Read Ариун Библи, Mongolian Ariun Bible, 2004 Дуулал 144 Bible Online

Дуулал 144 - Ариун Библи, Mongolian Ariun Bible, 2004 bible

Дуулал 144

¹Давидын дуулал. Миний гарыг дайтахад болоодМиний хурууг тулалдахад бэлтгэдэг, Миний хад болох ЭЗЭН магтагдах болтугай.

²Тэр бол миний хайр энэрэл ба миний цайз, Миний бэхлэлт ба миний аврагч, Миний бамбай ба миний хоргоддог Нэгэн, Хүмүүсийг минь миний дор захируулагч.

³Өө, ЭЗЭН, хүн гэгч нь юу болоодТа түүнийг мэддэг юм бэ?Хүний хүү гэгч нь юу болоод Та түүний тухай боддог юм бэ?

⁴Хүн бол зүгээр л нэг амьсгалтай адил юм. Түүний өдрүүд бол өнгөрч буй сүүдэр шиг билээ.

⁵Өө, ЭЗЭН, Өөрийн тэнгэрүүдийг бөхийлгөөд доош бууж ирээч. Утаа гаргуулахаар уулсад хүрээч.

⁶Аянга цахилгаан цахиулж, тэднийг тараагаач. Сумнуудаа харваж, тэднийг бут цохиоч.

⁷Өндөр дээрээс Өөрийн мутрыг сунган, Намайг их уснаас болонХарь хүмүүсийн гараас авран чөлөөлөөч.

⁸Тэдний ам худал хуурмагийг ярьдаг бөгөөдТэдний баруун гар бол худал хуурмагийн баруун гар юм.

⁹Өө, Бурхан, би Танд шинэ дууг дуулна. Арван утаст ятгаар би Танд магтан дуулна.

¹⁰Та хаадад авралыг хайрлаж, Өөрийн зарц Давидыг бузар илднээс авардаг билээ.

¹¹Ам нь худал хуурмагийг хэлдэг, Баруун гар нь худал хуурмагийн баруун гар болохХарь хүмүүсийн гараас намайг авран чөлөөлөөч.

¹²Манай хөвгүүдийг залууд нь ургаж гүйцсэн ургамал мэт, Манай охидыг ордонд зориулан урласан булангийн багана мэт болгооч.

¹³Манай саравчууд бүх төрлийн тариа будаагаар дүүрэн, Манай хонин сүргүүд талбайнуудад миньМянга, түмээр үржих болтугай.

¹⁴Манай үхэр сүргүүдГай зовлон, алдагдалгүй хүнд ачааг зөөж, Манай гудамжнуудад хашхирах дуун ч байхгүй болох болтугай!

¹⁵Ийм ард түмэн юутай ерөөлтэй вэ!ЭЗЭНийг өөрсдийн Бурханаа болгодог ард түмэн юутай ерөөлтэй вэ!