Read Ариун Библи, Mongolian Ariun Bible, 2004 Иов 16 Bible Online

Иов 16 - Ариун Библи, Mongolian Ariun Bible, 2004 bible

Иов 16

¹Тэгэхэд Иов хариулж,

²-Иймэрхүү юм би олонтаа сонссон билээ. Та нар бүгд хөөрхийлөлтэй тайтгаруулагчид юм.

³Хоосон үгсэд хязгаар байгаа юу?Эсвэл юу түлхэхээрээ та нар хариулдаг вэ?

⁴Би ч гэсэн та нарын оронд байсан бол та нар шиг ярьж чадах байсан. Би та нарын эсрэг үгс холбож, та нарын дээр толгойгоо сэгсэрч чадах байсан.

⁵Би та нарыг амаараа хүчирхэгжүүлж, уруулынхаа хөдөлгөөнөөр та нарын зовлонг нимгэлэх байсан.

⁶Би ярьдаг бол, өвчин минь багасаагүй, ярихаа больдог ч намайг юу орхих юм бэ?

⁷Харин одоо Тэрээр намайг сульдаалаа. Та миний бүх нөхөрлөлийг хоосон болголоо.

⁸Та намайг хатаан хорчийлгосон бөгөөдтэр чинь гэрч болжээ. Миний доройтол миний эсрэг боссон бөгөөдтэрээр нүүрэн дээр минь гэрчилнэ.

⁹Түүний уур намайг тастчин, ангуучилсан бөгөөдТэрээр над уруу Өөрийн шүдээ хавирав. Өстнүүд минь намайг цоо ширтдэг.

¹⁰Тэд өөрсдийн амнуудаа над уруу ангайлгаж, зэвүүцлээр хацар дээр минь занчиж, миний эсрэг нэгдсэн билээ.

¹¹Бурхан намайг гажсан хүмүүсийн саварт өгч, хорон муу хүмүүсийн гарт тушаадаг.

¹²Би тайван байсан боловч Тэрээр намайг хага цохиж, хүзүүн дээрээс минь зууран авч, намайг хэсэг болгон буталжээ. Тэрээр бас намайг Өөрийн бай болгожээ.

¹³Түүний сумнууд намайг хүрээлдэг. Тэрээр бөөрийг минь өрөвдөлгүйгээр хоёр хуваадаг. Тэрээр цөсийг минь газарт асгадаг.

¹⁴Тэрээр намайг ахин дахин сэглэдэг. Тэрээр дайчин мэт над уруу довтолдог.

¹⁵Би арьсан дээгүүрээ таар оёж, эврээ шороонд шаав.

¹⁶Уйлснаас болж нүүр минь улайж, зовхи минь гүн харлав.

¹⁷Гэсэн хэдий ч миний гарт хүчирхийлэл байхгүй бөгөөдзалбирал минь цэвэр билээ.

¹⁸Өө, газар дэлхий, цусыг минь бүү далдал, миний уйлах дуунд байх газар бүү үлдэг.

¹⁹Одоо ч, харагтун, Миний гэрч тэнгэрт, миний өмгөөлөгч өндөрт байна.

²⁰Найзууд минь намайг тохуурхагчид юм. Миний нүд Бурханд хандан уйлдаг.

²¹Хүн хөршийнхөө төлөө гуйдгийн адил, Хэн нэгэн миний төлөө Бурханаас гуйдаг ч болоосой!

²²Учир нь хэдхэн жил өнгөрөн одох үед би эргэж ирдэггүй замаар явна.