Read Ариун Библи, Mongolian Ariun Bible, 2004 Дуулал 56 Bible Online

Дуулал 56 - Ариун Библи, Mongolian Ariun Bible, 2004 bible

Дуулал 56

¹Найрал дууны удирдаачид. Алс холын царсан дээрх тагтааны аялгуунд зориулсан дуу. Филистчүүд өөрийг нь Гатад барих үеийн Давидын миктам. Бурхан, намайг өрөвдөөч. Хүн намайг залгих гэж бүхэл өдөржин давшлан дайрч намайг дарладаг.

²Миний дайснууд өдөржин намайг залгихаар хайдаг. Учир нь миний эсрэг бардамнан довтлогчид тэд олуулаа билээ.

³Айх үедээ би Танд итгэлээ өгнө.

⁴Бурханы дотор би Түүний үгийг магтана. Бурханд би итгэлээ өгсөн. Би айхгүй. Хүн надад юу хийж чадах вэ?

⁵Бүхэл өдөржин тэд миний үгсийг гуйвуулдаг. Тэдний бүх бодол миний эсрэг хор хөнөөлийн төлөө юм.

⁶Тэд тэмцэлдээнийг өдөөж, нуугддаг, Тэд миний амийг авахаар хүлээж байхдааМиний алхмуудыг ажигладаг.

⁷Бурхан, хорон муугаас болж тэдэнд нөхөн төлөөч, Уур хилэнгээр хүмүүсийг номхтгооч.

⁸Миний төөрөн явсныг Та тоолсон билээ. Миний нулимсыг тулмандаа хийгээч. Тэд Таны номд бичигдээгүй гэж үү?

⁹Тэгвэл миний дуудах өдөр дайснууд минь ухарна. Үүгээр би Бурхан миний талд байгааг мэднэ.

¹⁰Бурханы дотор би үгийг магтана. ЭЗЭН дотор би үгийг магтана.

¹¹Бурханд би итгэлээ өгсөн бөгөөд би айхгүй. Хүн надад юу хийж чадах вэ?

¹²Бурхан, Таны тангаргууд над дээр буй. Би Танд талархлын тахилуудыг өргөнө.

¹³Учир нь Та миний амийг үхлээс, Түүгээр ч барахгүй, амьдын гэрэлд Бурханы өмнө намайг алхуулахын тулдМиний хөлийг бүдрэхээс аварсан.