Read Ариун Библи, Mongolian Ariun Bible, 2004 Еврей 1 Bible Online

Еврей 1 - Ариун Библи, Mongolian Ariun Bible, 2004 bible

Еврей 1

¹Эрт үед эш үзүүлэгчдээр дамжуулан эцэг өвгөдөд олон хэсгээр болон янз бүрийн арга замаар айлдсан Бурхан

²эдгээр эцсийн өдрүүдэд Өөрийн Хүүгийн дотор бидэнд хандаж айлдав. Тэр Хүүгээ бүхний өвлөгчөөр томилсон бөгөөд Хүүгээрээ ертөнцийг бүтээсэн билээ.

³Хүү нь Түүний алдрын туяа, Түүний мөн чанарын бодит илэрхийлэл бөгөөд Өөрийн хүчит үгээр бүхнийг барьдаг болой. Тэр нүглүүдийн ариусгалыг гүйцээгээд, дээр байгч Сүр жавхлант Нэгэний баруун гарт залрав.

⁴Тэр тэнгэр элч нараас илүү эрхэм нэрийг өвлөсөн шиг тэднээс илүү дээр болсон юм.

⁵Учир нь Бурхан тэнгэр элч нарын алинд нь хэзээ“Чи бол Миний Хүү мөн. Би Чамайг өнөөдөр төрүүлсэн” “Би Түүнд Эцэг нь болно. Тэр Надад Хүү минь болно”

⁶Тэр анх төрсөн Түүнийг дахин дэлхийд авчрах үедээ“Бурханы бүх тэнгэр элч нар Түүнд мөргөгтүн”

⁷Тэр тэнгэр элч нарын тухай“Тэр тэнгэр элч нараа салхи болгож, үйлчлэгчдээ галын дөл болгодог”

⁸харин Хүүгийн тухай“Бурхан минь, Таны хаан ширээ үеийн үед. Таны хаанчлалын очирт таяг бол зөвт очирт таяг мөн.

⁹Та зөвт байдлыг хайрласан бөгөөд ёс бусыг жигшсэн. Тиймээс Бурхан, Таны Бурхан нөхдөөс чинь дээрТаныг баяр баясгалангийн тосоор тослов”

¹⁰Бас“Эзэн, Та эхэнд дэлхийн суурийг тавьсан бөгөөдтэнгэр Таны мутрын бүтээл билээ.

¹¹Тэд мөхөх боловч Та үлдэнэ. Тэд бүгд хувцас адил хуучирна.

¹²Та тэднийг бүтээлэг мэт эвхэх болно. Тэд хувцас адил бас өөрчлөгдөнө. Харин Та хэвээрээ, Таны жилүүд төгсөхгүй”

¹³Харин Тэр тэнгэр элч нарын алинд нь хэзээ“Дайснуудыг чинь Би Чиний хөлийн гишгүүр болгох хүртэлМиний баруун гарт залрагтун”

¹⁴Тэд бүгдээрээ авралыг өвлөх хүмүүсийн төлөөх үйлчлэлд илгээгдсэн үйлчлэгч сүнснүүд биш үү?