Read Ариун Библи, Mongolian Ariun Bible, 2004 Дуулал 94 Bible Online

Дуулал 94 - Ариун Библи, Mongolian Ariun Bible, 2004 bible

Дуулал 94

¹Өшөө авалтын Бурхан болох ЭЗЭН, Өшөө авалтын Бурхан, гэрэлтээч!

²Дэлхийн Шүүгч ээ, босож, Бардамнагчдад нөхөн төлөөч.

³Хэдий болтол хорон муу хүмүүс, ЭЗЭН, Хэдий болтол хорон муу хүмүүс баярлаж цэнгэх вэ?

⁴Тэд цацаж, дээрэлхүү үгс ярьдаг. Хууль бусыг үйлдэгчид бүгд өөрсдөөрөө бахархдаг.

⁵Өө, ЭЗЭН, тэд Таны хүмүүсийг бяцалж, Таны өв залгамжлалыг зовоодог.

⁶Тэд бэлэвсэн эмэгтэй ба харь хүнийг алж, Өнчнийг ч хороодог.

⁷Тэд “ЭЗЭН хардаггүй, Иаковын Бурхан анхаардаггүй” гэв.

⁸Ард түмний дундах мунхгууд аа, анхаараарай. Тэнэгүүд ээ, та нар хэзээ ухаарах юм бэ?

⁹Чихийг бүтээсэн Тэрээр сонсохгүй гэж үү?Нүдийг бүтээсэн Тэрээр харахгүй гэж үү?

¹⁰Үндэстнүүдийг гэсгээдэг, Хүнд эрдэм мэдлэгийг заадаг Тэрээр зэмлэхгүй гэж үү?

¹¹ЭЗЭН хүний бодлуудыг хийгээдТэдгээр нь дэмий хоосон болохыг мэднэ.

¹²Өө, ЭЗЭН, Таны гэсгээдэг, Таны Өөрийн хуулиа заадаг хүн ерөөлтэй еэ!

¹³Ингэснээр хорон муу хүнд нүх ухах хүртэлТа түүнийг зовлонгийн өдрөөс ангижруулан тайвныг өгнө.

¹⁴Учир нь ЭЗЭН Өөрийн ард түмнийг хаяхгүй, Өөрийн өвийг ч орхихгүй.

¹⁵Учир нь шүүх дахин зөв шударга болж, Зүрхээрээ шулуун бүгд түүнийг дагана.

¹⁶Хэн мууг үйлдэгчийг эсэргүүцэн Миний төлөө босох вэ?Хэн гэм нүгэл үйлдэгчийг эсэргүүцэн Миний төлөө зогсох вэ?

¹⁷Хэрэв ЭЗЭН надад тус болоогүйсэн болМиний сэтгэл удахгүй чимээгүйн дунд оршихсон.

¹⁸Хэрэв би “Миний хөл хальтирсан” гэж хэлэх ёстой байсан бол, Өө, ЭЗЭН, Таны хайр энэрэл намайг түших байсан.

¹⁹Миний дотор санаа зовсон бодлууд олшироходТаны тайтгарлууд миний сэтгэлийг баясгадаг.

²⁰Зарлигийн эсрэг бузар мууг сэдэгчдийн буюуСүйрлийн сэнтий Тантай эвсэж чадах уу?

²¹Тэд хамтдаа зөв шударга хүмүүсийн амийн эсрэг бүлэглэж, Гэмгүй хүнд үхлийн ял өгдөг.

²²Харин ЭЗЭН миний бат цайз, Миний Бурхан миний хоргодох хад байсаар ирсэн.

²³Тэр тэдний гэм нүглийг өөрсөд дээр нь авчирсан бөгөөдТэднийг бузар муугийнх нь дотор устгана. Бидний Бурхан ЭЗЭН тэднийг устгана.