Read Ариун Библи, Mongolian Ariun Bible, 2004 Сургаалт үгс 15 Bible Online

Сургаалт үгс 15 - Ариун Библи, Mongolian Ariun Bible, 2004 bible

Сургаалт үгс 15

¹Эелдэг хариулт уур хилэнг зайлуулна. Харин хүйтэн цэвдэг үгс уур хилэнг хөдөлгөнө.

²Мэргэн хүний хэл мэдлэгийг зуучилдаг болМунхаг ам мунхаглал урсгадаг.

³ЭЗЭНий мэлмий хаа ч байдаг баХорон мууг хийгээд сайныг хардаг.

⁴Анагаадаг хэл амийн мод юм. Харин хазааргүй хэл сүнсийг бусниулдаг.

⁵Мунхаг хүн эцгийнхээ сургамжийг эс тоомсорлодог. Харин зэмлэлийг хүлээн авдаг нь хэрсүү хүн мөн.

⁶Шударга зөв хүний гэрт үлэмж их баялаг байдаг. Харин хорон санаатны орлого гай зовлон билээ.

⁷Мэргэн хүний уруул мэдлэгийг дэлгэрүүлдэг болМунхгуудын зүрх тийм биш юм.

⁸Хар санаатны өргөл ЭЗЭНий хувьд жигшүүртэй юм. Харин цэх шулуун хүний залбирал Түүний таалалд нийцдэг.

⁹Хар санаатны зам ЭЗЭНий хувьд жигшүүртэй боловчШударга зөвийн араас явагчдыг Тэр хайрладаг.

¹⁰Хатуу шийтгэл замаасаа гажигч нарт зориулагджээ. Зэмлэлийг үзэн ядагч нь үхнэ.

¹¹Үхэгсдийн орон хийгээд Сүйрэл ЭЗЭНий өмнө ил байдаг болХүмүүсийн зүрх сэтгэл бүр ч ил байх бус уу?

¹²Басамжлагч нэгэн өөрийг нь зэмлэгчийг хайрладаггүй. Тэрээр мэргэн хүн уруу зүглэхгүй.

¹³Зүрх жаргалтай бол нүүр царай хөгжилтэй. Харин зүрх гутрах үед сүнс эмтрэнэ.

¹⁴Гярхай хүний оюун ухаан мэдлэгийг эрж хайдаг. Харин мунхгуудын ам мунхаглалыг л зооглодог.

¹⁵Зовж шаналсан хүмүүсийн бүх л өдрүүд муу муухай. Харин хэний зүрх хөгжилтэй байна, Түүнд найр наадам үл тасарна.

¹⁶Асар их хөрөнгөтэй сэтгэл түгшиж сууснаас, Бага сага юмтай ЭЗЭНээс эмээж суусан нь хавьгүй дээр.

¹⁷Үзэн ядалтаар бордсон тарган шарын махнаас, Хайр буй газрын өвсөн хоол нь дээр.

¹⁸Хурц зантай хүн хэрүүлийг өдөөдөг болУурлахдаа удаан хүн хэрүүл маргааныг намжаадаг.

¹⁹Залхуугийн зам үүргэнэн хашаа мэт аж. Шударга хүмүүсийн зам шулуун аж.

²⁰Мэргэн хүү эцгийгээ баярлуулдаг. Харин мунхаг хүн эхийгээ басамжилдаг.

²¹Ухаанаар тарчиг хүнд мунхаг үйл үйлдэх нь баяр хөөр болдог болУхаарагч хүн цэх замаар явдаг.

²²Зөвлөгөө дутсанаас төлөвлөгөө бүтэлгүйтнэ. Харин олон зөвлөгчтэй бол бүтэмжтэй.

²³Оновчтой хариулт хүнийг баяртай болгодог. Цагаа олсон үг юутай сайхан бэ!

²⁴Амийн зам мэргэн хүнийг дээшээ дагуулдаг юм. Энэ нь түүнийг доор буй Үхэгсдийн орноос хол явуулахын тулд юм.

²⁵ЭЗЭН бардам хүний гэрийг нураана. Харин бэлэвсэн эмэгтэйн хил хязгаарыг Тэр тогтоож өгнө.

²⁶Хорон муу төлөвлөгөөнүүд ЭЗЭНий хувьд жигшүүртэй болЗөв үгс Түүнд тааламжтай.

²⁷Хууль бусаар ашиг олдог нэгэн гэр бүлдээ гай зовлон авчирдаг. Харин хээл хахуулийг үзэн ядагч нь амьтай.

²⁸Шударга зөв хүний зүрх яаж хариулахаа цэгнэдэг. Харин хар санаатай хүний ам хорон муугаар бөөлжинө.

²⁹ЭЗЭН хар санаатнаас хол байдаг атлааШударга зөв хүний залбирлыг сонсдог.

³⁰Дулаахан харц зүрхийг баярлуулдаг. Сайн мэдээ ясанд эм болдог.

³¹Хэний чих амь өгөгч зэмлэлийг сонсоно, Тэр хүн мэргэдийн дунд амьдарна.

³²Хэн сахилгыг үл ойшооно, Тэр өөрийгөө жигшиж байгаа хэрэг. Харин зэмлэлийг сонсдог хүн ухааныг олж авна.

³³ЭЗЭНээс эмээхүй нь хүнд мэргэн ухааныг сургадаг. Даруу зан нь алдар хүндийн өмнө ирнэ.