургаа, луус нь хоёр зуун дөчин тав,

⁶⁹тэмээ нь дөрвөн зуун гучин тав, илжигнүүд нь зургаан мянга долоон зуун хорь байв.

⁷⁰Эцгүүдийн бүлүүдийн тэргүүнүүдийн дундаас зарим нь ажилд зориулан хандивлажээ. Захирагч мянган алтан драхма, тавин сав, таван зуун гучин тахилч нарын хувцас эрдэнэсийн санд өгсөн.

⁷¹Эцгүүдийн бүлүүдийн зарим тэргүүлэгчид ажлын санд хорин мянган алтан драхма, хоёр мянга хоёр зуун мөнгөн мина өгөв.

⁷²Үлдсэн хүмүүсийн өгсөн зүйлс гэвэл хорин мянган алтан драхма, хоёр мянган мөнгөн мина ба жаран долоон тахилч нарын хувцас байв.

⁷³Тахилч нар, левичүүд, хаалгачид, дуучид, ард түмний зарим нь, сүмийн үйлчлэгчид болон бүх Израиль өөрсдийн хотуудад амьдарч байсан. Тэгээд долдугаар сар болоход Израилийн хөвгүүд өөрсдийн хотууддаа байлаа.