Read Ариун Библи, Mongolian Ariun Bible, 2004 Иов 8 Bible Online

Иов 8 - Ариун Библи, Mongolian Ariun Bible, 2004 bible

Иов 8

¹Дараа нь шух хүн Билдад хариулан

²-Хэр удаан чи эдгээр зүйлсийг чалчиж, амны чинь үгс хүчит салхи болох юм бэ?

³Бурхан шударга ёсыг завхруулдаг уу?Төгс Хүчит Нэгэн зөв юмыг завхруулдаг уу?

⁴Хэрэв хөвгүүд чинь Түүний эсрэг нүгэл үйлдсэн болТэрээр тэднийг өөрсдийнх нь нүглийн хүчинд тушаасан хэрэг юм.

⁵Хэрэв чи Бурханыг хайж, Төгс Хүчит Нэгэний өршөөлийг гуйсан сан бол,

⁶мөн хэрэв чи цэвэр ба шулуун шударга бол, Тэрээр одоо чиний төлөө Өөрөө босож, чиний зөв шударга орон гэрийг дахин босгоно.

⁷Чиний эхлэл шалихгүй байсан ч төгсгөлөө агуу ихээр өсгө.

⁸Өнгөрсөн үеийнхний талаар асууж, тэдний эцэг өвгөдийн эрэлхийлж байсан зүйлсийг эргэцүүлэн бод.

⁹Бид чинь өчигдрийнх бөгөөдгазар дэлхий дээрх бидний өдрүүд сүүдэр мэт учраасбид юу ч мэддэггүй билээ.

¹⁰Тэд чамд сурган хэлж, өөрсдийн оюун санааны үгсийг гаргахгүй гэж үү?

¹¹Намаг байхгүй бол хулс ургаж чадах уу?Усгүйгээр зэгс ургаж чадах уу?

¹²Тэр нь огтлогдоогүй, ногооноороо байхдаа чалив ургамлаас өмнө хатаж хорчийдог аж.

¹³Бурханыг умартсан бүх хүний зам үүнтэй адил юм. Бурхангүйчүүдийн найдвар мөхнө.

¹⁴Тэдний найдвар хэврэг бөгөөдитгэл нь аалзны шүлсэн тор юм.

¹⁵Тэрээр өөрийн гэрт найддаг боловч гэр нь тогтдоггүй. Тэрээр түүнээс зуурдаг боловч тэр нь даадаггүй.

¹⁶Тэрээр наранд өтгөрөн ургаж, мөчрүүд нь цэцэрлэгээр нь тархдаг.

¹⁷Түүний үндэснүүд чулуун овоог ороож, тэрээр чулуун гэрээс зууралдана.

¹⁸Хэрэв тэрээр байрнаасаа хөдөлбөл, дараа нь тэр газар нь түүнийг үгүйсгэж“Би чамайг огт хараагүй” гэнэ.

¹⁹Харагтун, Түүний замын баяр баясгалан энэ болой. Шорооноос өөр хүмүүс соёолох болно.

²⁰Үнэнч шударгыг Бурхан үнэхээр орхихгүй, бузар мууг үйлдэгчдийг Тэрээр дэмжихгүй юм.

²¹Тэрээр чиний амыг инээдээр, чиний уруулыг баярын дуугаар дүүргэх л болно.

²²Чамайг үзэн ядагчид ичгүүрээр хувцаслах бөгөөдхорон муу хүний майхан байхгүй гэв.