Read Ариун Библи, Mongolian Ariun Bible, 2004 Иов 21 Bible Online

Иов 21 - Ариун Библи, Mongolian Ariun Bible, 2004 bible

Иов 21

¹Тэгэхэд Иов хариулан

²-Хэлэх үгийг минь анхааралтай сонсож, энэ нь та нарын тайвшрал болог.

³Тэвчин байж намайг яриулцгаа. Тэгээд намайг ярьсны дараа та нар тохуурхацгааж болно.

⁴Миний хувьд гэвэл, би хүнд гомдсон гэж үү?Яагаад би тэвчээргүй байж болохгүй юм бэ?

⁵Над уруу харж, гайхан алмайрцгаан, гараа аман дээрээ тавь.

⁶Би санахдаа ч хүртэл түгшсэн бөгөөдайдас хүйдэс бие махбодыг минь эзэмддэг.

⁷Яагаад хорон муу хүмүүс амьдарч, цааш үргэлжлэн, бас маш хүчирхэг болж байна вэ?

⁸Үр удмууд нь тэдний нүүрний өмнө тэдэнтэй хамт, мөн үр хүүхдүүд нь тэдний нүдний өмнө бэхэжсэн байна.

⁹Тэдний гэр орнууд айдсаас ангид бөгөөдБурханы саваа ч тэдний дээр алга.

¹⁰Тэдний бухнууд зогсолтгүй хээлтүүлж, үнээ мал нь ч зулбахгүй тугал гаргадаг юм.

¹¹Тэд бяцхан үрсээ сүрэг мал мэт гадагш гаргавал, тэдний үр хүүхдүүд нь ч үсрэн цовхчдог.

¹²Хуур, босоо ятганд тэд дуулж, лимбэний эгшигт цэнгэн баярладаг.

¹³Тэд өдрүүдээ цэцэглэлд өнгөрүүлээд, мөн гэнэтхэн тэд Үхэгсдийн орон уруу оддог.

¹⁴Тэд Бурханд “Биднээс холд!Таны замыг мэдэх хүсэл ч бидэнд алга.

¹⁵Төгс Хүчит Нэгэн гэж хэн болоод бид Түүнд үйлчлэх ёстой билээ?Түүнээс гуйвал бидэнд ямар ашигтай юм бэ?” гэцгээдэг.

¹⁶Харагтун, тэдний хөгжил цэцэглэл тэдний гарт байдаггүй аж. Нүгэлтний зөвлөгөө надаас хол билээ.

¹⁷Хорон муу хүний дэнлүү хир их унтарч, эсвэл гай зовлон нь тэдний дээр унадаг уу?Бурхан Өөрийн ууранд сүйрлийг тогтоодог уу?

¹⁸Тэд салхины өмнө сүрэл мэт, эсвэл шуурганд хийсэж үгүй болдог хивэг мэт үү?

¹⁹“Бурхан хүний гэм нүглийг үр хүүхдүүдэд нь хураадаг”Өөрт нь мэдүүлэхийн тулд Бурхан түүнд нөхөн төлөх болтугай.

²⁰Түүний өөрийнх нь нүд ялзарлаа харж, тэрээр Төгс Хүчит Нэгэний уур хилэнгээс ууг.

²¹Яагаад гэвэл түүний саруудын тоо гүйцэхэд буюуөөрийнхөө дараа тэрээр гэр орондоо яаж санаа тавих юм бэ?

²²Бурхан өндөрт байгсдыг шүүн шийтгэдэг байхадхэн нэгэн Түүнд билэг ухааныг зааж чадах уу?

²³Хэн нэгэн нь бүхлээрээ тайван, хангалуун байхдаа бүрэн хүч тэнхээтэйгээр нас эцэслэдэг.

²⁴Түүний дотор өөх бялхсан бөгөөдтүүний ясны чөмөг бөх бат хэвээр байдаг.

²⁵Тэгэх зуур өөр нэгэн нь сайныг хэзээ ч амсалгүйгээр гашуун сэтгэлтэйгээр үхдэг.

²⁶Тэд хамтдаа шороон дотор хэвтдэг бөгөөдхорхойнуудад хучигддаг.

²⁷Харагтун, санаа бодлуудыг чинь болоннамайг буруутгах байсан төлөвлөгөөнүүдийг чинь би мэднэ.

²⁸Та нар “Сурвалжит хүний гэр орон, мөн хорон муу хүний оршихуй болох майхан хаана байна вэ?” гэдэг.

²⁹Та нар аянчин хүмүүсээс асуугаагүй юм уу?Та нар тэдний гэрчлэлийг хүлээн зөвшөөрөөгүй юу?

³⁰Учир нь хорон муу хүн сүйрлийн өдөрт нөөцлөгдсөн билээ. Тэд хилэнгийн өдөрт аваачигдана.

³¹Хэн түүний замыг нүүрэн дээр нь хэлж, хэн үйлдсэн зүйлийнх нь төлөө түүнд хариулах вэ?

³²Түүнийг булшинд хийх хооронд ч булшин дээр нь харуул байх болно.

³³Хөндийн шавар ч түүнийг зөөлөн нөмөрнө. Түүнээс гадна түүний урд тоолшгүй их хүн байхадараас нь бүх хүмүүс дагах болно.

³⁴Тэгвэл та нар намайг хэрхэн хоосноор тайтгаруулах вэ?Учир нь та нарын хариулт хуурмаг хэвээр байдаг гэв.