Read Ариун Библи, Mongolian Ariun Bible, 2004 Дуулал 85 Bible Online

Дуулал 85 - Ариун Библи, Mongolian Ariun Bible, 2004 bible

Дуулал 85

¹Найрал дууны удирдаачид. Корагийн хөвгүүдийн дуулал. Өө, ЭЗЭН, Та Өөрийн нутагт ивээлээ үзүүлсэн. Та Иаковын олзлогдогсдыг буцааж ирүүлсэн.

²Та Өөрийн ард түмний гэм бурууг уучилсан. Та тэдний бүх нүглийг далдалсан.

³Та Өөрийн бүх уур хилэнг зайлуулсан. Та Өөрийн шатаж буй уураас эргэн буцсан.

⁴Өө, бидний авралын Бурхан, биднийг сэргээж, Бидэнд хандсан Өөрийн уур хилэнг зогсоогооч.

⁵Та бидэнд мөнхөд уурлах уу?Та бүх үеийнхэнд Өөрийн уурыг үргэлжлүүлсээр байх уу?

⁶Таны хүмүүс Танд баярлахын тулдТа Өөрөө биднийг сэргээхгүй гэж үү?

⁷Өө, ЭЗЭН, Өөрийн хайр энэрлийг бидэнд үзүүлж, Өөрийн авралыг бидэнд хайрлаач.

⁸Бурхан ЭЗЭНий айлдахыг би сонсоно. Учир нь Тэр Өөрийн ард түмэн буюу Өөрийн бурханлаг хүмүүст амар тайвныг айлдана. Харин тэднийг мунхаглал уруу буцахыг үл зөвшөөрье.

⁹Бидний газар нутагт алдар оршихын тулдТүүний аврал Түүнээс эмээгчдэд үнэхээр ойр байна.

¹⁰Хайр энэрэл болон үнэн хамтдаа уулзжээ. Зөв шударга болон амар тайван бие биеэ үнсжээ.

¹¹Үнэн газраас оргилон, Зөв шударга байдал тэнгэрээс өнгийн хардаг.

¹²Үнэндээ ЭЗЭН сайныг өгөх бөгөөдБидний газар нутаг ургацаа ургуулна.

¹³Зөв шударга байдал Түүний өмнө явж, Түүний алхмуудыг зам дээр тавина.