Read Ариун Библи, Mongolian Ariun Bible, 2004 Иов 13 Bible Online

Иов 13 - Ариун Библи, Mongolian Ariun Bible, 2004 bible

Иов 13

¹Харагтун, миний нүд бүхнийг харж, миний чих сонсож, үүнийг ойлгосон юм.

²Та нарын мэддэгийг би ч бас мэднэ. Та нараас дутах юм надад үгүй.

³Харин би Төгс Хүчит Нэгэнтэй ярилцсан ч болоосой. Бурхантай маргахыг би хүсдэг.

⁴Харин та нар худал хуурмагаар хүрээлдэг. Та нар бүгдээрээ олиггүй эмч нар юм.

⁵Та нар бүрмөсөн дуугүй байж, тэр нь та нарын мэргэн ухаан болоосой!

⁶Миний эргэцүүллүүдийг сонсож, миний уруулын эсэргүүцлийг чагна.

⁷Та нар Бурханы төлөө шударга бусыг, Түүний төлөө хуурмагийг ярих уу?

⁸Та нар Түүнд тал засах уу?Та нар Бурханы төлөө тэмцэх үү?

⁹Тэрээр та нарыг шалгах үед энэ чинь сайн болох уу?Эсвэл хүнийг хуурдаг шиг та нар Түүнийг хуурах уу?

¹⁰Хэрэв та нар нууцаар тал засдаг бол, Тэр та нарыг заавал залруулна.

¹¹Түүний сүр хүч та нарыг айлгаж, Түүнээс айх явдал та нарт учрахгүй юу?

¹²Та нарын цээжилсэн хэллэгүүд үнс адил бөгөөдта нарын хамгаалалтууд шавран хамгаалалтууд ажээ.

¹³Миний өмнө дуугүй бай, намайг яриул. Дараа нь надад тохиолдох нь тохиолдог.

¹⁴Яагаад би өөрийн махаа шүдэндээ зууж, амьдралаа өөрийн гартаа авах ёстой юм бэ?

¹⁵Тэр намайг алах ч гэсэн би Түүнд найдах л болно. Ямар ч байсан би Түүний өмнө өөрийн замуудаа хамгаалах болно.

¹⁶Энэ ч гэсэн миний аврал болно. Учир нь бурхангүй хүн Түүний оршихуйд ирж болдоггүй.

¹⁷Миний үгсийг анхааралтай сонс. Хэлэх зүйл минь та нарын чихэнд байг.

¹⁸Харагтун, би өөрийн хэргийг бэлтгэсэн юм. Зөвдөнө гэдгээ би мэдэж байна.

¹⁹Хэн надтай тэмцэлдэх юм бэ?Тэгвэл би дуугүй байж, үхье.

²⁰Зөвхөн хоёр зүйлийг л надад бүү хий, тэгвэл би Таны нүүрнээс нуугдахгүй.

²¹Өөрийн мутрыг надаас холдуулж, Өөрийн аймшгаар намайг бүү айлгаач.

²²Тэгээд дууд, би ч хариулна. Эсвэл намайг яриулаад, тэгээд надад хариул.

²³Миний гэм буруу болон нүглүүд хичнээн юм бэ?Миний тэрслэлт болон нүглийг надад мэдүүлээч.

²⁴Та юунд Өөрийн нүүрийг нууж, намайг Өөрийн дайсан хэмээн үзнэ вэ?

²⁵Та хийсэж буй навчийг айлгах уу?Эсвэл Та хатсан сүрлийг мөшгөх үү?

²⁶Та гашуун зүйлсийг миний эсрэг бичиж, залуу үеийн минь гэм бурууг надад өвлүүлдэг.

²⁷Та хөлийг минь дөнгөнд хийж, бүх замыг минь ажигладаг. Та миний хөлийн тавхайнуудад хязгаар тогтоодог.

²⁸Энэ зуур би хорхойд идүүлсэн хувцас мэт, муудсан зүйл мэт ялзарч байна.