Read Ариун Библи, Mongolian Ariun Bible, 2004 Иов 3 Bible Online

Иов 3 - Ариун Библи, Mongolian Ariun Bible, 2004 bible

Иов 3

¹Үүний дараа Иов амаа нээж, өөрийн төрсөн өдрийг хараав.

²Иов хэлэхдээ

³-Миний төрсөн өдөр, “Хөвгүүн бүрэлдсэн” гэсэн шөнө сөнөг.

⁴Тэр өдөр харанхуй байг. Дээр буй Бурхан түүнийг бүү харж үзэн, тэр өдөр гэрэл ч бүү гэрэлтэг.

⁵Харанхуй болон хар манан түүнийг буцааж аваг. Үүл түүнийг бүрхэг. Харанхуй тэр өдрийг айлгаг.

⁶Тэр шөнө түнэр харанхуйд эзлэгдэг. Жилийн өдрүүдийн дунд тэр өдөр бүү баясаг. Тэр нь саруудын тоонд ч бүү орог.

⁷Үзэгтүн, тэр шөнө үргүй болог. Тэр шөнө баярын уухай бүү хадаг.

⁸Левиатаныг сэрээхээр бэлдсэн, өдрийг хараагч нар түүнийг хараагтун.

⁹Түүний үдшийн бүрэнхийн одод бөхөг. Тэр нь гэрлийг хүлээвч авахгүй байж, үүрийн гэгээг ч бүү үзэг.

¹⁰Учир нь тэрээр эхийн минь хэвлийн ам нээгдэхийг зогсоогоогүй, миний нүднээс зовлонг нуудаггүй.

¹¹Юунд би төрөхдөө үхсэнгүй, хэвлийнээс гарахдаа эндсэнгүй вэ?

¹²Юунд өвдгүүд болон намайг хөхүүлэх гэжэхийн хөх намайг хүлээн авав аа?

¹³Уг нь би одоо хэвтээд, анир чимээгүй болж, би нойрсож амрах байсан сан.

¹⁴Өөрсдөдөө нурангийг дахин босгосондэлхийн хаад, зөвлөгч нартай хамт,

¹⁵эсвэл гэр орнуудаа мөнгөөр дүүргэсэн, алтыг эзэмшиж байсан ноёдын хамт байх байсан.

¹⁶Зулбаад хаягдсан, нарны гэрэл хэзээ ч үзээгүй нялхсын адил би байхгүй яав даа.

¹⁷Тэнд хорон муу санаатнууд ч түйвээхээ зогсоож, ядарч туйлдагсад амарцгаадаг билээ.

¹⁸Хоригдлууд хамтдаа тайвныг эдэлж байна. Тэд харгалзагчийн хашхирах дууг үл сонсдог аж.

¹⁹Их багагүй тэнд байцгаадаг бөгөөдбоолчууд эзнээсээ чөлөөлөгддөг аж.

²⁰Юунд зовон тарчлагсдад гэрэл, сэтгэлээр гашуудагсдад амь өгөгддөг вэ?

²¹Тэд үхлийг хүсэмжлэвч тэр нь ирдэггүй бөгөөднуусан эрдэнэсээс илүүгээр тэд үхлийг хайж ухдаг ажээ.

²²Тэд булшаа олмогц асар ихээр хөөрөн, баярладаг.

²³Зам нь нуугдмал хүнийг Бурхан хүрээлдэг билээ.

²⁴Хоолны оронд надад ёолох нь л ирэх бөгөөдминий нулимс ус мэт асгарч байна.

²⁵Миний эмээдэг зүйл над дээр ирж, миний айдаг зүйл надад оноогддог.

²⁶Би тайван биш, чимээгүй ч биш бөгөөдби амраагүй, харин үймээн самуун ирдэг билээ гэв.