Read Ариун Библи, Mongolian Ariun Bible, 2004 Дуулал 49 Bible Online

Дуулал 49 - Ариун Библи, Mongolian Ariun Bible, 2004 bible

Дуулал 49

¹Найрал дууны удирдаачид. Корагийн хөвгүүдийн дуулал. Бүх хүмүүс ээ, үүнийг сонс. Газар дэлхийн бүх оршин суугчид аа, чих тавин сонс.

²Дээдэс доодос, Баян ядуу хамтдаа сонсоцгоо.

³Миний ам мэргэн үгийг хэлэх бөгөөдМиний зүрхний бясалгал нь ухаарал байх болно.

⁴Би сургаалт үгэнд чих тавина. Би учир битүүлэг хэлснээ босоо ятгаар тайлна.

⁵Миний дайснуудын гэм буруу намайг хүрээлэх үед, Зовлон зүдгүүрийн өдөр би юунд айх ёстой вэ?

⁶Тэд бол өөрсдийн эд хөрөнгөнд итгэж, Өөрсдийн баялгийн элбэг дэлбэгээр сайрхдаг.

⁷Ямар ч хүн ямар ч аргаар ах дүүгээ зольж чадахгүй, Эсвэл түүний төлөө Бурханд төлөөс өгч чадахгүй.

⁸Учир нь түүний сэтгэлийн аврал маш их үнэ цэнэтэй бөгөөдТүүнийг мөнхөд төлж баршгүй.

⁹Энэ бол түүнийг мөнхөд амьдарч, ялзралыг үзэхгүйн тулд юм.

¹⁰Учир нь мэргэн хүмүүс ч үхдэгийг тэр хардаг. Мунхаг болон ухаангүй нь хамт сөнөн, Эд хөрөнгөө бусдад үлдээдэг.

¹¹Тэд дотроо өөрсдийнх нь гэрүүд мөнх байна, Мөн оршин суух газрууд нь бүх үеийнхэнд байна гэж боддог. Тэд өөрсдийн газруудаа өөрсдийнхөө нэрээр нэрлэсэн.

¹²Харин хүн агуу хүндэтгэл дотроо үлдэхгүй. Тэрээр мөхдөг адгуустай адил юм.

¹³Энэ бол мунхаг хүмүүсийн болонТэдний үгийг сайшаадаг хүмүүсийн зам билээ.

¹⁴Тэд хонь шиг Үхэгсдийн оронд аваачигдахаар товлогдсон. Үхэл тэдний хоньчин болно. Шулуун шударга хүн тэднийг өглөөд захирч, Тэдний хэлбэр дүрс нь шатаагдахын тулд Үхэгсдийн оронд зориулагдана. Ингэснээр тэд оршин суух газаргүй болно.

¹⁵Харин Бурхан миний сэтгэлийг Үхэгсдийн орны эрхшээлээс аварна. Учир нь Тэр намайг хүлээн авна.

¹⁶Хүн баяжиж, гэр орных нь эд хөрөнгө нэмэгдэх үед чи бүү ай.

¹⁷Учир нь тэр үхэхдээ юу ч авч явахгүй. Түүний алдар ч түүний араас бууж ирэхгүй.

¹⁸Учир нь амьддаа тэр өөртөө баяр хүргэдэг, Мөн өөртөө сайныг хийхэд чинь хүмүүс чамайг магтдаг боловч,

¹⁹Тэр өөрийн эцэг өвгөд уруу очно. Тэд хэзээ ч гэрлийг харахгүй.

²⁰Агуу хүндэтгэлтэй боловч ухааралгүй хүн болМөхөх адгуустай адил юм.