Read Ариун Библи, Mongolian Ariun Bible, 2004 Дуулал 48 Bible Online

Дуулал 48 - Ариун Библи, Mongolian Ariun Bible, 2004 bible

Дуулал 48

¹Дуу. Корагийн хөвгүүдийн дуулал. ЭЗЭН бол аугаа бөгөөдБидний Бурханы хот болох Түүний ариун ууландАгуугаар магтагдах болтугай.

²Бүх дэлхийн баяр хөөр болохХойд хязгаарт буй Сион уул буюуИх Хааны хот өргөгдөхдөө үзэсгэлэнтэй юм.

³Түүний орднуудадБурхан Өөрийгөө хүчит цайз хэмээн таниулсан.

⁴Учир нь үз, хаад цуглаж, хамтдаа явж өнгөрөв.

⁵Тэд түүнийг үзээд гайхаж байв. Тэд айсан бөгөөд түгшүүртэйгээр зугтав.

⁶Тэнд тэд үймээн самуунд, Төрж буй эмэгтэйнх шиг өвчин шаналалд автжээ.

⁷Дорнын салхиарТа Таршишийн усан онгоцнуудыг хэмхэчдэг.

⁸Түмэн цэргийн ЭЗЭНий хот, бидний Бурханы хотодБид сонссон шигээ харсан билээ. Бурхан түүнийг мөнхөд байгуулна.

⁹Бурхан, бид Таны сүмийн голд Таны хайр энэрлийг бодсон.

¹⁰Бурхан, Таны нэр ямар байдаг шигТаны магтаал ч газрын хязгааруудад тийн хүрдэг. Таны баруун мутар зөв шударгаар дүүрэн.

¹¹Таны шүүлтээс болж Сион Уулыг баярлуулж, Иудагийн охидыг баясуулаач.

¹²Сионоор алхаж, түүнийг тойрон яв. Цамхгуудыг нь тоол.

¹³Түүний хэрмүүдийг тунгаан бод. Хойч үедээ дамжуулан ярихын тулд түүний орднуудаар дамжин яв.

¹⁴Учир нь энэ Бурхан бол мөнхийн мөнхөд бидний Бурхан билээ. Тэр биднийг үхэн үхтэл хөтлөх болно.