Read Ариун Библи, Mongolian Ariun Bible, 2004 Дуулал 41 Bible Online

Дуулал 41 - Ариун Библи, Mongolian Ariun Bible, 2004 bible

Дуулал 41

¹Давидын дуулал. Найрал дууны удирдаачид. Дорой хүмүүсийг анхааран халамжлагч нь юутай ерөөлтэй вэ!Зовлонгийн өдөрт ЭЗЭН түүнийг аварна.

²ЭЗЭН түүнийг хамгаалан, амьдруулах бөгөөдТэрээр газар дэлхий дээр ерөөлтэй хэмээгдэх болно. Та түүнийг дайсных нь хүсэлд бүү өгөөч.

³ЭЗЭН түүнийг өвчтөний оронд хэвтэж байхад нь тэтгэнэ. Та түүнийг өвчтэй байхад нь сэргээн босгоно.

⁴Би “ЭЗЭН, намайг нигүүлсээч. Би Таны эсрэг нүгэл үйлдсэн учраас миний сэтгэлийг эдгээгээч” гэв.

⁵Миний дайснууд намайг муулан“Тэр хэзээ үхэж, түүний нэр үгүй болох вэ?” гэж ярилцдаг.

⁶Тэр намайг харахаар ирэхдээ худал ярьдаг. Тэрээр зүрхэндээ хорон мууг агуулаадГадагш гарахдаа түүнийгээ тараадаг.

⁷Намайг үзэн ядагч бүхэн миний тухай шивнэлддэг. Намайг хорлохоор тэд хуйвалдан

⁸“Тэр хорт өвчин туссан. Тэр хэвтээд дахин босож чадахгүй” гэнэм.

⁹Миний итгэдэг, Миний талхыг идэж байсан дотно найз минь чМиний эсрэг өсгийгөө өргөсөн.

¹⁰Гэвч ЭЗЭН, Та намайг нигүүлсэж, Тэдэнд хариу барихын тулд намайг босгооч.

¹¹Миний дайсан намайг ялсан дуугаар хашхирдаггүй учирТа намайг таалдгийг би үүгээр мэднэ.

¹²Та намайг миний үнэнч байдлын дунд түшиж, Намайг Өөрийн өмнө мөнхөд байлгадаг.

¹³Израилийн Бурхан ЭЗЭН мөнхийн мөнхөд магтагдах болтугай!Амен, амен.