Read Ариун Библи, Mongolian Ariun Bible, 2004 Зехариа 9 Bible Online

Зехариа 9 - Ариун Библи, Mongolian Ariun Bible, 2004 bible

Зехариа 9

¹ЭЗЭНий үгийн сануулга нь Хадрахын нутгийн эсрэг бууж, Дамаск дээр үлдэнэ (Учир нь хүмүүсийн нүд, ялангуяа Израилийн бүх овгийн нүд ЭЗЭН уруу хандана).

²Мөн түүгээр хиллэдэг Хамат болон хэдийгээр өөрийгөө ухаантай гэдэг боловчТир, Сидоны ч эсрэг байна.

³Тир өөртөө бэхлэлт босгон, мөнгийг шороо мэт, алтыг гудамжны тоос мэт овоолно.

⁴Үзэгтүн, Эзэн түүнээс эзэмшлийг нь аван, эд баялгийг нь далайд хаяна. Тэр галд шатаагдана.

⁵Ашкелон үүнийг хараад айх болно. Газ өвчиндөө шаналан зовж, бас Екроны хувьд найдвар нь тасарлаа. Газаас хаан нь устаж, Ашкелонд хүн суурьшихаа байна.

⁶Ашдодод эрлийзүүд суурьшин, филистчүүдийн бардамналыг Би тастана.

⁷Би тэдний амнаас цусыг нь, шүднүүдийнх нь завсраас жигшмээр юмсыг нь зайлуулна. Тэгээд бас тэд манай Бурханы төлөө үлдэж, Иудагийн тэргүүлэгч мэт байна. Екрон нь иебусчууд шиг болно.

⁸Гэвч цэргүүд болон үүгээр өнгөрөнбуцагчаас болж Би Өөрийн өргөөг тойруулан хүрээлнэ. Одоо Би Өөрийн мэлмийгээр харсан учирямар ч дарлагч дахин тэдний дээгүүр гарахгүй.

⁹Сионы охин оо, үлэмж ихээр баярлагтун!Иерусалимын охин оо!Ялалтын уухай хадаагтун!Үзэгтүн, хаан чинь чам уруу очиж байна. Тэр бол зөв шударга, ялагдашгүй, даруу бөгөөд илжиг унажээ. Илжигний унага болох дудран унажээ.

¹⁰Би Ефраимаас тэргийг нь, Иерусалимаас морийг нь тастана. Дайны нум тастагдана. Тэр үндэстнүүдэд энх тайвныг тунхаглаж, Түүний ноёрхол тэнгисээс тэнгис, Евфратаас газрын мухарт хүртэл орших болно.

¹¹Мөн чиний хувьд ч гэсэн, Миний гэрээний цус чамтай хамт байгаа учирБи чиний хоригдлуудыг усгүй нүхнээс чөлөөлнө.

¹²Найдварын хоригдлууд аа!Бэхлэлт уруу буцагтун. Би чамд хоёр дахин ихийг сэргээнэ гэдгээ яг энэ өдөр Би тунхаглаж байна.

¹³Иудаг Би Өөрийн нум болгон татаж, нумаа Ефраимаар дүүргэнэ. Грек ээ! Чиний хөвгүүдийн эсрэгСион чиний хөвгүүдийг Би турхирна. Би чамайг дайчны илд мэт болгоно.

¹⁴Тэгээд ЭЗЭН тэдний дээр үзэгдэн, Түүний сум аянга мэт харвана. Эзэн БУРХАН бүрээгээ үлээж, өмнөдийн хүчит шуурганаар давшина.

¹⁵Түмэн цэргийн ЭЗЭН тэднийг хамгаална. Тэд цөлмөн, дүүгүүрийн чулуун дээр дэвсэлнэ. Тэд ууцгааж, дарс мэт шуугих болно. Тэд тахилын тогоо мэт дүүргэгдэж, тахилын ширээний өнцгүүд мэт норно.

¹⁶Тэдний Бурхан ЭЗЭН тэр өдөр тэднийг Өөрийн ард түмний сүрэг шиг аврах болно. Учир нь тэд титмийн чулуу мэт Түүний нутагт гялалзах болно.

¹⁷Тэд ямар үзэсгэлэнтэй, хөөрхөн байх бол оо!Үр тариа залуусыг хөгжөөж, шинэ дарс онгон охидыг баясгана.