Read Ариун Библи, Mongolian Ariun Bible, 2004 Сургаалт үгс 12 Bible Online

Сургаалт үгс 12 - Ариун Библи, Mongolian Ariun Bible, 2004 bible

Сургаалт үгс 12

¹Журамт байдалд дуртай хүн мэдлэгт дуртай. Харин зэмлэлийг үзэн ядагч нь мунхаг болой.

²Сайн хүн ЭЗЭНээс тааллыг хүртэнэ. Ов мэхтэнг Тэр шийтгэнэ.

³Хар санаа хүний оршихуйн тулгуур болж чадаагүй юм. Харин шударга зөвийн үндэс хэзээд хэвээр үлдэнэ.

⁴Сайн эхнэр нөхөртөө титэм юм. Харин нөхрөө ичгүүрт оруулдаг эхнэр түүний ясан дахь идээ бээр мэт буюу.

⁵Шударга зөв хүний бодол санаа зөв байдаг. Харин хар санаатны зөвлөгөө нь хуурамч аж.

⁶Хар санаатны үгс нь цус урсгахаар бүгдэг. Харин цэх шулуун хүмүүсийн ам тэднийг аварна.

⁷Хорон санаатнууд үлдэхгүй сүйрч устана. Харин шударга зөв хүний орон гэр нь бат зогсоно.

⁸Хүн билиг ухааны хэрээр хүндэтгүүлэн магтуулдаг болГуйвуулагч нэгэн гадуурхагдана.

⁹Талхаар тарчиг атлаа өөрийгөө өргөмжилснөөс, Хэн ч биш атлаа зарцтай байсан нь хавьгүй дээр.

¹⁰Зөв шударга хүн малынхаа төлөө санаа тавьдаг болХар санаатны нинжин сэтгэл нь ч хахир аж.

¹¹Өөрийн газар дээр хөдөлмөрлөгч нь талх тариагаар элбэг дэлбэг байх болно. Харин утгагүй юмны араас хөөцөлдөгч нь эрүүл ухааны гачаалд орсон хэрэг.

¹²Хорон санаа бол өөдгүй хүний олз омог юм. Харин шударга зөв хүний үндэс нь үр жимс ургуулна.

¹³Хорон муу хүн уруулынхаа нүгэлд урхидуулдаг болШударга зөв хүн зовлонгоос зайлдаг.

¹⁴Хэлсэн үгсийнхээ үр жимсний улмаас хүн сайн сайхнаар цадна. Хүний гараас гарах үйлс буцаж өөрт нь ирнэ.

¹⁵Мунхгийн зам өөрийнх нүдэнд нь зөв харагддаг. Харин мэргэн нэгэн зөвлөгөөг сонсдог юм.

¹⁶Мунхгийн уцаар тэр дороо мэдэгдэнэ. Харин хэрсүү нэгэн доромжлолыг өнгөрөөнө.

¹⁷Үнэнийг ярьдаг хүн зөв юмыг хэлж буй хэрэг. Харин хуурамч гэрчлэлд заль мэх байдаг.

¹⁸Илдээр дүрэхтэй адил бодлогогүй ярьдаг хүн байдаг болМэргэн хүний хэл илааршлыг авчирдаг.

¹⁹Үнэнч ам мөнх настай бол худалч хэл агшин зуурын настай.

²⁰Хар санаа нь хорон мууг сэдэгсдийн зүрхэнд оршдог. Харин амар тайвныг дэлгэрүүлэгчдэд баяр баясгалан байдаг.

²¹Зөв шударга хүнд хор хөнөөл тохиолдохгүй. Харин хорон санаатан гай тотгороор дүүрдэг.

²²Худалч уруул ЭЗЭНий зэвүүцлийг төрүүлдэг болИтгэлтэйгээр үйлдэгсэд Түүний таалалд нийцдэг.

²³Хэрсүү хүн мэдлэгээ үзүүлэн болгодоггүй. Харин мунхаг хүмүүсийн зүрх мунхаг явдлаа зарлан тунхагладаг.

²⁴Хичээл зүтгэлтэй хүний гар удирдан дагуулдаг болЛазан гар албадлагын ажилчин болгож орхино.

²⁵Зүрхэн дэх шаналал хүнийг дарамталдаг болЭелдэг үг түүнийг баярлуулдаг.

²⁶Зөв шударга хүн өөрийн хөршдөө газарчин болдог болХар санаатай хүмүүсийн зам бусдыг төөрүүлдэг.

²⁷Залхуу хүн ангийн махаа шарахгүй. Харин хүний үнэт өмч хөрөнгө бол хичээнгүй байх явдал билээ.

²⁸Зөв шударга хүний зам дээр амь бий. Түүний зам дээр үхэл байхгүй.