Read Ариун Библи, Mongolian Ariun Bible, 2004 Дуулал 26 Bible Online

Дуулал 26 - Ариун Библи, Mongolian Ariun Bible, 2004 bible

Дуулал 26

¹Давидын дуулал. и үнэнч шударгаар явж, Гуйвалгүйгээр ЭЗЭНд итгэсэн учраас, ЭЗЭН, Та намайг зөвтгөөч.

²ЭЗЭН, намайг шалгаж, намайг туршаач. Миний оюун бодол, зүрхийг минь шалгаач.

³Таны хайр энэрэл нүдний минь өмнө байгаа бөгөөдБи Таны үнэнээр явсан.

⁴Би хуурмаг хүмүүстэй хамт суудаггүй, Дүр эсгэгч нартай хамт ч явахгүй.

⁵Би хорон санаатнуудын чуулганыг үзэн яддаг, Мөн бузар муу хүнтэй хамт суухгүй.

⁶Би гэмгүй байдал дотор гараа угааж, ЭЗЭН, Таны тахилын ширээнд ойртон очно.

⁷Ингэх нь би талархлын дуугаар тунхаглаж, Таны бүх гайхамшгуудыг зарлахын тулд билээ.

⁸ЭЗЭН, би Таны өргөөний оршихуй болонТаны сүр жавхлангийн орших газарт хайртай.

⁹Миний сэтгэлийг нүгэлтнүүдтэй хамт, Миний амийг цус урсгагчидтай хамт бүү авч яваач.

¹⁰Тэдний гарт хорон муу хуйвалдаанууд байдаг бөгөөдТэдний баруун гар нь хахуулиар дүүрэн.

¹¹Харин миний хувьд, би үнэнч байдлаараа явах ёстой. Намайг аварч, намайг нигүүлсээч.

¹²Миний хөл тэгш газарт зогсдог. Цуглаануудад би ЭЗЭНийг магтана.