Read Ариун Библи, Mongolian Ariun Bible, 2004 Дуулал 25 Bible Online

Дуулал 25 - Ариун Библи, Mongolian Ariun Bible, 2004 bible

Дуулал 25

¹Давидын дуулал. ЭЗЭН, Тан уруу би сэтгэлээ өргөдөг.

²Бурхан минь ээ, би Танд итгэдэг, Намайг бүү ичгүүр болгооч. Дайснуудыг минь надаас болж бүү баярлуулаач.

³Үнэндээ Таныг хүсэн хүлээгчдийн хэн нь ч ичгүүр болохгүй. Шалтгаангүйгээр итгэл эвдэгчид ичгүүр болно.

⁴ЭЗЭН, надад Өөрийнхөө замуудыг мэдүүлээч. Өөрийнхөө жимүүдийг надад зааж өгөөч.

⁵Өөрийнхөө үнэнээр намайг дагуулж, намайг сургаач. Учир нь Та бол миний авралын Бурхан юм. Таныг би бүхэл өдөржин хүсэн хүлээдэг.

⁶ЭЗЭН, Өөрийн өршөөл болон хайр энэрлийг дурсан санаач. Учир нь тэдгээр нь мөнхөөс байсан билээ.

⁷Миний залуу насны нүглийг, эсвэл алдаа зөрчлийг минь бүү санаач. Өөрийн хайр энэрлийн дагуу намайг санаач, ЭЗЭН, Өөрийн сайн чанарын төлөө санаач.

⁸ЭЗЭН бол сайн бөгөөд шулуун шударга юм. Тиймээс Тэрээр нүгэлтнүүдэд замыг зааварладаг.

⁹Тэрээр даруу хүнийг шударгаар удирдаж, Тэдэнд Өөрийн замыг сургадаг.

¹⁰Түүний гэрээ хийгээд Түүний гэрчлэлийг сахигчдадЭЗЭНий бүх жимүүд бол хайр энэрэл ба үнэн юм.

¹¹ЭЗЭН, Өөрийн нэрийн төлөөМиний их гэм нүглийг уучлаач.

¹²ЭЗЭНээс эмээдэг хүн хэн юм бэ?Тэрээр түүнд сонгох ёстой замд нь зааварчилна.

¹³Түүний сэтгэл сайн сайхан байдал дотор оршиж, Үр удам нь газар нутгийг өвлөн авах болно.

¹⁴ЭЗЭНий нууц Өөрөөс нь эмээгчдийн төлөө байдаг. Тэр тэдэнд Өөрийн гэрээг мэдүүлнэ.

¹⁵Миний нүд үргэлж ЭЗЭН уруу хардаг. Учир нь Тэр миний хөлийг урхинаас суллах юм.

¹⁶Би ганцаардсан болон зовж шаналсан учирНад уруу эргэж, намайг нигүүлсээч.

¹⁷Зүрхний минь зовлонгууд ихэссэн юм. Зүдгүүрээс минь намайг гаргаач.

¹⁸Миний шаналал, зовлонг харж, Миний бүх нүглийг уучлаач.

¹⁹Миний дайснуудыг хараач. Учир нь тэд олуулаа бөгөөдТэд намайг маш ихээр үзэн яддаг.

²⁰Миний сэтгэлийг хамгаалж, намайг авраач. Би Таны дотор хоргоддог учир намайг ичгүүрт бүү оруулаач.

²¹Би Таныг хүсэн хүлээдэг учирҮнэнч болон шулуун шударга байдалд намайг хамгаалаг.

²²Бурхан, ИзраилийгБүх зовлон бэрхшээлээс нь авраач!