Read Ариун Библи, Mongolian Ariun Bible, 2004 Иов 28 Bible Online

Иов 28 - Ариун Библи, Mongolian Ariun Bible, 2004 bible

Иов 28

¹Мөнгөний уурхай болон алтыг цэвэршүүлдэг газар зайлшгүй байдаг.

²Төмрийг шорооноос авдаг бөгөөд зэсийг хүдрээс гаргадаг.

³Тэрээр харанхуйг эцэслэж, харанхуй ба үхлийн сүүдэр дунд хүдрийг хамгийн зах хязгаараас хайдаг.

⁴Тэрээр хүмүүсийн оршин суух газраас хол уурхайн нүх ухдаг бөгөөдтэр нь хүний хөлд мартагдсан байдаг. Тэд хүнээс хол цааш нааш дүүжлэгдэн савладаг.

⁵Газраас хоол хүнс гарч ирдэг бөгөөдтүүний доороос тэр нь гал мэт гарч ирдэг.

⁶Түүний чулуунууд индранилын эх булаг бөгөөдшороо нь алт бөлгөө.

⁷Жимийг нь махчин шувууд мэддэггүй, элээний нүд ч түүнийг хараагүй юм.

⁸Бардам араатнууд түүний дээгүүр гишгээгүй, арслангууд ч түүгээр явж өнгөрөөгүй юм.

⁹Тэрээр гараа цахиур чулуун дээр тавьдаг. Тэрээр уулсыг сууриар нь эргүүлдэг.

¹⁰Тэрээр чулуунууд дундуур суваг цавчин гаргадаг бөгөөдтүүний нүд ямар ч үнэт зүйлийг хардаг.

¹¹Тэрээр урсгалуудыг урсгахгүй далангаар хааж, нууцлагдсан юмсыг тэрээр гэрэлд гаргадаг.

¹²Харин мэргэн ухаан хаанаас олддог вэ?Ухаарлын газар хаана байна вэ?

¹³Хүн түүний үнэ цэнийг мэддэггүй бөгөөдтэр нь амьд хүмүүсийн нутгаас ч олдоогүй.

¹⁴Гүн гүнзгий нь “Энэ нь миний дотор байхгүй”, мөн далай ч “Энэ нь надад байхгүй” гэж хэлдэг.

¹⁵Түүнийг цэвэр алтаар ч сольж чаддаггүй бөгөөдүнэнд нь мөнгийг ч хэмжин өгч чаддаггүй юм.

¹⁶Тэр нь Офирын алтаар, үнэт оникс, эсвэл индранилаар ч үнэлэгддэггүй.

¹⁷Алт ба шил түүнтэй эн зэрэгцдэггүй бөгөөдтүүнийг үнэт алтан эдлэлүүдээр ч сольдоггүй.

¹⁸Шүр болон болрыг дурьдах ч хэрэггүй. Мэргэн ухааны худалдан авах чадвар сувднаас ч өндөр болой.

¹⁹Етиопын молор эрдэнэ ч түүнтэй эн зэрэгцдэггүй бөгөөдтэр нь шижир алтаар ч үнэлэгдэж чаддаггүй юм.

²⁰Тэгвэл мэргэн ухаан хаанаас ирдэг юм бэ?Ухаарлын газар хаана байна вэ?

²¹Тэрээр ийнхүү амьтай бүхний нүднээс нууцлагдсан бөгөөдтэнгэрийн шувуудаас далдлагдсан ажгуу.

²²Сүйрэл болон Үхэл “Өөрсдийн чихээр бид түүний тухай сонссон” гэцгээдэг.

²³Бурхан түүний замыг ойлгодог бөгөөдтүүний газрыг ч мэддэг.

²⁴Учир нь Тэрээр газар дэлхийн хязгаар уруу харж, тэнгэрүүдийн доорх бүх юмсыг хардаг билээ.

²⁵Салхины хүнд, усны хэмжээ,

²⁶бороонд хязгаарыг, аянга цахилгаанд хэмийг тогтооход

²⁷Тэрээр үүнийг хараад, үүнийг тунхаглажээ. Тэрээр үүнийг тогтоосон бөгөөдбас үүнийг шалган үзсэн билээ.

²⁸Тэрээр хүнд хандан“Үзэгтүн, Эзэнээс эмээх нь мэргэн ухаан юм. Бузар муугаас зайлах нь ухаарал юм” хэмээн айлдав гэв. Иов