Read Ариун Библи, Mongolian Ariun Bible, 2004 Дуулал 74 Bible Online

Дуулал 74 - Ариун Библи, Mongolian Ariun Bible, 2004 bible

Дуулал 74

¹Асафын маскил. Бурхан, яагаад Та биднийг үүрд орхисон бэ?Яагаад Таны уур Өөрийнхөө бэлчээрийн хонин сүргийн эсрэг шатна вэ?

²Таны эрт үеэс олж авран, Өөрийн өвийн овог болгохоор Таны зольсон чуулганаа санаач. Өөрийн оршин суусан газар болох энэ Сион уулыг ч санаач.

³Өөрийнхөө алхааг үүрдийн нуранги уруу эргүүлээч. Дайсан ариун газар доторх бүхнийг бусниулсан.

⁴Таны өстнүүд Таны хурлын газрын дунд турхирчээ. Тэд өөрсдийнхөө тугийг тэмдэг болгон босгосон.

⁵Энэ нь хэн нэгэн хүн ой модондСүхээ өргөсөн юм шиг байна.

⁶Одоо ч түүн доторх бүх сийлбэрүүдийгТэд сүх ба лантуугаар цавчин устгаж байна.

⁷Тэд Таны ариун газрыг бүрэн шатаасан. Тэд Таны нэрийн оршдог газрыг бузарласан.

⁸Тэд зүрхэндээ “Тэднийг бүрэн устгацгаая” гэв. Тэд газар нутаг дахь Бурханы бүх хурлын газруудыг шатаажээ.

⁹Бид өөрсдийн тэмдгүүдээ хардаггүй. Эш үзүүлэгч ч байхгүй бөгөөдХэр удахыг мэдэх хүн ч бидний дунд алга.

¹⁰Бурхан, өстөн хэдий болтол тохуурхаж, Дайсан ч Таны нэрийг хэдий болтол мөнхөд хараан зүхэх вэ?

¹¹Юунд Та мутраа, баруун мутраа татна вэ?Өөрийн өврөөс гаргаж, тэднийг устгаач!

¹²Гэсэн ч Бурхан бол эртнээс миний хаан юм. Тэрээр дэлхийн дунд авралын ажлуудыг хийдэг.

¹³Та Өөрийн хүчээр далайг хуваасан. Та усан доторх далайн амьтдын толгойг бяцалсан.

¹⁴Та Левиатаны толгойнуудыг няцалсан. Та түүнийг цөл газрын амьтдад хүнс болгон өгсөн.

¹⁵Та горхи ба булгуудыг оргилуулсан. Та үргэлж урсдаг урсгалуудыг ширгээн хатаасан.

¹⁶Өдөр бол Таных, шөнө ч бас Таных юм. Та гэрэл хийгээд нарыг бэлтгэсэн.

¹⁷Та газар дэлхийн бүх хил хязгаарыг тогтоосон. Та зун хийгээд өвлийг бий болгосон.

¹⁸ЭЗЭН, дайсан тохуурхсаныг болонМунхаг хүмүүс Таны нэрийг хараан зүхснийг санаач.

¹⁹Өөрийн тагтааны амийг зэрлэг амьтанд бүү өгөөч. Өөрийн зүдэрсэн хүний амийг бүү үүрд мартаач.

²⁰Гэрээг эргэн хараач. Учир нь газар нутгийг харанхуй газрууд хүчирхийллийн орших сууцаар дүүрсэн.

²¹Дарлагдагсдыг ичгүүртэйгээр бүү буцаагаач. Зүдрэгсэд ба гачигдагсдаар Өөрийн нэрийг магтуулаач.

²²Бурхан, босож Өөрийн хэргээ өмгөөлөөч. Мунхаг хүн өдөржин Таныг хэрхэн буруутгадгийг санаач.

²³Өөрийн өстнүүдийн дууг, Таны эсрэг босдог хүмүүсийн үргэлж гарч байдаг шуугианыг бүү мартаач.