Read Ариун Библи, Mongolian Ariun Bible, 2004 Дуулал 81 Bible Online

Дуулал 81 - Ариун Библи, Mongolian Ariun Bible, 2004 bible

Дуулал 81

¹Найрал дууны удирдаачид. Гитит дээрх дуу. Асафын дуулал. Бидний хүч чадал болох Бурханд баясгалантайгаар дуулагтун. Иаковын Бурханд баясгалантайгаар хашхирагтун.

²Дуу аялж, бөмбөр цохиж, Сонсголонт ятгыг босоо ятгатай хамт дуугарга.

³Бидний баярын өдөр, шинэ сар буюуТэргэл сартайд бүрээ үлээгтүн.

⁴Учир нь энэ бол Израильд зориулсан зарлиг, Иаковын Бурханы тогтоол юм.

⁵Тэрээр Египет нутаг даяар явж байсан үедээҮүнийг Иосефын дунд гэрчлэлийн төлөө байгуулсан. Би өөрийн мэдэхгүй хэлээ сонссон.

⁶“Би түүний мөрнөөс ачааг буулгаж, Түүний гарыг сагснаас чөлөөлсөн.

⁷Чи зовлон бэрхшээл дотроо хашхирсан бөгөөд Би чамайг аварсан. Би аянгын дууны нууц газраас чамд хариу өгсөн. Би чамайг Мерибагийн усны дэргэд туршсан.

⁸Миний хүмүүс ээ, сонсогтун, тэгвэл Би та нарыг гэрчилнэ. Израиль аа, чи Намайг сонссон ч болоосой!

⁹Та нарын дунд гаднын бурхан бүү байг. Та нар харийн бурханд бүү мөргө.

¹⁰Та нарыг Египет нутгаас удирдан гаргасанЭЗЭН Би бол та нарын Бурхан юм. Амаа том ангайлга, би түүнийг дүүргэнэ.

¹¹Гэвч Миний хүмүүс Миний дууг сонсоогүй бөгөөдИзраиль ч Намайг дагаагүй.

¹²Иймээс Би тэднийг дур зоргоор нь явуулахаарЗүрхнийх нь зөрүүдлэлд тушаасан.

¹³Миний хүмүүс Намайг сонсож, Израиль Миний замаар явсан ч болоосой!

¹⁴Тэгвээс Би тэдний дайснуудыг хурдан дарж, Өөрийн мутрыг өстнүүдийнх нь эсрэг эргүүлэх байсан.

¹⁵ЭЗЭНийг үзэн ядагсад Түүнд дуулгавартай мэт дүр үзүүлэх байсан бөгөөдТэдний үе мөнхөд үргэлжлэхсэн.

¹⁶Би та нарыг улаан буудайн дээдээр хооллон, Хад чулуунаас гарах зөгийн балаар Би та нарыг хангах байсан”.