Read Mongondow TAWARIKH 1 4 Bible Online

TAWARIKH 1 4 - Mongondow bible

TAWARIKH 1 4

¹Noiduduimai naa in tongosilai nongkon buí i Yohuda: ki Peres, ki Hezron, ki Karmi, ki Hur bo ki Syobal.

²Ki Syobal in ki amá i Reaya, ki Reaya in ki amá i Yahat. Ki Yahat in kogadí kon adí ḷoḷaki doyowa: ki Ahumai bo ki Lahad. Mosia in mogoguyang in intau mita inta nogutun kon kotá in Zora.

³Ki adí ḷoḷaki guya-guyang i Kaleb kon i buḷoinea inta ki Eprat in ki Hur. Buí i Hur in inta noposindog in kotá in Betlehem. Ki Etam, ki Pnuel bo ki Ezer in ki adí mita i Hur. Ki Etam in kogadí kon ḷoḷaki taya toḷu inta ki Yizreel, ki Isma bo ki Idbas, bo tobatú in adí bobay inta ki Hazelelponi. Ki Pnuel in noposindog in kotá in Gedor bo ki Ezer in noposindog in kotá in Husa.

⁵Ki Asyur inta noposindog in kotá in Tekoa in kobuḷoi kon doyowa, ki Hela bo ki Naara.

⁶Kon i Naara nokouḻí in sia kon adí ḷoḷaki taya opat: ki Ahuzam, ki Heper, ki Temeni bo ki Ahastari.

⁷Kon i Hela, ki Asyur in nokouḻí kon adí ḷoḷaki taya toḷu, ki Zeret, ki Yezohar bo ki Etnan.

⁸Ki Anub bo ki Hazobeba in ki adí mita ḷoḷaki i Kos mogoguyang in inanakan buí i Aharhel adí i Harum.

⁹Oyúon in ḷoḷaki tobatú tangoinea in ki Yabes;[4] sia in ihoromat noiḻiu kon i utatnea mita. Sia in sinangoian i inánea ki Yabes, popisí in nororiga totok in ki inánea kon dodai in nopononggadí kon inia.

¹⁰Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

¹¹Ki Kelub ki utat i Suha in kogadí kon ḷoḷaki tangoinea in ki Mehir. Ki adí i Mehir in ki Eston,

¹²bo ki Eston in kogadí kon ḷoḷaki taya toḷu, inta ki Bet-Rapa, ki Paseah bo ki Tehina, inta noposindog in kotá in Nahas. Buí in intau mita tatua in nogutun kon kotá in Reka.

¹³Ki Kenas in kogadí kon ḷoḷaki taya dua inta ki Otniel bo ki Seraya. Ki Otniel in kogadí doman kon ḷoḷaki doyowa, inta ki Hatat bo ki Meonotai.

¹⁴Ki adí i Meonotai in ki Opra. Ki Adí i Seraya in ki Yoab inta noposindog in Ḷopá in Pengrajin. Bayongan in intau inta nogutun kon ḷopá tatua in komintanbí mongopandoi momia kon oaidan in ḻima.

¹⁵Ki Kaleb adí i Yepune in kogadí kon ḷoḷaki toḷu: ki Iru, ki Ela bo ki Naam. Adí i Ela in ki Kenas.

¹⁶Ki Yehaleleel in kogadí kon adí ḷoḷaki opat: ki Zip, ki Zipa, ki Tireya bo ki Asareel.

¹⁷Ki adí ḷoḷaki i Ezra in taya opat: ki Yeter, ki Mered, ki Eper bo ki Yalon. Ki Mered in notonibuḷoi i Bica adí bobay i datu in Mesir. Mosia in nokouḻí kon adí bobay tangoinea in ki Miryam, bo kogadí kon ḷoḷaki doyowa inta ki Samai bo ki Yisba. Ki Yisba inta noposindog in kotá in Estemoa. Ki Mered in notonibuḷoi doman in bobay tobatú nongkon suku in Yohuda; adí monia ḷoḷaki in taya toḷu: ki Yered inta noposindog in kotá in Gedor, ki Heber inta noposindog in kotá in Sokho, bo ki Yekutiel inta noposindog in kotá in Zanoah.

¹⁹Ki Hodia in notonibuḷoi takin i bobay Naham. Buí monia inta nobaḻí mogoguyang in inanakan i Garmi bo inanakan i Maakha. Inanakan i Garmi in nogutun kon kotá in Kehila, bo inanakan i Maakha in nogutun kon kotá in Estemoa.

²⁰Ki Simon in kogadí kon adí ḷoḷaki taya opat: ki Amnon, ki Rina, ki Benhanan bo ki Tilon. Ki Yisei in kogadí kon adí ḷoḷaki doyowa: ki Zohet bo ki Ben-Zohet.

²¹Adí i Yohuda tobatú tangoinea in ki Sela. Noiduduimai naa in buínea: Ki Er inta noposindog in kotá in Lekha Ki Lada inta noposindog in kotá in Maresa Inanakan in mogogaboḷ kon ḷambung lenan kon kotá in Bet-Ashbea Ki Yokim Intau mita inta nogutun kon kotá in Kozeba Ki Yoas Ki Sarap inta nobuḷoi kon bobay mita in Moab[5] bo kon singgai noiduduimai nobui kon Betlehem. Tangoi mita tatua in ginamá nongkon pais mita dungkuḷmai.

²³Mosia komintan in momomia kon kendi bo tampayang kon i datu bo nogutun kon kotá in Netaim bo Gedera.

²⁴Ki Simeon in kogadí kon adí ḷoḷaki taya ḻima: ki Nemuel, ki Yamin, ki Yarib, ki Zerah bo ki Saul.

²⁵Noiduduimai naa in tangoi in buí i Saul: Salum Mibsam Misma Hamuel Zakur Simei.

²⁷Ki Simei in kogadí kon adí 22: 16 in ḷoḷaki bo onom in bobay. Táe ginaḷum mogutat i Simei in tongábí topiḻik in ki adí monia. Buí i Simeon in diábí ná kobayong in buí i Yohuda.

²⁸Nodapot kon i Datu Daud, buí i Simeon in nogutun kon kotá mita tanaa: Bersyeba, Molada, Hazar-Sual,

²⁹Ki Bilha, ki Ezem, ki Tolad,

³⁰ki Betuel, ki Horma, ki Ziklag,

³¹ki Bet-Markabot, ki Hazar-Susim, ki Bet-Biri bo ki Saaraim.

³²Mosia in nogutun doman kon ḻima in tampat ibanea, tuata in Etam, Ain, Rimon, Tokhen, Asan

³³bo ḻipú mita kon diugneamai tatua noidapot kon kotá in Baal inta kon dotá in barat daya. Tuata inta ain pinais kon bonu in buí i Simeon kon pinomuían bo tampat mita inta pogogutunan monia.

³⁴Noiduduimai naa in tangoi mita in tongguḷu mita in inanakan kon bonu in suku i Simeon: Ki Mesobab Ki Yamlekh Ki Yosa ki adí i Amazia Ki Yoël Ki Yehu ki adí i Yosibya (ki Yosibya in ki adí i Seraya, ki ompu i Asiel), Ki Elyoënai Ki Yaakoba Ki Yesohaya Ki Asaya Ki Adiel Ki Yesimiel Ki Benaya Ki Ziza ki adí i Sipei (tundugan in inanakan nongkon i Sipei bo namonik in ki Alon, ki Yedaya, ki Simri, ki Semaya). Popisí in motoḷuadí monia tantú modugang,

³⁹dá mosia in iyumayit ná kon dotá in toyopan nodapot kon diug in kotá in Gedor inta noiukat kon ḷopá tobatú. Kon dotá in pomukaan kon ḷopá tatua mosia in nokouḻí kon rawang in bonok inta noḷumbá bo nobendar bo noingongow mopia monia ponombobiagon. Dungkuḷmai butá tatua in pinogutunan in intau mita in Ham inta nobiag notompia bo noaman.

⁴¹Kon dodai in ki Hizkia datu in Yohuda, buí i Simeon tatua in minayá nonubu kon Gedor. Mosia in nomoguyaat kon ḷoḷaigan mita in intau mita inta nogutun kon tua bo in intau mita in Meunim, bo nopoguntun kon intau inta nogutun kon tua. Onda intua mosia in nogutundon notantú kon tua sin nobayong in popokaanan in bobiagon monia.

⁴²Kon bonu in tongganut i adí mita i Yisei, inta ki Pelaca, ki Nearya, ki Repaya bo ki Uziel, 500 in intaunea ibanea nongkon suku i Simeon in nomamping kon Edom kon pomukaan.

⁴³Mosia in noḻimod kon ki agat in intau mita in Amalek, bo nogutun notantú kon tua pinangkoi kon dodai intua.