Read Ариун Библи, Mongolian Ariun Bible, 2004 Дуулал 118 Bible Online

Дуулал 118 - Ариун Библи, Mongolian Ariun Bible, 2004 bible

Дуулал 118

¹ЭЗЭНд талархал өргө. Учир нь Тэр сайн, Учир нь Түүний хайр энэрэл мөнхийн юм.

²Израильчуудаар хэлүүл, “Түүний хайр энэрэл мөнхийн юм”.

³Аароны гэрээр хэлүүл, “Түүний хайр энэрэл мөнхийн юм”.

⁴ЭЗЭНээс эмээгчдээр хэлүүл, “Түүний хайр энэрэл мөнхийн юм”.

⁵Зовлон дундаас би ЭЗЭН уруу хашхирсан юм. ЭЗЭН надад хариулж, намайг уудам газарт авчирсан.

⁶ЭЗЭН миний талд, би айхгүй. Хүн надад юу хийж чадах вэ?

⁷ЭЗЭН надад туслагчдын дунд миний талд байна. Тиймээс би намайг үзэн яддаг хүмүүс уруу харах болно.

⁸Хүнд итгэхээсЭЗЭНий дотор хоргодох нь илүү дээр.

⁹Ноёдод итгэхээсЭЗЭНий дотор хоргодох нь илүү дээр.

¹⁰Бүх үндэстнүүд намайг бүсэлжээ. ЭЗЭНий нэрээр би тэднийг заавал бут цохино.

¹¹Тэд намайг хүрээлжээ, тэд намайг хүрээлжээ. ЭЗЭНий нэрээр би тэднийг заавал бут цохино.

¹²Тэд намайг зөгийнүүд мэт хүрээлсэн. Тэд өргөст бутны дундах гал мэт унтарчээ. ЭЗЭНий нэрээр би тэднийг заавал тасална.

¹³Та нар намайг унагахаар хүчээр түлхсэн, Гэвч ЭЗЭН надад тусалсан юм.

¹⁴ЭЗЭН бол миний хүч ба миний дуу, Тэр миний аврал болсон юм.

¹⁵Зөв шударга хүний майханд баяр хөөртэй хашхираан, авралын дуу байна. ЭЗЭНий баруун мутар эрэлхэг зоригтойгоор үйлддэг.

¹⁶ЭЗЭНий баруун мутар өндөрт өргөгдсөн. ЭЗЭНий баруун мутар эрэлхэг зоригтойгоор үйлддэг.

¹⁷Би үхэхгүй, харин амьдарч, ЭЗЭНий үйлсийг тунхаглах болно.

¹⁸ЭЗЭН намайг хүндээр гэсгээсэн, Гэвч намайг үхэлд хүргээгүй.

¹⁹Надад зориулж зөв шударгын дааман хаалгыг нээгээч. Би түүгээр орно, би ЭЗЭНд талархал өргөнө.

²⁰Энэ бол ЭЗЭНий дааман хаалга юм. Зөв шударга хүн түүгээр орох болно.

²¹Та надад хариулсан бөгөөдТа миний аврал болсон учраасБи Танд талархал өргөнө.

²²Барилгачдын голсон чулууБулангийн тулгуур чулуу болов.

²³Энэ бол ЭЗЭНээс бөгөөдБидний нүдэнд гайхалтай юм.

²⁴Энэ бол ЭЗЭНий бүтээсэн өдөр юм. Үүнд хөгжилдөн баярлацгаая.

²⁵Өө, ЭЗЭН, бид залбирч байна, авраач. Өө, ЭЗЭН, бид залбирч байна, дэвшлийг өгөн соёрхооч!

²⁶ЭЗЭНий нэрээр ирэгч нэгэн ерөөлтэй еэ. Бид ЭЗЭНий өргөөнөөс чамайг ерөөсөн юм.

²⁷ЭЗЭН бол Бурхан бөгөөд Тэр бидэнд гэрлийг өгсөн. Тахилыг тахилын ширээний эврэнд уяагаар холбогтун.

²⁸Та бол миний Бурхан, би Танд талархал өргөе. Миний Бурхан, би Таныг өргөмжилнө.

²⁹ЭЗЭНд талархал өргө. Учир нь Тэр бол сайн, Түүний хайр энэрэл мөнхийнх юм.