Read Ариун Библи, Mongolian Ariun Bible, 2004 Дуулал 71 Bible Online

Дуулал 71 - Ариун Библи, Mongolian Ariun Bible, 2004 bible

Дуулал 71

¹ЭЗЭН, Таны дотор би хоргодов. Намайг хэзээ ч ичгүүрт бүү унагаач.

²Өөрийн зөв шударгаар намайг авран, суллаач. Өөрийн чихээ над уруу хандуулан, намайг авраач.

³Надад миний байнга очиж байх хоргодох хад болооч. Та миний хад, миний бат цайз учраасНамайг аврахаар тушаасан билээ.

⁴Бурхан минь ээ, намайг хорон муу хүний гараас, Бурууг үйлдэгч ба харгис хүний атгалтаас авраач.

⁵Учир нь Та бол миний найдвар. БУРХАН Эзэн, Та бол залуугаас минь миний итгэл юм.

⁶Би төрөхөөсөө Танаар түшүүлсэн. Та бол намайг эхийн минь хэвлийгээс гаргаж авсан Нэгэн билээ. Би үргэлж Таныг магтана.

⁷Би олон хүмүүст хачин юм болсон. Учир нь Та бол миний бат бэх хоргодох газар.

⁸Миний ам Таны магтаалаар, Таны алдраар бүхэл өдөржин дүүрсэн байна.

⁹Хөгшрөх үед намайг бүү орхиоч. Миний хүч чадал барагдах үед намайг бүү хаяач.

¹⁰Учир нь миний дайснууд миний эсрэг ярилцжээ. Миний амийг отогчид хамтран хуйвалджээ.

¹¹Тэгэхдээ тэд “Бурхан түүнийг хаясан. Аврах хүн байхгүй учраас түүнийг хөөж, барь” гэж хэлсэн.

¹²Бурхан, надаас бүү хол байгаач. Бурхан минь ээ, надад туслахаар хурдлаач.

¹³Миний сүнсний дайснуудыг ичгүүрт унаган, сөнөөгөөч. Намайг хорлохыг хүсэгчдийг доромжлол, ичгүүрээр нөмөргөөч.

¹⁴Харин би үргэлж найдаж, Таныг улам ихээр магтах болно.

¹⁵Миний ам Таны зөв шударга, Таны авралын талаар өдөржин ярина. Учир нь би тэдгээрийн нийлбэрийг ч мэддэггүй юм.

¹⁶Би БУРХАН Эзэний хүчит үйлсийг авчирна. Би Таны зөв шударгын талаар, зөвхөн Таны л тухай тунхаглана.

¹⁷Бурхан, Та залуугаас минь эхлэн намайг сургасан. Би одоо болтол Таны гайхамшигт үйлсийг тунхагладаг.

¹⁸Бурхан, хөгширч, бууралтах үед минь ч намайг бүү орхиоч. Би Таны чадлыг үе удамд, Таны хүчийг ирээдүйн бүх хүнд тунхаглах хүртэл бүү орхиоч.

¹⁹Учир нь аугаа зүйлсийг хийсэн Бурхан, Таны зөв шударга байдал тэнгэрт хүрсэн. Бурхан, хэн Тантай адил вэ?

²⁰Надад олон зовлон зүдгүүрийг үзүүлсэн ТаНамайг дахин сэргээж, Газрын гүнээс дахин татан гаргана.

²¹Та миний агуу байдлыг улам өсгөж, Намайг тайвшруулахаар эргээч.

²²Бурхан минь ээ, би Таны үнэнийг, Таныг босоо ятгаар магтана. Израилийн Ариун Нэгэн, Би Танд ятга хөгжмөөр магтан дуулна.

²³Би Танд магтан дуулах үед уруул минь баярлан хашхирна. Мөн Таны аварсан миний сэтгэл баясна.

²⁴Хэл минь ч өдөржин Таны зөв шударгыг өгүүлнэ. Учир нь намайг хорлохыг хүсэгчид доромжлол ба ичгүүрт унасан билээ.