Read Ариун Библи, Mongolian Ariun Bible, 2004 Дуулал 45 Bible Online

Дуулал 45 - Ариун Библи, Mongolian Ariun Bible, 2004 bible

Дуулал 45

¹Найрал дууны удирдаачид. Шошаннимын тухай, Корагийн хөвгүүдийн маскил. Хайрын дуу. Миний зүрхэнд сайн үг бялхам байна. Би өөрийн шүлгээ Хаанд зориулъя. Миний хэл бол чадварлаг зохиолчийн бийр юм.

²Та бол хүний хөвгүүдээс гойд сайхан юм. Таны уруул нигүүлслээр дүүрэн. Тиймээс Бурхан Таныг мөнхөд ерөөсөн билээ.

³Хүчит Нэгэн, Өөрийн цог жавхлан болон сүр хүчтэйгээрТашаандаа илдээ зүү.

⁴Үнэн, дөлгөөн байдал, зөв шударгын төлөөӨөрийн сүр хүч дотор ялгууснаар мордооч. Баруун гар тань Танд айдас төрүүлэм зүйлсийг заана.

⁵Таны сумнууд хурц. Тэдгээр нь Хааны дайснуудын зүрхийг сүлбэнэ. Ард түмнүүд Таны өмнө унадаг.

⁶Бурхан, Таны сэнтий мөнхийн мөнхөд болой. Шударга ёсны очирт таяг бол Таны хаанчлалынх юм.

⁷Та зөв шударгыг хайрлаж, хорон мууг үзэн ядсан. Тиймээс Бурхан, Таны Бурхан ТаныгБаяр баяслын тосоор анд нөхдийн чинь дээр залж тосолсон.

⁸Таны бүх хувцас гүгэл, зуун наст ба кассиагийн үнэртэй. Зааны ясан ордноос гардагУтсан хөгжмийн зэмсгүүд Таныг баясгажээ.

⁹Таны эрхэм хатагтай нарын дунд хаадын охид байдаг. Таны баруун гар талд Офирын алтаар гоёсон хатан зогсдог.

¹⁰Сонс, охин оо, анхааран чагна. Өөрийн ард түмэн хийгээд эцгийнхээ гэрийг март.

¹¹Тэгвэл Хаан чиний гоо үзэсгэлэнд сэтгэл татагдана. Тэр чиний Эзэн учир Түүнд бөхийн мөргө.

¹²Тирийн охин бэлэгтэй ирж, Хүмүүсийн дундах баячууд чиний хайр хишгийг гуйна.

¹³Хааны охин ордон дотроо бүх цог жавхланг эдэлж, Түүний хувцас нь алтаар хээлэгджээ.

¹⁴Хээтэй хувцас өмссөн тэрээр хаанд хүргэгдэн ирэв. Түүний үйлчлэгч найз бүсгүйчүүдийг ч араас нь дагуулан хаанд аваачна.

¹⁵Тэд баяр баясгалантайгаар хүргэгдэн ордонд орох болно.

¹⁶Та нарын эцэг өвгөдийн байранд хөвгүүд тань байна. Та тэднийг бүх дэлхийд хаад болгоно.

¹⁷Би Таны нэрийг үеийн үед сануулна. Тиймээс ард түмэн Танд мөнхийн мөнхөд магтаалуудыг өргөнө.