Read Ариун Библи, Mongolian Ariun Bible, 2004 Иов 30 Bible Online

Иов 30 - Ариун Библи, Mongolian Ariun Bible, 2004 bible

Иов 30

¹Гэтэл одоо надаас залуу тэдгээр нь намайг элэглэн дооглодог. Тэдний эцгүүдийг би хонь хариулдаг ноходтой ч адил үздэггүй байлаа.

²Үнэндээ, тэдний гарын хүч надад ямар ашигтай юм бэ?Тэд хүч тэнхээгээ алдсан юм.

³Тэд үгүйрэл, өлсгөлөнгөөр амьгүй байдаг. Тэд урьд нь эзгүйрэн хоосорсон хуурай газрыг хэмхэлдэг.

⁴Тэд бутнуудын хажуугаас ногоо түүдэг бөгөөдарц модны үндэс тэдний хоол болдог.

⁵Тэд олон түмнээс хөөгдсөн. Хүмүүс тэднийг хулгайч адил хашхиран туудаг.

⁶Тиймээс тэд аймшигт хөндийнүүдэд, газрын болон хадны нүхнүүдэд амьдардаг.

⁷Бутнуудын дунд тэд хашхиран орилдог. Халгайн доор тэд хамтдаа цугладаг.

⁸Тэнэгүүд буюу нэр хүндгүй тэд нутгаасаа хөөгдсөн болой.

⁹Одоо би тэдний элэглэл, тэдний зүйрлэл ч болсон юм.

¹⁰Тэд намайг үзэн ядаж, надаас дөлцгөөж, нүүр уруу минь нулимахаас ч цээрлэдэггүй аж.

¹¹Тэрээр Өөрийн нумын хөвчийг татаж, намайг зовоосон тул тэд миний өмнө хазааруудаа тайлан хаясан.

¹²Баруун талд тэдний үрс дайрдаг. Тэд хөлийг минь түлхэж, миний эсрэг сүйрлийн замуудаа босгодог.

¹³Тэд миний замыг эвдэж, миний сүйрлээс ашиг олдог. Хэн ч тэднийг хориглодоггүй ажээ.

¹⁴Тэд өргөн цөмөрхийгөөр орох мэт ирж, шуурган дундаас тэд бөөнөөрөө давшиж байна.

¹⁵Аймшгууд над уруу эргэжээ. Тэд алдар хүндийг минь салхи мэт мөшгөдөг бөгөөдхөгжил цэцэглэл минь үүл мэт өнгөрөн одов.

¹⁶Одоо дотор минь миний сэтгэл асгарчээ. Зовлонгийн өдрүүд намайг эзлэн авчээ.

¹⁷Шөнөөр миний яс хатгагдаж, өвчнүүд минь амраахгүй байна.

¹⁸Асар их хүчээр хувцас минь мушгигдаж, хүрэмний минь зах шиг тэр намайг баглана.

¹⁹Тэрээр намайг шаварт хаясан бөгөөдби шороо үнс шиг болов.

²⁰Би Тан уруу тусламж эрэн хашхирдаг боловч, Та надад хариулдаггүй. Би босдог боловч, Та Өөрийн анхаарлыг миний эсрэг хандуулдаг.

²¹Та надад харгис ханддаг болжээ. Өөрийн мутрын хүчээр Та намайг хавчдаг.

²²Та намайг өргөж салхиар хийсгэж, шуурганд уруудуулдаг.

²³Та намайг үхэлд буюу амьд бүхний уулзах гэрт аваачна гэдгийг би мэдэж байна.

²⁴Гэтэл овоолсон нуранги доорх хүн гараа сунгадаггүй юм уу?Эсвэл гамшиг дотроо тиймээс тусламж эрэн гуйдаггүй юм уу?

²⁵Амьдрал нь хүнд нэгний төлөө би уйлж байгаагүй гэж үү?Үгээгүйчүүдийн төлөө миний сэтгэл шаналж байгаагүй гэж үү?

²⁶Би сайныг горилж байхад бузар муу ирлээ. Би гэрэл гэгээг хүлээж байхад харанхуй ирлээ.

²⁷Би дотоод сэтгэлдээ шатан, ангижирч чадахгүй байна. Зовлонгийн өдрүүд надад нүүрлэдэг.

²⁸Би тайвшралгүйгээр гашуудсаар байна. Би чуулганы дунд зогсоод тусламж хүсэн хашхирна.

²⁹Би цөөвөр чононуудын ах дүү, тэмээн хяруулын нөхөр боллоо.

³⁰Арьс минь харлаж, яс минь халуу төөнөнө.

³¹Тиймээс ятга минь гашуудлаар хийгээдлимбэ минь уйлдаг хүмүүсийн дуугаар солигдов.