Read Ариун Библи, Mongolian Ariun Bible, 2004 Сургаалт үгс 6 Bible Online

Сургаалт үгс 6 - Ариун Библи, Mongolian Ariun Bible, 2004 bible

Сургаалт үгс 6

¹Хүү минь, хэрэв чи хөршийнхөө төлөө барьцаалж, Гаднын хүний төлөө батлан даасан бол,

²Амныхаа үгээр өөрийгөө занганд оруулсан бөгөөд өөрийгөө барьж өгсөн

³Миний хүү, чи хөршийнхөө гарт нэгэнтээ орсон тул эдгээрийг хийж, өөрийгөө авар. Явж, өөрийгөө даруу болгож, хөршөөсөө шалан гуй.

⁴Нүд чинь нойронд бүү дийлдэг. Зовхи чинь зүүрмэглэлд бүү автаг.

⁵Анчны гараас зайлагч зээр гөрөөс мэт, Шувуу баригчийн занганаас тавигдсан жигүүртэн мэт өөрийгөө авар.

⁶Залхуу минь, чи яв, шоргоолж юу хийдгийг ажиглан хар, ухаантай бай.

⁷Түүнд ахлагч, харгалзагч ба удирдагч гэж байхгүй атлаа,

⁸Өөрийнхөө хоол тэжээлийг зуны цагт бэлдэж, Ургац хураах цагаар нөөцөө цуглуулдаг.

⁹Залхуу минь, чи хэдий хүртэл хэвтэх юм бэ?Нойрноосоо хэзээ сэрэх юм бэ?

¹⁰“Жаахан унтаадахъя, жаахан дугхийгээдэхье, Жаахан гараа хумхин амраадахъя” гэсээр байтал

¹¹Хоосон ядуу байдал чинь тэнүүлчин мэт, Гачаал чинь зэвсэг агссан хүн мэт чам уруу ирнэ.

¹²Хорон муу хүн амнаасаа гажсан үг унаган явж,

¹³Нүдээ ирмэн, хөлөөрөө дохио өгч, хуруугаараа заан,

¹⁴Зүрхэндээ буй хар санаагаар үргэлж хорон мууг сэдэж, Эвдрэлцлийг тараадаг юм.

¹⁵Тиймээс сүйрэл нь гэнэт ирж, Тэр даруй тэрээр эдгэшгүйгээр гэмтэнэ.

¹⁶ЭЗЭН доорх зургаан зүйлийг үзэн яддаг. Тийм ээ, эдгээр долоон зүйл Түүнд жигшил зэвүүцэл болдог.

¹⁷Эдгээр нь гэвээсИхэмсэг харц, Худалч хэл, Гэм зэмгүй цусыг урсгагч гар,

¹⁸Хар буруу төлөвлөгөөг сэдэгч зүрх, Хорон муу уруу түргэн гүйгч хөл,

¹⁹Худал чалчдаг хуурамч гэрчлэгч болонАх дүүсийн дунд эвдрэлцлийг тараагч зэргүүд болой.

²⁰Хүү минь, эцгийнхээ тушаалуудыг сахь. Эхийнхээ зааж сургасныг бүү огоор.

²¹Тэдгээрийг зүрхнээсээ байнга уя, хүзүүндээ зангид.

²²Тэд чамайг явахад чинь удирдаж, Нойрсоход чинь хамгаална. Сэрэхэд чинь тэд чамтай ярина.

²³Учир нь тушаал нь дэнлүү юм. Сургамж нь гэрэл юм. Сахилга батын зэмлэлүүд нь амь амьдралын зам мөн.

²⁴Энэ нь чамайг хорон муу эмээс болонСадар эмийн уян наалинхай хэлээс хол байлгахын тулд билээ.

²⁵Тэр эмийн гоо үзэсгэлэнг зүрхэндээ бүү хүс. Түүний зовхи нь ч чиний дур хүслийг бүү булааг.

²⁶Учир нь садар самуун эмээс болж тэр хүн зүсэм талх болтлоо турж хорчийдог баЗавхайрагч эм үнэт амийг авладаг ажээ.

²⁷Хүн хувцсаа шатаахгүйгээр гал өвөртөлж чадна гэж үү?

²⁸Эсвэл хөлөө түлэхгүйгээр халуун нүүрсэн дээгүүр явж чадна гэж үү?

²⁹Хөршийнхөө эхнэр уруу явдаг хүн тийм байна. Хөршийнхөө эхнэрт хүрдэг хүн бүр шийтгэгдэхгүйгээр өнгөрөхгүй.

³⁰Өлсгөлөнгөө дарахын тулд хулгай хийдэг хулгайчийг хүмүүс харсан ч жигшихгүй.

³¹Харин баригдахдаа тэр долоо дахин нугалан төлж, Гэр орныхоо хамаг эд хогшлоо өгөх ёстой.

³²Эмэгтэй хүнтэй завхайрагч хүн ухааны гачаалд автдаг нэгэн байх бөгөөдЗавхайрснаараа өөрийгөө хөнөөдөг.

³³Тэрээр шарх болон гутамшгийг амсах ба ичгүүр нь хэзээ ч арилахгүй.

³⁴Учир нь хардалт нь эр хүний хилэнг бадраадаг бөгөөдӨс хонзон авах өдрөө тэр үл өршөөнө.

³⁵Тэр эр ямар ч төлөөсийг хүлээж авахгүй, Мөн хичнээн бэлэг сэлт өглөө ч сэтгэлийг нь засаж эс чадна.