Read Ариун Библи, Mongolian Ariun Bible, 2004 Сургаалт үгс 21 Bible Online

Сургаалт үгс 21 - Ариун Библи, Mongolian Ariun Bible, 2004 bible

Сургаалт үгс 21

¹Хааны зүрх ЭЗЭНий мутарт атгаастай байгаа усны урсгал мэт юм. Тэр хүссэн цагтаа урсгалыг өөрчилдөг.

²Хүн бүрийн зам өөрийнх нь нүдэнд зөв харагддаг, Харин ЭЗЭН хүмүүний зүрхийг дэнсэлнэ.

³Шударга хийгээд зөвийг үйлдэх нь ЭЗЭНд өргөлөөс ч илүү таалагддаг.

⁴Ихэмсэг харц болон бардам зүрх болбоос хар санаатай хүмүүсийн дэнлүү бөгөөд нүгэл ажээ.

⁵Хичээл зүтгэлтэй хүний төлөвлөгөөнүүд үнэхээр ашиг тусаа өгнө. Харин адгуу хүн үнэхээр ядууралд хүрнэ.

⁶Худалч хэлээр эрдэнэсийг олж авах явдал ньНүүгээд өнгөрөх үүл ба үхлийн занга мэт буюу.

⁷Хар санаатнууд шударга үйлдлээс татгалздаг тулТэдний хүчирхийлэл өөрсдийг нь үгүй хийнэ.

⁸Гэмт хүний зам тахир байдаг. Харин гэмгүй хүний хувьд гэвэл түүний хандлага ньзөв шулуун.

⁹Хэрүүлч эхнэрийн хамт байшинг хуваалцан сууснаасДээврийн буланд амьдарсан нь дээр.

¹⁰Хар санаатны сэтгэл хорон мууг маш их хүснэ. Хөрш нь түүний нүднээс энэрлийг олж харахгүй.

¹¹Басамжлагч хүн шийтгэгдэхэд гэнэн нэгэн мэргэн болдог. Харин мэргэн нэгнийг сургамжлавал тэр мэдлэгийг олж авна.

¹²Шударга зөв нэгэн нь хар санаатай хүний гэрийг ажигладаг бөгөөдХар санаатныг мөхөл уруу авчирна.

¹³Ядуугийн хашхирахыг эс сонсогч ньНэгэн цагт өөрөө хашхирах боловч хариуг эс сонсоно.

¹⁴Сэм өгсөн бэлэг уур хилэнг дарна. Өвөрт нь хийсэн хээл хахууль хилэн хорслыг дарна.

¹⁵Зөвийг үйлдэх нь зөв шударга хүнд баяр хөөр болГэм бурууг хийгчдэд энэ нь айдас болдог.

¹⁶Ухааны замаас төөрсөн хүн үхэгсдийн цуглаанд байраа эзэлнэ.

¹⁷Зугаа цэнгэлд дурлагч хүн ядуурна. Дарс ба тосонд дурлагч хүн баян болохгүй.

¹⁸Хар санаатай хүн зөв шударга нэгний төлөөх золиос бөгөөдЗальхай хүн цэх шулуун нэгний оронд байх болно.

¹⁹Хэрүүлч, уур уцаартай эмэгтэйтэй хамт байснаас цөлд амьдарсан нь дээр.

²⁰Мэргэн хүний гэрт үнэт эрдэнэс ба тос бий. Харин мунхаг хүн эдгээрийг залгидаг.

²¹Зөв шударга ба үнэнийг хайдаг хүн ньАмь, зөв шударга, хүндэтгэлийг олдог.

²²Мэргэн хүн хүчтэнүүдийн хот уруу ч дайрч, Тэдний найдаж байсан бат хэрмийг ч нураана.

²³Ам хэлээ захирдаг хүн аюулаас сэтгэлээ хамгаална.

²⁴Ичгүүргүй бардам зангаар үйлдэгч нэгний нэр гэвээс“Бардам”, “Их зант”, “Басамжлагч” зэрэг нь аж.

²⁵Залхуугийн хүслэн түүнийг үхэлд хүргэнэ. Учир нь түүний гар ажиллахаас татгалздаг.

²⁶Тэрээр бүхэл өдөржингөө шунахайран хүснэ. Харин шударга зөв хүн гар таталгүй өгдөг.

²⁷Хар санаатны өргөл нь ч бузар болХорон муу санаа өвөрлөн өгсөн түүний өргөл ямар их бузар зүйл байх билээ!

²⁸Хуурамч гэрч мөхөх болно. Харин үнэнийг сонсогч хүн мөнхөд ярих болно.

²⁹Хар санаатай хүн догшин дүр эсгэнэ. Харин шударга шулуун хүн замаа цэх байлгахыг хичээнэ.

³⁰ЭЗЭНийг эсэргүүцдэг мэргэн ухаан, оюун ухаан, зөвлөгөө гэж ер байхгүй.

³¹Хүлэг морьдыг тулаанд мордоход бэлэн болгосон чЯлалт нь ЭЗЭНий гарт байдаг.