Read Ариун Библи, Mongolian Ariun Bible, 2004 Дуулал 22 Bible Online

Дуулал 22 - Ариун Библи, Mongolian Ariun Bible, 2004 bible

Дуулал 22

¹Давидын дуулал. Найрал дууны удирдаачид, Аиелет Хашшахар дээр. Бурхан минь, Бурхан минь, юунд Та намайг орхисон бэ?Миний ёолох дуу, миний авралаас Та юунд хол байна вэ?

²Бурхан минь ээ, би өдөр хашхирдаг боловч Та хариулдаггүй. Шөнө ч бас хашхирдаг боловч надад хариу үгүй.

³Гэвч Израилийн магтаал дунд сэнтийд залрагч аа, Та бол ариун юм.

⁴Бидний эцэг өвгөд Танд итгэсэн. Тэд итгэсэн бөгөөд Та тэднийг аварсан.

⁵Тэд Тан уруу хашхирч, аврагдаж байв. Тэд Танд итгэсэн бөгөөд ичгүүрт унасангүй.

⁶Харин би бол өт, хүн биш!Би бол хүмүүсийн буруутгал бөгөөд ард олонд жигшигдсэн юм.

⁷Намайг хардаг бүхэн намайг тохуурхан инээдэг. Тэд уруулаа нээж, толгой сэгсрэн

⁸“Тэр өөрийгөө ЭЗЭНд даатгасан. Тэр түүнийг авраг!Тэр түүнд баярладаг тул түүнийг авраг!” гэж байна.

⁹Гэсэн ч Та бол намайг эхийн хэвлийгээс гаргасан Тэр мөн. Эхийнхээ хөхөөр байх үедТа намайг итгүүлсэн.

¹⁰Би төрөхөөсөө Танд даатгагдсан. Эхийнхээ хэвлийд байх үеэс минь Та миний Бурхан байсан.

¹¹Зовлон ойрхон байгаа учраасНадаас бүү холдооч. Учир нь туслах хүн нэг ч алга.

¹²Олон үхэр намайг хүрээлсэн. Башаны хүчтэнүүд намайг бүсэлсэн.

¹³Хуу татахаар архиран байгаа арслан шигТэд над уруу амаа том ангайлгадаг.

¹⁴Намайг ус шиг асгасан бөгөөдМиний бүх яс мултарсан. Миний зүрх лааны тос адил юм. Тэр нь миний дотор хайлсан.

¹⁵Миний хүч шаазангийн хэлтэрхий шиг хатаж, Миний хэл түүшиндээ наалдсан. Та намайг үхлийн шороонд тавьдаг.

¹⁶Учир нь намайг ноход хүрээлжээ. Бүлэг хорон санаатнууд намайг бүсэлжээ. Тэд миний гар, хөлийг нэвт хатгасан.

¹⁷Би бүх ясаа тоолж чадна. Тэд харж, над уруу гөлрөн ширтдэг.

¹⁸Тэд миний гадуур хувцсыг хоорондоо хувааж, Миний дотуур хувцасны төлөө шоддог.

¹⁹Харин, ЭЗЭН, Та бүү холдооч. Миний хүч чадал аа, надад туслахаар хурдлаач.

²⁰Миний сэтгэлийг илднээс, Миний ганц амийг нохойн эрхшээлээс авраач.

²¹Намайг арслангийн амнаас авраач. Зэрлэг үхрийн эврээс аварч, Надад хариу өгөөч.

²²Би Таны нэрийг ах дүүстээ хэлэх болно. Чуулганы дунд би Таныг магтах болно.

²³ЭЗЭНээс эмээгчид ээ, Түүнийг магт. Иаковын үр удам болох та бүгдТүүнийг алдаршуул. Израилийн үр удам болох та бүгдТүүнийг хүндэтгэ.

²⁴Учир нь Тэр зовогсдын зовлонг жигшээ ч үгүй, үзэн ядаа ч үгүй. Тэр нүүрээ түүнээс нуугаа ч үгүй. Харин тусламж гуйн түүнийг хашхирахад Тэр сонссон юм.

²⁵Их чуулганы дунд миний магтаалТанаас ирдэг. Түүнээс эмээгчдийн өмнө би өөрийн тангаргаа биелүүлнэ.

²⁶Ядуу хүн идэж, цадна. ЭЗЭНийг эрэн хайгчид Түүнийг магтах болно. Та нарын зүрх мөнхөд амьд байх болтугай!

²⁷Газрын бүх зах хязгаар ЭЗЭНийг санаж, Түүн уруу эргэх болно. Улс үндэстнүүдийн бүх ургуудТаны өмнө хүндэтгэн мөргөнө.

²⁸Учир нь хаанчлал бол ЭЗЭНийх. Тэрээр улс үндэстнүүдийг захирдаг.

²⁹Дэлхийн баян чинээлэг хүн бүхэн идэж, хүндэтгэн мөргөх болно. Шороон доор орогч бүхэн, Өөрсдийн сэтгэлийг амьд хадгалж чаддаггүй бүхэн чТүүний өмнө сөгдөнө.

³⁰Үр удмууд Түүнд зарагдах болно. Эзэний тухай ирэх үеүдэд яригдах болно.

³¹Тэд ирж, Тэр үүнийг үйлдсэн гэдгийг, Ирээдүйд төрөх хүмүүстТүүний зөв шударгыг зарлах болно.