Read Ариун Библи, Mongolian Ariun Bible, 2004 Сургаалт үгс 9 Bible Online

Сургаалт үгс 9 - Ариун Библи, Mongolian Ariun Bible, 2004 bible

Сургаалт үгс 9

¹Мэргэн ухаан нь байшингаа барьж, долоон баганаа босгов.

²Тэрээр хоол хүнсээ бэлтгэж, дарсаа хутгаж, бас ширээгээ засав.

³Тэр зарц бүсгүйчүүдээ явуулан, хотын хамгийн өндөр газраас дуудав.

⁴Ингэхдээ “Гэнэн нэгэн нь наашаа эргэгтүн!” гэдэг аж. Ухаан мөхөс нэгэнд тэрээр

⁵“Нааш ир, хоол хүнснээс минь зоогло. Хутгасан дарснаас минь уугтун.

⁶Мунхаг явдлаа орхин амьд яв. Оюун ухааны замаар яв” гэж хэлдэг.

⁷Басамжлагчийг залруулдаг хүн нэр төрөө гутаадаг. Хар санаатанг зэмлэдэг хүн өөртөө доромжлолыг авдаг.

⁸Басамжлагч нэгнийг бүү зэмлэ, Учир нь тэр чамайг үзэн ядна. Мэргэн нэгнийг зэмлэ. Тэр чамайг хайрлана.

⁹Мэргэн хүнд заавар өг. Тэгвээс тэр хүн улам мэргэн болно. Шударга зөв хүнийг сурга. Тэгвээс тэр хүн мэдлэгээ арвижуулна.

¹⁰ЭЗЭНээс эмээхүй нь мэргэн ухааны эхлэл мөн. Ариун Нэгэнийг таньж мэдэх нь оюун ухаан мөн.

¹¹Учир нь өдөр хоног чинь надаар уртсах болно. Амьдралын он жилүүд чамд нэмэгдэх болно.

¹²Хэрэв чи мэргэн бол өөрийнхөө л төлөө мэргэн байгаа хэрэг. Хэрэв чи басамжилдаг бол өөрөө л үүнийгээ үүрэх болно.

¹³Мунхаг эмэгтэй нь чимээ дуулиантай агаад юу ч мэддэггүй, гэнэн нэгэн юм.

¹⁴Тэрээр гэрийнхээ үүдэнд болон хотын өндөрлөг газруудын суудал дээр суун,

¹⁵Өнгөрөн явагсдыг, чигээрээ цэх алхагсдыг дууддаг юм.

¹⁶Тэр эм “Гэнэн нэгэн нь нааш эргэгтүн” гэдэг аж. Ухаан мөхөс эрд хандан тэрээр,

¹⁷“Хулгайлсан ус чихэрлэг. Нууцлан идсэн талх амттай” гэдэг.

¹⁸Харин тэнд нь үхдлүүд байх бөгөөдТэр эмийн зочид гийчид нь Үхэгсдийн орны гүнд байдгийг мөнөөх эр мэддэггүй ажээ.