Read Ариун Библи, Mongolian Ariun Bible, 2004 Тооллого 33 Bible Online

Тооллого 33 - Ариун Библи, Mongolian Ariun Bible, 2004 bible

Тооллого 33

¹Мосе, Аарон нарын удирдлаган дор, цэргийнхээ бүлэглэлүүдээр Египетийн нутгаас гарсан Израилийн хөвгүүдийн аян нь энэ юм.

²ЭЗЭНий тушаалаар тэдний аяны дагуу Мосе тэдний эхлэн гарсан газруудыг тэмдэглэсэн бөгөөд тэдний эхлэн гарсан газруудын дагуу аян нь энэ юм.

³Тэд анхны сард буюу анхны сарын арван таванд Рамесесаас аялан хөдөлжээ. Дээгүүр Өнгөрөх баярын дараагийн өдөр Израилийн хөвгүүд бүх египетчүүдийн нүдний өмнө зоригтойгоор гаран,

⁴египетчүүдийн дунд ЭЗЭНий устгасан бүх ууган төрөгсдийг египетчүүд оршуулан байх зуур тэд явав. ЭЗЭН мөн тэдний бурхдын дээр залхаан цээрлүүлэлтүүдийг буулгасан болой.

⁵Дараа нь Израилийн хөвгүүд Рамесесаас аялан Суккотод буудалласан юм.

⁶Тэд Суккотоос аялан цөлийн захад орших Етамд буудаллав.

⁷Тэд Етамаас аялан Баал-Зефон уруу харсан Пи-хахирот тийш буцан эргэв. Тэд Мигдолын өмнө буудаллав.

⁸Тэд Хахиротын өмнөөс аялан далайн дундуур гатлан цөл уруу явжээ. Тэд Етамын цөлд гурван хоног аялан яваад Марад буудаллав.

⁹Тэд Марагаас аялан Елимд ирсэн билээ. Елимд усны арван хоёр булаг, далан далдуу мод байсан бөгөөд тэд тэнд буудалласан юм.

¹⁰Тэд Елимээс аялан Улаан тэнгисийн дэргэд буудаллав.

¹¹Тэд Улаан тэнгисээс аялан Синийн цөлд буудаллав.

¹²Тэд Синийн цөлөөс аялан Дофкад буудалласан болой.

¹³Тэд Дофкагаас аялан Алушт буудаллав.

¹⁴Тэд Алушаас аялан Рефидимд буудалласан бөгөөд ард олон уух усгүй байсан газар бол тэр болой.

¹⁵Тэд Рефидимээс аялан Синаин цөлд буудаллав.

¹⁶Тэд Синаин цөлөөс аялан Киброт-хаттаавад буудалласан ажгуу.

¹⁷Тэд Киброт-хаттааваас аялан Хазеротод буудаллав.

¹⁸Тэд Хазеротаас аялан Ритмад буудаллав.

¹⁹Тэд Ритмагаас аялан Риммон-перезэд буудаллав.

²⁰Тэд Риммон-перезээс аялан Либнад буудалласан болой.

²¹Тэд Либнагаас аялан Риссад буудаллав.

²²Тэд Риссагаас аялан Кехелатад буудаллав.

²³Тэд Кехелатаас аялан Шефер ууланд буудаллав.

²⁴Тэд Шефер уулаас аялан Харадад буудаллав.

²⁵Тэд Харадаас аялан Макхелотод буудаллав.

²⁶Тэд Макхелотоос аялан Тахатад буудаллав.

²⁷Тэд Тахатаас аялан Терад буудаллав.

²⁸Тэд Терагаас аялан Миткад буудаллав.

²⁹Тэд Миткагаас аялан Хашмонад буудаллав.

³⁰Тэд Хашмонагаас аялан Мосеротод буудаллав.

³¹Тэд Мосеротоос аялан Бене-иааканд буудаллав.

³²Тэд Бене-иааканаас аялан Хор-хаггидгадад буудаллав.

³³Тэд Хор-хаггидгадаас аялан Иотбатад буудаллав.

³⁴Тэд Иотбатагаас аялан Абронад буудаллав.

³⁵Тэд Абронагаас аялан Езион-геберт буудаллав.

³⁶Тэд Езион-геберээс аялан Зиний цөлд буудаллав. Энэ нь Кадеш болой.

³⁷Тэд Кадешаас аялан Едомын нутгийн захад, Хор ууланд буудаллав.

³⁸Тэгээд ЭЗЭНий тушаалаар тахилч Аарон Хор уулан дээр гарч, Израилийн хөвгүүдийг Египетийн нутгаас гарснаас хойш дөч дэх жилийн тавдугаар сарын эхний өдөр тэнд үхсэн билээ.

³⁹Хор уулан дээр үхэхдээ Аарон зуун хорин гурван настай байлаа.

⁴⁰Канаан нутагт Негевд амьдарч байсан канаан хүн Арадын хаан Израилийн хөвгүүдийн ирж явааг сонссон байв.

⁴¹Дараа нь тэд Хор уулаас аялан Залмонад буудаллав.

⁴²Тэд Залмонгаас аялан Пунонд буудаллав.

⁴³Тэд Пуноноос аялан Оботод буудаллав.

⁴⁴Тэд Оботоос аялан Моабын хил дээрх Ийе-абаримд буудаллав.

⁴⁵Тэд Ийимээс аялан Дибон-гадад буудаллав.

⁴⁶Тэд Дибон-гадаас аялан Алмон-диблатаимд буудаллав.

⁴⁷Тэд Алмондиблатаимаас аялан Небогийн өмнөх Абаримын уулсад буудаллав.

⁴⁸Тэд Абаримын уулсаас аялж, Иерихогийн харалдаах Иорданы дэргэд Моабын талд буудаллав.

⁴⁹Тэд Иорданы дэргэд Моабын талд Бет-иешимотоос Абел-шиттимийг хүртэл буудаллав.

⁵⁰Дараа нь Иерихогийн харалдаах Иорданы дэргэд Моабын талд ЭЗЭН Мосетэй ярин, айлдахдаа

⁵¹-Израилийн хөвгүүдтэй ярин, тэдэнд “Та нар Канаан нутаг уруу Иорданыг гатлан орох үедээ,

⁵²уг нутгийн бүх оршин суугчдыг өмнөөсөө хөөн зайлуулж, тэдний бүх сийлсэн чулуунуудыг, бүх цутгамал хөргүүдийг нь устган, тэдний бүх мөргөлийн өндөрлөгүүдийг нь нураах ёстой.

⁵³Та нар нутгийн эзэмшлийг аван тэнд амьдрагтун. Учир нь тэр нутгийг Би та нарт эзэмшүүлэхээр өгсөн болой.

⁵⁴Та нар ургуудынхаа дагуу шодолтоор уг нутгийг өвлөх болой. Томд нь та нар их өвийг өгч, багад нь та нар бага өвийг өгөгтүн. Хэн нэгэнд шоо нь хаана бууна, тэр нь түүнийх болох болно. Та нар эцгүүдийнхээ овгуудын дагуу эзэмших ёстой.

⁵⁵Гэвч хэрэв та нар нутгийн оршин суугчдыг өмнөөсөө хөөн зайлуулахгүй бол та нарын тэднээс үлдээсэн үлдэгсэд нь нүдэнд чинь өргөс, хажуу хавиргад чинь үүргэнэ болох болно. Тэд та нарын амьдрах нутаг дээр та нарыг зовоох болно.

⁵⁶Мөн тэдэнд хийхээр төлөвлөснөө тийнхүү Би та нарт хийх болно” гэж хэлэгтүн гэв.