Read Ариун Библи, Mongolian Ariun Bible, 2004 Дуулал 132 Bible Online

Дуулал 132 - Ариун Библи, Mongolian Ariun Bible, 2004 bible

Дуулал 132

¹Өгсөх дуу. Өө, ЭЗЭН, Давидын төлөөТүүний бүх шаналлыг санаач.

²Түүний хэрхэн ЭЗЭНд тангараглан, Иаковын Төгс хүчит Нэгэнд андгайлахдаа

³“Үнэхээр би гэртээ ч орохгүй, Орон дээрээ ч хэвтэхгүй.

⁴Би унтахаар нүдээ ч анихгүй, Зовхио ч буулгахгүй.

⁵Энэ нь намайг ЭЗЭНд зориулсан газрыг, Иаковын Төгс хүчит Нэгэнд орших газрыг олох хүртэл болой” гэж байсныг санаач.

⁶Харагтун, бид үүний талаар Ефратад сонсож, Үүнийг Иаарын талбайгаас олсон.

⁷Түүний орших газарт очицгооё. Түүний хөлийн гишгүүрийн хажууд мөргөцгөөе.

⁸Өө, ЭЗЭН Та Өөрийн хүч чадлын авдартай хамтӨөрийн амралтын газарт орохоор босооч.

⁹Өөрийн тахилч нарыг зөв шударгаар хувцасла. Таны бурханлаг хүмүүс баяр хөөр болон дуулаг.

¹⁰Өөрийн зарц Давидын төлөөТослогдогчийнхоо нүүрийг бүү буруулаач.

¹¹ЭЗЭН Давидадэнэ үнэнээс буцахгүй гэж тангарагласан нь“Чиний биеэс төрсөн хүүхдээс Би чиний сэнтийд зална.

¹²Хэрэв чиний хөвгүүд Миний гэрээг болонМиний тэдэнд сургадаг гэрчлэлийг минь сахивалТэдний хөвгүүд ч бас чиний сэнтийд мөнхөд залрах болно” хэмээв.

¹³Учир нь ЭЗЭН Сионыг сонгосон юм. Тэр түүнийг Өөрийн орших газар болгохыг хүсэв.

¹⁴“Энэ бол мөнхөд Миний амрах газар болой. Үүнийг хүссэн тул Би энд амьдарна.

¹⁵Би түүнийг хоол хүнсээр элбэгээр ерөөнө. Би гачигдагсдыг нь талхаар хангана.

¹⁶Түүний тахилч нарыг ч бас Би авралаар хувцаслах бөгөөдТүүний бурханлаг хүмүүс баярлан чангаар дуулна.

¹⁷Тэнд Би Давидын эврийг ургуулна. Би Өөрийн тослогдогчийн төлөө дэнлүүг бэлтгэсэн юм.

¹⁸Түүний дайснуудыг Би ичгүүрээр хувцаслана. Харин өөрийнх нь дээр титэм нь гялбах болно”.