Read Ариун Библи, Mongolian Ariun Bible, 2004 Иов 37 Bible Online

Иов 37 - Ариун Библи, Mongolian Ariun Bible, 2004 bible

Иов 37

¹Үүнд ч гэсэн зүрх минь чичирч, дэлсдэг.

²Түүний дуу хоолойн аянгыг болонТүүний амнаас гарах нижигнээнийг сайтар сонс.

³Тэрээр бүхэл тэнгэрийн дор аянга гялбаагаа газар дэлхийн мухрууд уруу суллан тавьдаг.

⁴Араас нь дуу нижигнэдэг. Тэр Өөрийн сүр жавхлантай дуу хоолойгоор аянга буулгаж, дуу нь сонсогдоход Тэрээр гялбаагаа барьдаггүй.

⁵Бурхан бидний ухаарч чадахгүй агуу зүйлсийг үйлдэнӨөрийн дуу хоолойгоор гайхамшигтайгаар аянга буулгадаг болой.

⁶Тэрээр цасанд “Газарт уна”, намуун шиврээ болон аадар бороонд “Хүчтэй бай” гэж хэлдэг.

⁷Тэрээр хүн бүрийн гарыг тамгалдаг ньӨөрийн ажлыг бүх хүнд таниулахын тулд болой.

⁸Тэгэхэд араатан амьтад ичээндээ орж, нүхэндээ хоргоддог бөлгөө.

⁹Өмнөдөөс хуйлрах салхи, умард зүгээс хүйтэн ирдэг.

¹⁰Бурханы амьсгалаар мөс бий болж, усны мандал хөлддөг билээ.

¹¹Тэрээр өтгөн үүлсийг ч чийгээр дүүргэдэг. Тэрээр Өөрийн үүлсийг гялбуулдаг билээ.

¹²Түүний заавраар эргэж, үүлс чигээ өөрчилдөг нь оршин суугчидтай газар дэлхийн гадаргуу дээрТүүний тушаадаг бүхнийг хийхийн тулд болой.

¹³Шийтгэхийн тулд ч, Өөрийн ертөнцдөө зориулан, эсвэл хайр энэрлийн тулд Тэрээр үүнийг учруулдаг бөлгөө.

¹⁴Иов оо, үүнийг сонс. Зогсоод, Бурханы гайхамшгуудыг эргэцүүл.

¹⁵Бурхан тэдгээрийг хэрхэн үндэслэж, Өөрийн үүлсийг хэрхэн гялбуулдаг болгосныг чи мэдэх үү?

¹⁶Өтгөн үүлсийн давхаргуудын тухай болонмэдлэгээр төгс Нэгэний гайхамшгуудыг чи мэддэг үү?

¹⁷Өмнөдийн салхинд газар тайван бөгчим байхадта нарын хувцас дулаан байдаг.

¹⁸Цутгамал толь шиг бат бөх тэнгэрийгчи Түүнтэй хамт дэлгэлцэж чадах уу?

¹⁹Бид Түүнд юу гэж хэлэхийг бидэнд зааж өгөөч. Харанхуйгаас болж бид бэлтгэн цэгцэлж чадахгүй байна.

²⁰Би ярих байсан гэж Түүнд мэдэгдэх үү?Эсвэл өөрийгөө залгигдах байсан гэж хүн хэлэх үү?

²¹Тэнгэрт тодрох гэрлийг хүмүүс хардаггүй боловч, салхи өнгөрөхдөө үүлсийг сарниулдаг.

²²Умардаас алтан сүр жавхлан ирж, Бурханы эргэн тойронд аймшиг төрөм цог жавхлан байдаг.

²³Төгс Хүчит Түүнийг бид олж чаддаггүй. Тэрээр хүч дотор өргөмжлөгдсөн бөгөөдшударга ёс, бялхам зөвт байдлын төлөө харгис хатуу ханддаггүй.

²⁴Иймээс хүмүүс Түүнээс эмээдэг. Тэрээр зүрхэндээ мэргэн хэмээгч хэнийг ч ойшоодоггүй гэв.