Read Ариун Библи, Mongolian Ariun Bible, 2004 Иохан 7 Bible Online

Иохан 7 - Ариун Библи, Mongolian Ariun Bible, 2004 bible

Иохан 7

¹Үүний дараа нь Есүс Галилаар явж байлаа. Учир нь иудейчүүд Түүнийг алах гэж оролдож байсан тул Тэр Иудейгээр явахыг хүсээгүй юм.

²Иудейчүүдийн баяр болох Майхан Баяр ойртсон байв.

³Тэгтэл дүү нар нь Есүст-Эндээс холдоод, Иудей уруу яв. Тэгвэл дагалдагчид тань мөн Таны хийж байгаа үйлсийг харна.

⁴Учир нь өөрөө нийтэд ил байхыг хүсэж байгаа бол хэн ч юуг ч нууцаар хийдэггүй. Хэрэв Та эдгээрийг үйлддэг бол, Өөрийгөө ертөнцөд харуул л даа гэж хэлэв.

⁵Есүсийн дүү нар нь хүртэл Түүнд итгээгүй байжээ.

⁶Тэгэхэд нь Есүс тэдэнд-Миний цаг хараахан болоогүй. Харин та нарын цаг үргэлж бэлэн байдаг.

⁷Ертөнц та нарыг үзэн ядаж чадахгүй. Харин Намайг үзэн яддаг. Яагаад гэвэл ертөнцийн үйлс бузар гэж Би гэрчилдэг.

⁸Та нар баярт оч. Миний цаг гүйцээгүй байгаа тул Би энэ баярт очихгүй гэлээ.

⁹Тэдэнд ийн хэлээд, Тэр Галилд үлджээ.

¹⁰Гэвч дүү нар нь баярт явсны дараа Есүс ч Өөрөө ил биш, нууцаар явлаа.

¹¹Тэгтэл иудейчүүд Түүнийг баяр дээр хайж-Тэр хаана байна? гэцгээж байв.

¹²Хурсан олны дунд Есүсийн тухай дургүйцсэн шивнэлдээн их өрнөж байлаа. Зарим нь-Тэр сайн хүн гэхэд, зарим нь-Үгүй, харин ч Тэр ард олныг төөрөлдүүлж байна гэж ярьж байв.

¹³Гэвч иудейчүүдээс айсан учир Түүний тухай хэн ч илээр ярьсангүй.

¹⁴Баяр дундаа орох үед Есүс сүмд орж ирээд, сургаж эхлэв.

¹⁵Иудейчүүд-Ер суралцаагүй атлаа энэ хүн яаж мэдлэгтэй болсон байдаг билээ? гээд ихэд гайхлаа.

¹⁶Есүс тэдэнд-Миний сургаал бол Минийх биш, харин Намайг Илгээгчийнх.

¹⁷Хэрэв хэн нэгэн нь Түүний хүслийг үйлдэхийг хүсэж байвал тэр нь энэ сургаал Бурханаас ирсэн үү, эсвэл Би Өөрөөсөө ярьж байна уу гэдгийг мэднэ.

¹⁸Өөрөөсөө яригч нь өөрийнхөө алдрыг хайдаг. Харин Өөрийг нь илгээгч Нэгэний алдрыг Хайгч, Тэр бол үнэн мөн. Түүний дотор зөвт бус байдал нь байхгүй.

¹⁹Та нарт Мосе Хууль өгөөгүй гэж үү? Харин та нараас нэг нь ч Хуулийг биелүүлдэггүй. Та нар яагаад Намайг алах гэж оролдоно вэ? гэлээ.

²⁰Хурсан олон-Танд чөтгөр шүглэжээ. Хэн Таныг алах гэв? гэжээ.

²¹Есүс тэдэнд-Би нэг ажил хийсэн. Тэгэхэд та нар бүгд гайхаж байна.

²²Үүний улмаас Мосе та нарт хөвч хөндөлт өгсөн (Энэ нь Мосегээс биш, өвөг дээдсээс чинь эхэлсэн юм) бөгөөд Амралтын өдөр ч та нар хүний хөвч хөнддөг.

²³Мосегийн Хуулийг зөрчихгүйн тулд хэрэв хүн Амралтын өдөр ч хөвч хөндүүлдэг бол, Би Амралтын өдөр хүн эдгээсэн учраас та нар Надад уурлана уу?

²⁴Гаднах төрхөөр нь бүү шүү. Харин үнэн зөв шүүлтээр шүү гэж айлдав.

²⁵Тэгтэл Иерусалимын иргэдийн зарим нь-Тэдний алахаар оролдоод байгаа өнөөх хүн энэ биш үү?

²⁶Хараач, Тэр ил ярьж байна. Тэд Түүнд юу ч хэлэхгүй юм. Захирагчид энэ хүнийг Христ гэж үнэхээр танилаа гэж үү?

²⁷Гэлээ ч энэ хүн хаанаас ирснийг бид мэднэ. Харин Христийг ирэхэд Түүнийг хаанаас ирэхийг хэн ч мэдэхгүй гэж ярьж байлаа.

²⁸Есүс сүм дотор хашхиран сургаж-Та нар Намайг мэднэ. Бас Миний хаанаас ирснийг ч мэднэ. Би Өөрөөсөө ирсэн биш, харин Намайг Илгээгч нь үнэн мөн. Та нар Түүнийг мэдэхгүй.

²⁹Би Түүнийг мэднэ. Учир нь Би Түүнээс ирсэн бөгөөд Тэр Намайг илгээсэн гэж айлдсанд

³⁰тэд Есүсийг барих гэсэн боловч, хэн ч Түүнд гар хүрсэнгүй. Учир нь Түүний цаг хараахан болоогүй байв.

³¹Харин цугласан хүмүүсээс олон нь Түүнд итгэжээ. Тэд-Христ ирлээ ч гэсэн энэ хүний үйлдсэнээс илүү тэмдгүүдийг үйлдэнэ гэж үү? гэж ярилцаж байлаа.

³²Есүсийн тухай хүмүүс ингэж шивнэлдэхийг фарисайчууд сонсжээ. Ахлах тахилч нар болон фарисайчууд Түүнийг бариулахаар харуулуудыг илгээв.

³³Тэгтэл Есүсбайна. Тэгээд Би Намайг Илгээгч уруу явна.

³⁴Та нар Намайг хайгаад олохгүй. Мөн Би хаана байна, тэнд та нар ирж чадахгүй гэж айлдсанд

³⁵иудейчүүд өөр хоорондоо-Бидэнд олдохгүй байх ямар газар уруу Тэр явах юм бол? Грек хүмүүсийн дунд суурьшсан иудейчүүд уруу очиж, грек хүмүүст сургаалаа заах гэсэн юм болов уу?

³⁶“Та нар Намайг хайгаад олохгүй. Мөн Би хаана байна, тэнд та нар ирж чадахгүй” гэж Түүний хэлсэн энэ үг ямар утгатай юм бол? гэцгээв.

³⁷Баярын их өдөр болох сүүлчийн өдөр Есүс зогсоод хашхиран-Хэрэв цангасан хүн байвал, Над уруу ирж, уугтун.

³⁸Надад итгэдэг хүн “Түүний дотроос амийн усны гол урсах болно” гэж Сударт хэлсэнчлэн байх болно гэв.

³⁹Есүст итгэсэн хүмүүсийн хүлээн авах Сүнсний тухай Тэр үүнийг хэлжээ. Учир нь Есүс хараахан алдаршуулагдаагүй тул Сүнс өгөгдөөгүй байлаа.

⁴⁰Хүмүүсийн зарим нь энэ үгсийг сонсоод, -Энэ үнэхээр өнөөх Эш үзүүлэгч мөн байна гэхэд,

⁴¹зарим нь-Энэ Христ мөн гэж байв. Харин зарим нь-Христ Галилаас гарахгүй биз дээ?

⁴²Христ бол Давидын үр сад бөгөөд Давидын амьдарч байсан тосгон болох Бетлехемээс гарна гэж Сударт хэлдэг биш үү? гэв.

⁴³Тэгээд Есүсээс болж олон түмний дотор хагарал гарчээ.

⁴⁴Тэдний зарим нь Түүнийг барихыг хүссэн боловч хэн ч Түүнд гар хүрсэнгүй.

⁴⁵Тэгээд харуулуудыг ахлах тахилч нар болон фарисайчууд дээр ирэхэд, тэднээс-Та нар Түүнийг юунд авч ирсэнгүй вэ? гэсэнд

⁴⁶харуулууд-Энэ хүний ярьж байгаа шиг ярьсан хүн ер үгүй билээ гэжээ.

⁴⁷Тэгтэл фарисайчууд тэдэнд-Та нар бас төөрчихөв үү?

⁴⁸Захирагчид болон фарисайчуудаас хэн ч Түүнд итгээгүй биз дээ?

⁴⁹Харин Хуулийг мэддэггүй энэ ард олон л хараагджээ гэлээ.

⁵⁰Тэдний нэг болох урьд нь Есүс уруу ирсэн Никодем тэдэнд

⁵¹-Бидний Хууль хүний юу хийж байгааг нь эхлээд тэр хүнээс сонсоогүй, мэдээгүй байж шүүдэг бил үү? гэв.

⁵²Тэд түүнд-Та бас Галилынх уу? Нягтлан үз, Галилаас ямар ч эш үзүүлэгч гарахгүй гэж хэлэв.

⁵³[Хүмүүс гэр гэр уруугаа явлаа.