Read Ариун Библи, Mongolian Ariun Bible, 2004 Иов 32 Bible Online

Иов 32 - Ариун Библи, Mongolian Ariun Bible, 2004 bible

Иов 32

¹Иов өөрийн нүдэнд шударга зөв байсан тул өнөөх гурван хүн түүнд хариулахаа больжээ.

²Тэгтэл Рамын ургийн, буз хүн Барахелын хүү Елихугийн уур шатав. Иов өөрийгөө Бурханы өмнө зөвтгөсөн тул Елихугийн уур түүний эсрэг шатсан юм.

³Иовын гурван нөхөр түүнийг буруутгаж байсан хэдий ч хариу хэлж чадахгүй байсан тул Елихугийн уур мөн тэдний эсрэг шатав.

⁴Тэд өөрөөс нь насаар ахмад байсан тул Елиху Иовтой ярилцахаа хүлээзнэж байв.

⁵Тэгээд өнөөх гурван хүний аманд хариу байхгүйг Елиху хараад түүний уур шатжээ.

⁶Тиймээс буз хүн Барахелын хүү Елиху өгүүлрүүн, -Би насаар залуу, та нар ахмад билээ. Тиймээс ч би өөрийн бодлыг та нарт хэлэхээс айн эмээж байлаа.

⁷Ахмадууд ярьж, олон насалсан нь мэргэн ухааныг мэдүүлэх ёстой гэж би бодож байлаа.

⁸Гэтэл хүний доторх сүнс болонТөгс Хүчит Нэгэний амьсгал л тэдэнд ойлголтыг өгдөг аж.

⁹Агуу хүмүүс мэргэн байх ёсгүй бөгөөдахмадууд ч үнэн шударгыг ухаарах албагүй юм байна.

¹⁰Иймд би “Намайг сонс. Би ч гэсэн бодол санаагаа хэлье” гэнэ.

¹¹Харагтун, би та нарын үгийг хүлээж, хэлэх үгээ эргэцүүлэн байх зуур чинь та нарын цэцэн тайлбаруудыг сонслоо.

¹²Би та нарыг маш хянуур ажигласан билээ. Үнэндээ, Иовыг няцаасан хэн ч байгаагүй бөгөөдтүүний үгэнд хариулсан хэн ч та нараас байгаагүй.

¹³“Бид мэргэн ухааныг оллоо. Хүн биш, Бурхан л түүнийг ниргэнэ” гэж бүү хэл.

¹⁴Тэр миний эсрэг хэлэх үгээ бэлтгээгүй бөгөөдби ч та нарын хэлсэн үгсээр түүнд хариулахгүй.

¹⁵Тэд айцгаасан, тэд хариулах ч үгүй байна. Тэдний үгс ч барагдлаа.

¹⁶Тэд ярихгүй, зогсоод дахин хариулахгүй байгаа учраас би хүлээх үү?

¹⁷Би ч мөн өөрийн хувиа хариулж, өөрийн санаа бодлыг хэлэх болно.

¹⁸Би үгсээр дүүрэн байна, миний доторх сүнс намайг албадаж байна.

¹⁹Харагтун, гэдэс дотор минь савлаад онгойлгоогүй дарс мэт, шинэ тулам адил дэлбэрэх гэж байна.

²⁰Тайтгарахын тулд намайг яриулаач. Би уруулаа нээж, хариу хэлье.

²¹Би хэнд ч долигонохгүй, хүнд ч бялдуучлахгүй.

²²Учир нь хэрхэн бялдуучлахыг би мэдэхгүй билээ. Эс бөгөөс Бүтээгч минь намайг удахгүй зайлуулах байсан.