Read Ариун Библи, Mongolian Ariun Bible, 2004 Дуулал 135 Bible Online

Дуулал 135 - Ариун Библи, Mongolian Ariun Bible, 2004 bible

Дуулал 135

¹ЭЗЭНийг магтагтун!ЭЗЭНий нэрийг магтагтун. ЭЗЭНий зарц нар аа, магтагтун,

²ЭЗЭНий өргөөнд, Бидний Бурханы өргөөний хашаанд зогсогчид оо, та нар.

³ЭЗЭНийг магтагтун. Учир нь ЭЗЭН бол сайн. Түүний нэрд магтан дуулагтун. Учир нь тэр сайхан юм.

⁴Учир нь ЭЗЭН Өөртөө зориулан Иаковыг, Өөрийн өмч болгон Израилийг сонгосон билээ.

⁵ЭЗЭН бол аугаа бөгөөдБидний Эзэн бол бүх бурхдаас илүү дээгүүр гэдгийг би мэднэ.

⁶ЭЗЭН таалдаг аливаа зүйлээТэнгэрт ба газарт хийгээд далайнуудад ба бүх гүн газруудад үйлддэг билээ.

⁷Тэрээр дэлхийн зах хязгааруудаас уур манангуудыг дээшээ хөөрүүлдэг. Тэр бол бороонд зориулан аянга цахилгааныг бүтээж, Өөрийн агуулахуудаас салхийг гаргадаг.

⁸Тэрээр Египетийн уугануудыг, Хүний хүүхэд, амьтны төлийн аль алиныг цохисон.

⁹Египет ээ, Тэр чиний дунд тэмдгүүд ба гайхамшгуудыгФараон болон түүний бүх түшмэд дээр илгээсэн юм.

¹⁰Тэрээр олон үндэстнүүдийг бут цохиж, Хүчтэй хаадыг алсны дотор

¹¹Аморичуудын хаан Сихон, Башаны хаан Ог болонКанааны бүх хаанчлалууд болой.

¹²Тэр тэдний газар нутгийг өв болгонӨөрийн ард түмэн болох Израильд өв болгон өгсөн.

¹³Өө, ЭЗЭН, Таны нэр мөнхийнх бөгөөдӨө, ЭЗЭН, Таны тухай дурсгал бүх үеүдэд хүрнэ.

¹⁴Учир нь ЭЗЭН Өөрийн ард түмнийг шүүж, Өөрийн зарц нарыг өршөөнө.

¹⁵Улс үндэстнүүдийн шүтээнүүд бол алт, мөнгө буюуХүний гарын бүтээл юм.

¹⁶Тэд амтай боловч ярьдаггүй. Тэд нүдтэй боловч хардаггүй.

¹⁷Тэд чихтэй боловч сонсдоггүй, Тэдний аманд ямар ч амьсгал байхгүй билээ.

¹⁸Тэднийг бүтээдэг хүмүүс, Тэдэнд итгэгчид бүгдээрээ тэдэнтэй адилхан болно.

¹⁹Израилийн гэр ээ, ЭЗЭНийг магтагтун. Аароны гэр ээ, ЭЗЭНийг магтагтун.

²⁰Левийн гэр ээ, ЭЗЭНийг магтагтун. ЭЗЭНээс эмээгчид ээ, та нар ЭЗЭНийг магтагтун.

²¹Иерусалимд оршин суудагЭЗЭН Сионоос магтагдах болтугай. ЭЗЭНийг магтагтун!