Read Ариун Библи, Mongolian Ariun Bible, 2004 Дуулал 38 Bible Online

Дуулал 38 - Ариун Библи, Mongolian Ariun Bible, 2004 bible

Дуулал 38

¹Дурсгалд зориулсан Давидын дуулал. ЭЗЭН, Өөрийн хилэн дотроо намайг бүү зэмлээч, Өөрийн шатаж буй ууран дотроо намайг бүү гэсгээгээч.

²Учир нь Таны сум намайг нэвт сүлбэж, Таны мутар намайг доош дарсан.

³Таны хилэгнэлээс болж махан биед минь эрүүл газар үгүй. Миний нүглээс болж ясанд минь амар амгалан ч үгүй.

⁴Учир нь миний гэм буруу толгойгоос минь давжээ. Хүнд ачаа мэт тэд надад даагдахгүй байна.

⁵Миний мунхгаас болжШархнууд минь хувилж, муухай үнэр ханхлуулна.

⁶Намайг мушгин ихэд бөхийлгөжээ. Би бүхэл өдрийн турш гашуудан явна.

⁷Ууц нуруу минь халуу шатаж, Махан биед минь эрүүл газар гэж үгүй.

⁸Намайг сульдуулан доройтуулж, маш хүндээр бэртээжээ. Зүрхний минь шаналлаас болж би ёолдог.

⁹Эзэн, миний бүх хүсэл Таны өмнө байна. Миний санаа алдах дуу Танаас нууцлагдаагүй байна.

¹⁰Миний зүрх давчдаж, хүч чадал минь алдардаг. Нүдний минь гал ч бөхсөн.

¹¹Миний хайртай хүмүүс хийгээд миний найз нөхөдГамшгаас минь зугтдаг. Хамаатан саднууд минь ч холуур зогсдог.

¹²Миний амийг эрэгчид урхи тавьдаг. Намайг шархлуулахыг хүсэгчид сүйрлийн тухай ярилцаж, Өдөржингөө заль мэхийг сэддэг.

¹³Харин би дүлий хүн шиг үл сонсдог. Мөн амаа эс нээдэг хэлгүй хүн шиг байна.

¹⁴Тийм ээ, би бол огт сонсдоггүй, Аманд нь зэмлэл байдаггүй хүн мэт байна.

¹⁵Учир нь, ЭЗЭН, би Танд найддаг. Миний Бурхан ЭЗЭН, Та хариулах болно.

¹⁶Учир нь би “Хөл алдах үед минь өөрсдийгөө миний эсрэг өргөмжлөхТэд надаас болж бүү баярлатугай” гэж хэлсэн.

¹⁷Учир нь би унахад бэлэн бөгөөдӨвчин шаналал минь үргэлж миний өмнө байдаг.

¹⁸Би гэм буруугаа улайдаг. Нүглээсээ болж би санаа зоволтоор дүүрэн байна.

¹⁹Харин миний дайснууд идэвхтэй, хүчтэй бөгөөдНамайг утга учиргүйгээр үзэн ядагчид олон байна.

²⁰Би сайныг дагадаг тул сайныг муугаар хариулагчид намайг эсэргүүцдэг.

²¹ЭЗЭН, намайг бүү орхиоч. Бурхан минь ээ, надаас бүү хол байгаач.

²²Миний аврал болох Эзэн, Надад туслахаар хурдлаач.