Read Ариун Библи, Mongolian Ariun Bible, 2004 Сургаалт үгс 8 Bible Online

Сургаалт үгс 8 - Ариун Библи, Mongolian Ariun Bible, 2004 bible

Сургаалт үгс 8

¹Мэргэн ухаан нь дууддаггүй гэж үү?Оюун ухаан нь дуугаа өндөрсгөдөггүй гэж үү?

²Замын дэргэдэх өндөрлөгийн орой дээр, Жимүүд нийлэх газарт тэр зогсож байдаг.

³Дааман хаалгануудын дэргэд, хот уруу орох газарт, Хаалгануудын үүдэнд ч тэр чангаар хашхирна.

⁴Ингэхдээ “Хүмүүс ээ, та нарыг би дуудаж байна. Миний дуу хоолой хүний хөвгүүдэд хандаж байна.

⁵Гэнэн хүмүүс ээ, эрүүл саруул ухааныг ойлгогтун. Мунхаг хүмүүс ээ, мэргэн ухааныг мэдэгтүн.

⁶Сонсогтун, учир нь би сурвалжит зүйлсийг ярина. Би зөв зүйлсийг ярихаар амаа нээх болно.

⁷Учир юу хэмээвэл миний ам үнэнийг өгүүлдэг. Харин хорон санааг миний уруул жигшдэг билээ.

⁸Амнаас минь гарах үг бүр шударга зөв бөгөөдТэр үгсийн дотор мурийж хазайсан хийгээд гажсан юм огт үгүй билээ.

⁹Үгс маань ухаарагч нэгэнд тов тодорхой бөгөөдМэдлэгийг олж авагсдад зөв юм.

¹⁰Цалин цагаан мөнгийг бус, харин миний зааврыг авагтун. Шилж авсан алтнаас мэдлэгийг авсан нь дээр.

¹¹Учир нь мэргэн ухаан нь бадмааргаас ч илүү үнэтэй. Хүсэж болох ямар ч зүйлсийг түүнтэй зүйрлэхийн аргагүй.

¹²Мэргэн ухаан болох би эрүүл саруул ухаантай хамт оршдог баМэдлэг хийгээд хэрсүү ухааныг олдог.

¹³ЭЗЭНээс эмээхүй бол хорон мууг үзэн ядах явдал юм. Бардамнал, ихэмсэг зан, хорон муу зам ба гажсан амыг би жигшдэг.

¹⁴Зөвлөгөө хийгээд эрүүл саруул мэргэн ухаан нь минийх. Би болбоос оюун ухаан мөн. Хүч нь минийх.

¹⁵Хаад надаар хаанчилдаг. Захирагч нар надаар шударга байдлыг тогтоодог.

¹⁶Тайж нар болон язгууртнууд, Зөвөөр шүүдэг бүх хүмүүс надаар захирдаг.

¹⁷Намайг хайрлагсдыг би хайрлана. Намайг хичээнгүйлэн хайдаг нь намайг олно.

¹⁸Баялаг, алдар суу, үргэлжид байх хөрөнгө болон шударга зөв нь надад байгаа.

¹⁹Миний үр жимс алтнаас ч, Тэр ч байтугай шижир алтнаас ч илүү дээр. Миний үр ашиг нь цалин цагаан мөнгөнөөс ч илүү дээр.

²⁰Би шударга зөвийн замаар, шударга байдлын жимээр явдаг.

²¹Энэ нь намайг хөрөнгөөрөө хайрлагсдад ивээлийг хүртээх бөгөөдТэдний эрдэнэсийн санг дүүргэхийн тулд юм.

²²Эрт цагийн ажлаасаа өмнө, замынхаа эхэнд ЭЗЭН намайг эзэмшсэн.

²³Өнө мөнхөөс, газрын цаг хугацааны эхлэлээс би тогтоогдсон байсан.

²⁴Хөлгүй гүн ба усаар бялхах булаг байхгүй байхад би бий болсон.

²⁵Уулсыг босгохоос өмнө хийгээд толгодын өмнө би бий болсон.

²⁶Газар дэлхий болон талыг хийгээдЕртөнцийн анхны тоосонцрыг ч Тэр бүтээгээгүй байхадБи бий болсон юм.

²⁷Тэр тэнгэрийг бүтээж, гүний гадаргуу дээр хил хязгаарыг нь тогтооходБи тэнд байсан

²⁸Тэр дээр нь огторгуйг тогтоох үед, мөн гүний булгууд бий болоход,

²⁹Ус нь Түүний тушаалыг зөрчихгүй байхын тулд тэнгист хил хязгаарыг нь тогтоож өгөхөд, Газрын үндэс суурийг тэмдэглэн тогтоох үед би тэнд байсан юм.

³⁰Тэгэхэд би Түүний хажууд бүтээгч болжБи Түүний өдөр тутмын баяр бахдал байсан бөгөөдТүүний өмнө үргэлж баярлаж байв.

³¹Түүний газар болох дэлхийд баярлан, Хүмүүсийн хөвгүүдээр бахдан байв.

³²Иймээс хөвгүүд минь, намайг сонсогтун. Учир нь миний замыг сахигсад ерөөлтэй еэ.

³³Сургамжийг дагаж, ухаантай бологтун. Тэдгээрийг бүү үл тоомсорло.

³⁴Хаалганы минь дэргэд өдөр бүр харуулдан, Үүдний минь дэргэд хүлээж, намайг сонсдог хүн ерөөлтэй еэ.

³⁵Учир нь намайг ологч нь амийг олж, ЭЗЭНээс тааллыг нь хүртэнэ.

³⁶Харин намайг алдагч нь өөрийгөө хорлоно. Намайг үзэн ядагч бүхэн нь үхлийг хайрлагч болой” гэв.