Read Ариун Библи, Mongolian Ariun Bible, 2004 Иов 34 Bible Online

Иов 34 - Ариун Библи, Mongolian Ariun Bible, 2004 bible

Иов 34

¹Тэгээд Елиху үргэлжлүүлэн,

²-Мэргэн эрчүүд та нар, миний үгсийг сонс. Мэддэг хэмээгч та нар, намайг чагна.

³Учир нь тагнай хоолыг амталдгийн адил чих үгсийг нягталдаг юм.

⁴Юу нь зөв болохыг өөрсдөдөө сонгоцгооё. Юу нь сайн болохыг өөрсдийнхөө дотор мэдэцгээе.

⁵Учир нь Иов хэлэхдээ“Би бол зөвт, харин Бурхан миний зөвийг зайлуулсан.

⁶Өөрийн зөвийн тухайд би худлаа хэлэх юм гэж үү?Би нүгэлгүй боловч шарх минь эдгэшгүй” гэсэн.

⁷Ямар хүн Иов шиг вэ?Тэрээр ус уудаг шигээ элэглэж байна,

⁸гэм буруу үйлдэгчидтэй хамт явж, хорон муу хүмүүстэй алхдаг.

⁹Учир нь тэрээр“Бурханд таалагдлаа гэхэд энэ нь хүнд ямар ч ашиггүй” гэсэн.

¹⁰Тийм учраас, ухаантай хүмүүс та нар, намайг сонсоцгоо. Хорон мууг үйлдэх нь Бурханаас, бурууг үйлдэх нь Төгс Хүчит Нэгэнээс хол байг.

¹¹Учир нь Тэрээр хүнд ажлынх нь дагуу хариулж, өөрийнх нь зам мөрийн дагуу хүнд өгдөг ажээ.

¹²Үнэндээ Бурхан хорон муугаар үйлдэхгүй бөгөөдТөгс Хүчит Нэгэн ч шударга ёсыг гуйвуулахгүй.

¹³Газар дэлхийн эрх мэдлийг хэн Түүнд өгсөн юм бэ?Бүхий л ертөнцийг хэн Түүн дээр тогтоосон юм бэ?

¹⁴Хэрэв Тэрээр Өөр уруугаа Өөрийн сүнс, Өөрийн амьсгалыг цуглуулсан бөгөөдхэрэв ийн үйлдэхээр шийдсэн бол,

¹⁵бүх бие махбод хамтдаа үхэж, хүн шороонд буцах байсан.

¹⁶Харин ухаан байвал үүнийг сонс. Миний үгсийг сонс.

¹⁷Шударга ёсыг үзэн яддаг нэгэн захирах гэж үү?Зөв шударга, хүчит Нэгэнийг чи буруутгах уу?

¹⁸Тэрээр хааныг “Өөдгүй нэгэн ээ”, ноёдыг “Хорон муучууд аа” гэдэг.

¹⁹Тэрээр язгууртнуудад долигонолгүй, баянг ч ядуугаас илүүд үздэггүй. Учир нь тэд бүгд Түүний мутрын бүтээл билээ.

²⁰Агшин зуурд тэд үхэцгээж, шөнө дунд ч хүмүүс сэгсрэгдэж, өнгөрөн оддог бөгөөд хүчтэнүүд гарын оролцоогүйгээр авагдана.

²¹Түүний мэлмий хүний замуудыг ажиж, Тэрээр түүний бүх алхмыг хардаг.

²²Гэм бурууг үйлдэгчид өөрсдийгөө нууж болохоор харанхуй, эсвэл гүн сүүдэр байдаггүй билээ.

²³Учир нь хүнийг Бурханы өмнө шүүхэд очуулахаарТэр хүнийг цаашид гуйдаггүй юм.

²⁴Тэрээр хүчтэнүүдийг асуулгүйгээр хэсэглэн бяцлаж, тэдний оронд бусдыг тавьдаг.

²⁵Тэрээр тэдний ажлыг мэдэж, шөнөөр хөмрөн хаядаг бөгөөд тэд сүйрдэг билээ.

²⁶Тэрээр тэднийг гэмт хэрэгтнүүдийн адил олон нийтийн газар устгадаг нь

²⁷тэд Түүнийг дагахаас эргэж, Түүний аль ч замыг үл ойшоосон учраас билээ.

²⁸Ингэснээрээ тэд ядуусын хашхирааныг Түүнд сонсдоход хүргэсэн бөгөөдТэрээр зовсон хүмүүсийн хашхирахыг сонсохын тулд болой.

²⁹Түүнийг дуугүй байхадхэн буруушааж чадах вэ?Тэрээр нүүрээ нуухадүндэстэн, хувь хүний хэн нь тэгвэл Түүнийг харж чадах вэ?

³⁰Энэ нь бурхангүй хүмүүс ноёрхохгүй, ард түмний урхи ч болохгүйн тулд ажээ.

³¹Хэн нэгэн нь Бурханд“Би шийтгэлийг үүрсэн, би дахин гомдоохгүй.

³²Миний хардаггүй юмыг надад зааж өгөөч. Хэрэв би гэм бурууг үйлдсэн болби түүнийг дахин үйлдэхгүй” гэж хэлдэг үү?

³³Чи татгалзсан учраас Тэр чамд буцааж төлөх ёстой юу?Учир нь би биш, чи сонгох ёстой. Тиймээс юу мэддэгээ тунхагла.

³⁴Ухаантай хүмүүс болон намайг сонсдог мэргэн хүмүүс надад

³⁵“Иов мэдлэггүйгээр ярьж байгаа бөгөөдтүүний үгс утгагүй.

³⁶Иов хорон муу хүний адил хариулдаг тултэрээр цаад хэмжээг хүртэл соригдох нь.

³⁷Учир нь нүгэл дээрээ тэрээр тэрслэлийг нэмдэг. Тэрээр бидний дунд алгаа ташин, Бурханы эсрэг өөрийн үгсээ нэмэгдүүлсээр байна” гэж хэлэх болно гэв.