Read Ариун Библи, Mongolian Ariun Bible, 2004 Иошуа 12 Bible Online

Иошуа 12 - Ариун Библи, Mongolian Ariun Bible, 2004 bible

Иошуа 12

¹Иорданы чанадад, наран мандах зүгт, Арноны хөндийгөөс Хермоны уул хүртэлх, түүнчлэн Арабагийн зүүн зүгийн бүх газар нутгийг оролцуулан Израилийн хөвгүүдийн байлдан эзэлсэн нутгийн хаад нь гэвэл,

²Нэг нь Хешбонд амьдарч байсан аморичуудын хаан Сихон. Тэрээр Арнон голын хөндийн захад орших Ароер, уг хөндийн голоос аваад Гилеадын хагасыг ч оролцуулан бүр Аммоны хөвгүүдийн хил болох Иаббок гол хүртэлх нутаг,

³мөн Арабагийн зүүн зүгийн Хиннеретийн тэнгисээс аваад Арабагийн тэнгис буюу Давст тэнгис хүртэл болон Бет-иешимот хүртэл хийгээд өмнө зүг уруу Писгагийн налуу бэл хүртэлх нутгийг захирч байв.

⁴Нөгөө нь Аштарот болон Едреид амьдарч байсан, Рефаимчуудаас үлдсэн хүн болох Башаны хаан Ог.

⁵Тэрээр Хермон уул, Салека болон бүх Башан, гешурчууд болон маакатчуудын хил хүртэл, мөн Гилеадын хагас, тэгээд Хешбоны хаан Сихоны нутгийн хил хүртэлхийг захирч байв.

⁶Энэ хоёр хааныг ЭЗЭНий зарц Мосе болон Израилийн хөвгүүд ялсан бөгөөд ЭЗЭНий зарц Мосе тэрхүү газар нутгийг нь Реубен, Гад болон Манассегийн хагас овгийнхонд өв болгон өгөв.

⁷Иошуа болон Израилийн хөвгүүдийн ялсан нутаг нь Иорданаас баруун тийш Ливаны хөндий дэх Баал-гадаас бүр Сеир уруу өгссөн Халак уулыг хүртэлх нутаг билээ. Иошуа түүнийг Израилийн овгуудад хуваарилалтынх нь дагуу өв болгон өгсөн.

⁸Уулархаг нутаг, нам дор газрууд, Араба, уулсын бэлүүд, цөл газар болон Негевд байсан хитчүүд, аморичууд, канаанчууд, перизчүүд, хивичүүд, иебусчуудын газар нутгийн хаад гэвэл

⁹Иерихогийн хаан нэг, Бетелийн ойролцоох Аин хаан нэг,

¹⁰Иерусалимын хаан нэг, Хеброны хаан нэг,

¹¹Иармутын хаан нэг, Лахишийн хаан нэг,

¹²Еглоны хаан нэг, Гезерийн хаан нэг,

¹³Дебирийн хаан нэг, Гедерийн хаан нэг,

¹⁴Хормагийн хаан нэг, Арадын хаан нэг,

¹⁵Либнагийн хаан нэг, Адулламын хаан нэг,

¹⁶Маккедагийн хаан нэг, Бетелийн хаан нэг,

¹⁷Таппуагийн хаан нэг, Хеферийн хаан нэг,

¹⁸Афекийн хаан нэг, Лашароны хаан нэг,

¹⁹Мадоны хаан нэг, Хазорын хаан нэг,

²⁰Шимрон-мероны хаан нэг, Ахшафын хаан нэг,

²¹Таанахын хаан нэг, Мегиддогийн хаан нэг,

²²Кедешийн хаан нэг, Кармел дахь Иокнеамын хаан нэг,

²³Нафат-Дор дахь Дорын хаан нэг, Гилгал дахь Гойимын хаан нэг,

²⁴Тирзагийн хаан нэг, бүгд гучин нэгэн хаад байлаа.