Read Ариун Библи, Mongolian Ariun Bible, 2004 Сургаалт үгс 18 Bible Online

Сургаалт үгс 18 - Ариун Библи, Mongolian Ariun Bible, 2004 bible

Сургаалт үгс 18

¹Адайр хүн хувийн хүслээ эрж хайдаг баХамаг саруул ухааны эсрэг тэрсэлнэ.

²Мунхаг хүн ухаанд баярладаггүй. Харин бодол санаагаа харуулахыг л эрмэлздэг.

³Хар санаатан ирэхэд жигшүүр бас ирнэ. Гутамшгийн хамт ичгүүр ирнэ.

⁴Хүмүүний амнаас гарах үгс гүний ус мэт бөгөөдМэргэн ухааны ундарга нь шоржигнон урсах горхи мэт буюу.

⁵Хар санаатай нэгэнд тал засах баЗөв нэгнийг түлхэхийн аль аль нь сайнгүй аж.

⁶Мунхгийн уруул нь эвдрэлцлийг авчирна. Түүний ам нь цохилтыг урьдаг.

⁷Мунхгийн ам өөрийг нь сүйтгэнэ. Түүний уруул сэтгэлийг нь урхидна.

⁸Ам хэлээ билүүдэгчийн үгс амтат идээ будаа мэт баТэдгээр үгс ходоодны мухарт ч хүрнэ.

⁹Ажилдаа хичээл зүтгэл гаргадаггүй хүнҮрэн таран хийгч нэгний ах дүү нь мөн.

¹⁰ЭЗЭНий нэр бат бөх цамхаг бөгөөдШударга зөв хүн тийшээ гүйгээд, тэнд аюулгүй байна.

¹¹Баян хүний эд хөрөнгө нь түүнд бэхлэлт бүхий хот баӨөрийнх нь төсөөлдгөөр өндөр хана мэт ажээ.

¹²Сүйрлийн өмнө хүмүүний зүрх ихэмсэг байдаг болХүндлэлийн өмнө даруу зан байдаг.

¹³Сонсохоосоо өмнө хариу хэлэх ньХүнд өөрт нь мунхаг хэрэг ба ичгүүр билээ.

¹⁴Хүмүүний сүнс өвчнийг ч тэсвэрлэдэг. Харин цөхөрсөн сүнсийг хэн тэнхрүүлж чадах билээ?

¹⁵Хэрсүү хүний оюун бодол мэдлэгийг эзэмшдэг. Мэргэн хүний чих мэдлэгийг эрж хайдаг.

¹⁶Бэлэг өгсөн хүний өмнө боломж нээгдэж, Тэр нь түүнийг эрхэм нэгэнтэй учруулна.

¹⁷Өөр нэгэн ирж, түүнийг шалгаахаас нааш хэрэг явдлаа түрүүлж хэлсэн хүний л зөв шиг байдаг.

¹⁸Шавга хаях нь зөрчилдөөнийг эцэслэх бөгөөдЭрх мэдэлтнүүдийн хоорондохыг шийддэг.

¹⁹Гомдсон ах дүүг буцаж эргүүлэх ньХүчирхэг хотыг эзлэн авахаас ч илүү хэцүү. Хэрүүл маргаан нь шилтгээний түгжээтэй хаалга мэт ажээ.

²⁰Амныхаа үр жимсээр хүмүүний ходоод дүүрэх бөгөөдТэрээр уруулаасаа гаргах бүтээгдэхүүнээр цадна.

²¹Амь ба үхэл нь хэл ярианы хүчинд байдаг. Түүнд дуртай хүн эдгээрийн үр жимсийг хүртдэг.

²²Эхнэрийг олдог хүн сайныг олж, ЭЗЭНээс тааллыг хүлээн авдаг.

²³Ядуу хүн өршөөл гуйдаг болБаян хүн таагүй хариулт өгдөг.

²⁴Дэндүү олон найзтай хүн сүйрэлд өртдөг ч, Ах дүүгээс чинь ч дотно байж чадах анд нөхөр бий шүү.