Read Mongondow TAWARIKH 1 6 Bible Online

TAWARIKH 1 6 - Mongondow bible

TAWARIKH 1 6

¹Ki Lewi in kogadí kon adí ḷoḷaki toḷu: ki Gerson, ki Kehat bo ki Merari.

²Ki Kehat in kogadí kon adí ḷoḷaki opat: ki Amram, ki Yizhar, ki Hebron bo ki Uziel.

³Ki Amram in kogadí kon adí ḷoḷaki doyowa, inta ki Harun bo ki Musa, bo adí bobay tobatú inta ki Miryam. Ki Harun in kogadí kon ḷoḷaki opat: ki Nadab, ki Abihu, ki Eleazar bo ki Itamar.

⁴Pipidan bui i Eleazar in noiduduimai naa: ki Pinehas, ki Abisua,

⁵ki Buki, ki Uzi,

⁶ki Zerahya, ki Merayot,

⁷ki Amarya, ki Ahitub,

⁸ki Zadok, ki Ahimaas,

⁹ki Azarya, ki Yohanan,

¹⁰ki Azarya (sia in nogundoi kon bonu in Baḷoi TUHAN inta pinosindog i Datu Salomo kon Yerusalem),

¹¹ki Amarya, ki Ahitub,

¹²ki Zadok, ki Salum,

¹³ki Hilkia, ki Azarya

¹⁴ki Seraya, ki Yozadak.

¹⁵Ki Yozadak naa inta noitakin dinia noyotakin in intau in Yohuda bo intau inta nogutun kon Yerusalem ibanea kon tungkuḷ in ki TUHAN noḷumbú kon i monia kon butá ibanea pinongin i Nebukadnezar.

¹⁶Ki Lewi in kogadí kon adí ḷoḷaki toḷu, inta ki Gerson, ki Kehat bo ki Merari.

¹⁷Kon batúan monia in kogadí doman. Ki Libni bo ki Simei in ki adí mita in Gerson;

¹⁸ki Amram, ki Yizhar, ki Hebron bo ki Uziel in adí mita i Kehat.

¹⁹Ki Mahli bo ki Musi in ki adí mita i Merari.

²⁰Pipidan in buí i Gerson in: ki Libni, ki Yahat, ki Zima,

²¹ki Yoah, ki Ido, ki Zerah, ki Yeatrai.

²²Pipidan in buí i Kehat in: ki Aminadab, ki Korah, ki Asir,

²³ki Elkana, ki Ebyasap, ki Asir,

²⁴ki Tahat, ki Uriel, ki Uzia, ki Saul.

²⁵Ki Elkana in kogadí kon adí ḷoḷaki doyowa: ki Amasai bo ki Ahimot.

²⁶Pipidan in buí i Ahimot in: ki Elkana, ki Zopai, ki Nahat,

²⁷ki Eliab, ki Yeroham, ki Elkana.

²⁸Ki Samuel in kogadí kon adí ḷoḷaki doyowa: ki Yoël inta guya-guyang, ki Abia inta ai-ai.

²⁹Pipidan in buí i Merari in: ki Mahli, ki Libni, ki Simei, ki Uza,

³⁰ki Simea, ki Hagia, ki Asaya.

³¹Pinangkoi kon Poti Dodandian pinamping kon tampat pooibadaan kon Yerusalem, ki Datu Daud in nomiḻídon kon intau mita inta kitogi totaau kon moindoi kon dondong podayow kon bonu in Baḷoi TUHAN.

³²Mosia in mopobayá in oaidan monia moyo-moyoḷuan kon Ḷoḷaigan i TUHAN kon dodai in ki Datu Salomo diápa noposindog in Baḷoi TUHAN.

³³Pipidan in pinomuían in intau mita inta inogoian in oaidan tatua in noiduduimai naa: Nongkon inanakan i Kehat: ki Heman adí i Yoël. Sia in nobaḻí itoi kon intau mita inta mododondong inta imitánea. Pipidan in pinomuían nongkon ḻimonag bo pinoonik nodapot kon i Yakub in: ki Heman, ki Yoël, ki Samuel,

³⁴ki Elkana, ki Yeroham, ki Eliel, ki Toah,

³⁵ki Zup, ki Elkana, ki Mahat, ki Amasai,

³⁶ki Elkana, ki Yoël, ki Azarya, ki Zepanya,

³⁷ki Tahat, ki Asir, ki Ebyasap, ki Korah,

³⁸ki Yizhar, ki Kehat, ki Lewi, ki Yakub.

³⁹Ki Asap in itoi kon intau mita inta mododondong inta nogindua. Pipidan in pinomuían nongkon ḻimonag pinodamonik nodapot kon i Lewi: Ki Asap, ki Berekhya, ki Simea,

⁴⁰ki Mikhael, ki Baaseya, ki Malkia,

⁴¹ki Etai, ki Zerah, ki Adaya,

⁴²ki Etan, ki Zima, ki Simei,

⁴³ki Yahat, ki Gerson, ki Lewi.

⁴⁴Ki Etan in nobaḻí itoi kon intau mita inta mododondong inta nogintoḷu; sia in nongkon inanakan i Merari. Pipidan in pinomuíannea nongkon ḻimonag bo pinodamonik nodapot kon i Lewi: ki Etan, ki Kisi, ki Abdi, ki Malukh,

⁴⁵ki Hasabya, ki Amazia, ki Hilkia,

⁴⁶ki Amzi, ki Bani, ki Semer,

⁴⁷ki Mahli, ki Musi, ki Merari, ki Lewi.

⁴⁸Oaidan mita ibanea kon baḷoi pooibadaan in inogoi kon topotakin mita monia inta intau in Lewi doman.

⁴⁹Ki Harun bo buínea in mototubá kon dupa, moposumba in kuruban payongon kon tudu in mezbah, mopobayá in bayongan upacara kon Yuang Totok motusi, bo moposumba in kuruban potobut kon dosa in umat in Israel. Tua komintan in inaidan monia pinodudui kon topotundú mita inta inogoi i Musa mogogundoi i Allah.

⁵⁰Naa in pipidan in buí i Harun: ki Eleazar, ki Pinehas, ki Abisua,

⁵¹ki Buki, ki Uzi, ki Zerahya,

⁵²ki Merayot, ki Amarya, ki Ahitub,

⁵³ki Zadok, ki Ahimaas.

⁵⁴Naa in butá pogogutunan inta inogoi kon inanakan i Kehat buí i Harun. Mosia in notarima kon tonsilai muna nongkon butá inta ain sinantú kon intau in Lewi.

⁵⁵Butá monia in nongkon kotá in Hebron kon butá in Yohuda, bo rawang mita in bonok kon diugneamai.

⁵⁶Táe gobá mita bo ḻipú mita kon butá inta kon diug in kotá tatua in inogoi kon i Kaleb ki adí i Yepune.

⁵⁷Buí i Harun nokouḻí kon Hebron kotá inta pogogadopan,[7] Yatir, bo ḻipú mita noiduduimai naa takin rawang mita in bonoknea: ḻipú Libna, Estemoa, Hilen, Debir, Asan, Bet-Semes.

⁵⁸

⁵⁹

⁶⁰Kon butá in suku Benyamin nokouḻí in mosia kon ḻipú mita noiduduimai tanaa noyotakin in rawang mita in bonoknea: Geba, Alemet bo Anatot. Kobayong intua mita in 13 noḻipú sin mobaḻí pogogutunan in motoḷuadí mita monia.

⁶¹Mopuḷú in ḻipú in suku Manasye kon dotá in toyopan kon Ongkag in Yordan in inogoi pinongin undian kon motoḷuadí mita kon bonu in inanakan i Kehat inta diápa nokouḻí kon butá.

⁶²Motoḷuadí mita kon inanakan i Gerson in nokouḻí kon 13 in ḻipú kon butá in suku i Isakhar, i Asyer, i Naptali, bo i Manasye inta kon Basan kon dotá in pomukaan kon Ongkag in Yordan.

⁶³Pinongin undian doman, motoḷuadí mita kon bonu in inanakan i Merari nokouḻí kon 12 in ḻipú kon butá in suku i Ruben, i Gad bo i Zebulon.

⁶⁴Natuata in pinososilai in bangusa in Israel kon suku in Lewi kon ḻipú mita takin rawang mita in bonoknea sin mobaḻí pogogutunan monia.

⁶⁵Desa mita kon butá in suku Yohuda, Simeon bo Benyamin inta ain sinangoi tatua, in sinilai domandon pinongin undi.

⁶⁶Kon butá in suku Epraim, tongosilai nongkon motoḷuadí mita in inanakan i Kehat in notarima kon ḻipú mita noiduduimai tanaa takin rawang bonok kon diugneamai:

⁶⁷Sikhem, kotá pogogadopan kon buḷud in butá tatua, Gezer,

⁶⁸Yokmeam, Bet-Horon,

⁶⁹Ayalon bo Gat-Rimon.

⁷⁰Kon butá in suku Manasye inta kon dotá in toyopan kon Ongkag in Yordan mosia in nokouḻí kon ḻipú in Aner bo Bileam takin rawang in bonok kon diugneamai.

⁷¹Motoḷuadí mita in inanakan i Gerson in nokouḻí kon ḻipú mita noiduduimai naa takin rawang mita in bonok kon diugneamai: Kon butá in suku Manasye, kon dotá in pomukaan kon Ongkag in Yordan: Golan kon Basan bo Asytarot.

⁷²Kon butá in suku Isakhar: Kedes, Daberat,

⁷³Ramot bo Anem.

⁷⁴Kon butá in suku Asyer: Masal, Abdon,

⁷⁵Hukok bo Rehob.

⁷⁶Kon butá in suku Naptali: Kedes kon Galilea, Hamon bo Kiryataim.

⁷⁷Buí i Merari inta diápa nokouḻí kon butá, in nokouḻí kon ḻipú mita inta noiduduimai naa takin rawang mita in bonok kon diugneamai: Kon butá in Zebulon: Rimono bo Tabor.

⁷⁸Kon butá in Ruben, kon dotá in pomukaan kon Ongkag in Yordan kon diug in Yerikho: Bezer kon rata moḷantud, Yahas,

⁷⁹Kedemot bo Mepaat.

⁸⁰Kon butá in suku Gad: Ramot kon Gilead, Mahanaim,

⁸¹Hesybon bo Yaezer.