Read Ариун Библи, Mongolian Ariun Bible, 2004 Дуулал 21 Bible Online

Дуулал 21 - Ариун Библи, Mongolian Ariun Bible, 2004 bible

Дуулал 21

¹Давидын дуулал. Найрал дууны удирдаачид. ЭЗЭН, Таны хүчинд хаан баясах болно, Таны авралд тэр ямар их баярлана вэ!

²Та түүнд зүрхнийх нь хүслийг өгсөн бөгөөдТүүний уруулын гуйлтанд татгалзаагүй.

³Учир нь Та түүнийг сайн зүйлсийн ерөөлөөр угтан авдаг. Та шижир алтан титмийг түүний толгойд өмсгөдөг.

⁴Тэр Танаас амь гуйсандТа түүнд мөнхийн мөнхөд урт удаан насыг өгсөн юм.

⁵Түүний алдар Таны авралаар дамжуулан агуу их юм. Та түүний дээр алдар ба сүр хүчийг өмсгөсөн.

⁶Учир нь Та түүнийг мөнхөд хамгийн ерөөлтэй болгодог. Та түүнийг Өөрийнхөө оршихуйд баяр баясгалантай болгодог.

⁷Учир нь хаан ЭЗЭНд түшдэг бөгөөдХамгийн Дээд Нэгэний хайр энэрлээр тэр ганхахгүй.

⁸Чиний гар өөрийнхөө бүх дайснуудыг олно. Чиний баруун гар чамайг үзэн ядагчдыг олж илрүүлэх болно.

⁹Чи уурласан үедээ тэднийг галтай зуух мэт болгоно. ЭЗЭН өөрийн уур хилэн дотроо тэднийг залгиж, Гал тэднийг шатаана.

¹⁰Чи тэдний үрийг дэлхийгээс, Тэдний удмынхныг хүний хөвгүүдийн дундаас устгана.

¹¹Хэдийгээр тэд Таны эсрэг хорон мууг санаархаж, Хуйвалдаан зохиосон боловчТэд амжилтад хүрэхгүй.

¹²Учир нь Та тэднийг нуруугаа харуулахад хүргэх болно. Та тэдний нүүрний эсрэг сумаа онилон бэлэн болгоно.

¹³Өөрийн хүч чадлаар, ЭЗЭН, Та өргөмжлөгдөх болтугай!Бид Таны сүр хүчийг дуулан магтах болно.