Read Ариун Библи, Mongolian Ariun Bible, 2004 Сургаалт үгс 23 Bible Online

Сургаалт үгс 23 - Ариун Библи, Mongolian Ariun Bible, 2004 bible

Сургаалт үгс 23

¹Захирагчийн хамт зоог барихаар суухдаа өөрийнхөө өмнө юу байгааг сайтар ажигла.

²Зооглох их хүслэн байгаа бол хоолойндоо хутга тулга.

³Түүний амттаныг бүү хүс. Учир нь тэр хоол нь хуурмаг юм.

⁴Баян болохын тулд нойр хоолгүй зүтгэх хэрэггүй. Энэ бодлоо орхи.

⁵Нүд чинь эд хөрөнгөнд тусмагц тэр нь алга болно. Учир нь гэвээс эд хөрөнгөнд жигүүр ургадаг бөгөөдТэр нь тэнгэрт нисэн дүүлэх бүргэд мэт ажгуу.

⁶Харамч хүний талхнаас бүү ид, амттаныг нь бүү хүс.

⁷Учир нь тэр дотроо боддогтойгоо адил юм. “Ид! Уу!” гэж тэр хүн хэлдэг боловчЗүрх сэтгэл нь чамаас хол байдаг юм.

⁸Чи идсэн үмх хоолоо бөөлжиж гаргах болно. Найрсаг үгс чинь ч талаар өнгөрнө.

⁹Мунхгийн чихэнд юм дуулгаад хэрэггүй. Учир нь тэрээр мэргэн үгсийг чинь огт хайхрахгүй.

¹⁰Урьдын хил заагаа бүү өөрчил. Өнчин өрөөсөн хүний газарт халдаж үл болно.

¹¹Учир нь тэдний Золигч үлэмж хүчтэй. Тэрээр тэдний өмнөөс чамайг эсэргүүцнэ.

¹²Зүрх сэтгэлээ сахилгад, чихээ мэдлэгийн үгэнд хандуул.

¹³Хүүхдээсээ сахилга батыг холдуулж болохгүй. Чи түүнийг саваагаар жанчлаа гээд хүүхэд чинь үхчихгүй.

¹⁴Чи хүүхдэдээ савааны амт үзүүлж бай. Түүний сүнсийг Үхэгсдийн орноос аварна.

¹⁵Хүү минь, хэрэв зүрх чинь мэргэн байвалМиний зүрх ч гэсэн баяр жаргалтай байх болно.

¹⁶Мөн уруул чинь зөв зүйлсийг ярихад, Би үнэхээр баярлах болно.

¹⁷Чиний зүрх нүгэлтнүүдэд бүү атаархаг. Харин ЭЗЭНээс ямагт эмээж амьдар.

¹⁸Ирээдүй гэж үнэхээр бий. Итгэл найдвар чинь ор тас мартагдахгүй билээ.

¹⁹Хүү минь, сонсоод, мэргэн байгтун. Зүрхээ зөв зам дээр байлга.

²⁰Дарсыг хэт их уудаг, эсвэл махыг хэт их иддэг хүмүүсээс зай барь.

²¹Учир нь дарсыг хэтрүүлж уугсад ба цадахаа эс мэдэгсэд нь үгүйрэн хоосрох бөгөөдНойрмог байдал тэднийг ноорхой хувцастай хоцрооно.

²²Төрсөн эцгээ сонс. Эхийгээ өтлөхөд нь бүү үл тоомсорлоорой.

²³Үнэнийг худалдаж авсугай. Харин зарж үл болно. Тэрчлэн мэргэн ухаан, заавар болон оюун ухааныг олж ав.

²⁴Зөв шударга хүний эцэг үнэнхүү баярлана. Мэргэн хүүг олж авсан хүн түүндээ жаргана.

²⁵Эцэг, эх чинь жаргалыг эдлэх болтугай. Чамайг төрүүлсэн тэр эмэгтэй баяр хөөртэй байх болтугай.

²⁶Хүү минь, зүрх сэтгэлээ надад өг. Нүд чинь замыг минь ажиглаад баярлаг.

²⁷Учир нь садар самуун эм болбоос гүн цооног бөгөөдЗавхай эм болбоос нарийн худаг аж.

²⁸Тэр дээрэмчин мэт хэн нэгнийг отож хүмүүсийн дундах итгэлгүй хүмүүсийг олшруулдаг.

²⁹Хэн золгүй вэ?Хэн зовиурлана вэ?Хэн хэрүүл хийнэ вэ?Хэн гомдоно вэ?Хэн шалтгаангүйгээр шарх сорви олов?Хэн улаан нүдлэв?

³⁰Тэд бол дарстай зууралдагсад ба холимог дарсыг амтлахаар одогсод юм.

³¹Улаан байхад нь, Аяган дотор хөөсрөн шуугиж байхад нь, Доошоо зөөлөн урсаж байхад нь, Дарс уруу бүү хар.

³²Эцэст нь тэр хорт могой шиг хатгах болно.

³³Нүд чинь элдвийн юм үзэж, ухаан санаа чинь самуурна.

³⁴Чи тэнгисийн мандал дээр хэвтэж байгаа, эсвэлУсан онгоцны шургаагны үзүүр дээр нойрсож байгаа хүн шиг байх болно.

³⁵Тийнхүү чи“Тэд намайг зодож л байсан. Би бэртсэнгүй. Нүдээд л байсан. Би мэдээгүй. Би хэзээ сэрэх бол?Дахиад уух юмсан” гэж хэлнэ.