Read Mongondow TAWARIKH 1 7 Bible Online

TAWARIKH 1 7 - Mongondow bible

TAWARIKH 1 7

¹Ki Isakhar in kogadí kon adí ḷoḷaki opat: ki Tola, ki Pua, ki Yasub bo ki Simron.

²Ki Tola in kogadí kon adí ḷoḷaki onom: ki Uzi, ki Repaya, ki Yariel, ki Yahmai, ki Yibsam bo ki Samuel. Mosia in tongguḷu in motoḷuadí kon bonu in inanakan i Tola bo pinonango-nangoian tontara inta mongotorindog. Kon tungkuḷ in ki Daud datu, kobayong in buí monia in 22.600.

³Ki Uzi in kogadí kon ḷoḷaki tobatú tangoinea in ki Yizrahya. Ki Yozrahya takin ki adínea ḷoḷaki taya opat, inta ki Mikhael, ki Obaja, ki Yoël bo ki Yisia in tongguḷu mita.

⁴Ki buḷoi mita bo ki adí mita monia in totuu modamaḷ dá buí monia in nokosadiadon kon 36.000 in ḷoḷaki inta sinumuot tontara.

⁵Podudui in daptar inta motaau pirisayaan, nongkon bayongan in motoḷuadí kon bonu in suku i Isakhar oyúon in 87.000 in ḷoḷaki in motaaudon mobaḻí tontara.

⁶Ki Benyamin in kogadí kon adí ḷoḷaki toḷu: ki Bela, ki Bekher, ki Yadiael.

⁷Ki Bela in kogadí kon ḷoḷaki ḻima: ki Ezbon, ki Uzi, ki Uziel, ki Yerimot bo ki Iri. Mosia in tongguḷu in motoḷuadí kon bonu in inanakan monia bo ponango-nangoian kon tontara inta totok in mongotorindog. Kon bonu in daptar buí monia kinopaisan in 22.034 in intau ḷoḷaki inta motaaudon mobaḻí tontara.

⁸Ki Bekher in kogadí kon ḷoḷaki siow: ki Zemira, ki Yoas, ki Eleazer, ki Elyoënai, ki Omri, ki Yeremot, ki Abia, ki Anatot bo ki Alemet.

⁹Mosia tua in tongguḷu in motoḷuadí kon bonu in inanakan monia. Podudui in daptar inta motaau pirisayaan, nongkon bayongan in motoḷuadí kon bonu in buí monia in 20.200 in ḷoḷaki inta motaaudon tumuot tontara.

¹⁰Ki Yediael in kogadí kon ḷoḷaki tobatú tangoinea in ki Bilhan. Ki Bilhan in kogadí kon adí ḷoḷaki taya pitu: Ki Yeus, ki Benyamin, ki Ehud ki Kenaana, ki Zetan, ki Tarsis bo ki Ahisahar.

¹¹Mosia in tongguḷu in motoḷuadí kon bonu in inanakan monia bo ponango-nangoian tontara inta mongotorindog. Kon bonu in buí monia kinopaisan in 17.200 in ḷoḷaki inta motaaudon tumuot tontara.

¹²Ki Supim bo ki Hupim in buí i Ir. Ki Husim in adí i Dan.[8]

¹³Ki Naptali in kogadí kon ḷoḷaki opat: ki Yahziel, ki Guni, ki Yezer bo ki Salum. Mosia in ki ompu i Bilha.[9]

¹⁴Ki Manasye takin ki pahangnea, bobay in Aram tobatú, in kogadí kon ḷoḷaki doyowa: ki Asriel bo ki Makhir. Adí i Makhir in ki Gilead.

¹⁵Ki Makhir in notayak kon buḷoi kon i Hupim bo kon i Supim. Tangoi i buḷoi[10] i Makhir in ki Maakha. Adí i Makhir induanea in ki Zelapehad. Ki Zelapehad in diá kogadí kon ḷoḷaki, tongá adí bobay.

¹⁶Ki Maakha ki buḷoi i Makhir in nopononggadí in adí ḷoḷaki doyowa inta sinangoian ki Peres bo ki Seres; ki Peres in kogadí kon adí ḷoḷaki doyowa ki Ulam bo ki Rekem.

¹⁷Ki Ulam in kogadí kon ḷoḷaki tobatú tangoinea in ki Bedan. Tuata in buí i Gilead adí i Makhir, ompu i Manasye.

¹⁸Ki bobay i Gilead inta tangoinea in ki Molekhet in kogadí kon ḷoḷaki toḷu: ki Ishod, ki Abiezer bo ki Mahla.

¹⁹Ki Semida in kogadí kon adí ḷoḷaki opat: ki Ahyan, ki Sekhem, ki Likhi bo ki Aniam.

²⁰Ki Epraim in kogadí kon toḷu: ki Sutela, ki Ezer bo ki Elad. Pipidan in buí i Epraim pinongin i Sutela in ki Bered, ki Tahat, ki Elada, ki Tahat, ki Zabad, ki Sutela. Ki Ezer bo ki Elad in iḻimod kon dodai in moniat monakow kon biag in intau taakan inta nogutun kon butá in Gad.

²²Ki amá monia in nonogumatoi kon muḷoi in singgai dá ki utatnea mita in namangoi bo noḻipoi kon inia.

²³Onda intua ki Epraim nosiug bui takin i buḷoinea, bo bobay tatua in nonogusian bui bo nopononggadí in adí ḷoḷaki tobatú. Sinangoian i Epraim in ki adínea tatua ki Beria,[11] popisí in bodito inta kinoyitakan monia tua.

²⁴Ki Epraim in kogadí kon adí bobay inta ki Seera in tangoinea. Sia tua inta noposindog in kotá mita in Bet-Horon Ḻimonag bo Bet-Horon Ḻimonik, bo kotá in Uza bo Seera.

²⁵Oyúonpa doman in adí ḷoḷaki tobatú i Epraim, tangoinea in ki Repah. Naa in pipidan in buí i Repah: ki Resep, ki Telah, ki Tahan,

²⁶ki Ladan, ki Amihud, ki Elisama,

²⁷ki Nun, ki Yosua.

²⁸Butá inta inogoi kon i monia nobaḻí pogogutunan monia in nongkon Betel nodapot kon kino ouput in Naaran kon dotá in pomukaan, bo Gezer kon dotá in toyopan takin ḻipú mita kon diug in kotá mita tatua. Kon butá tatua in noituot doman in kotá in Sikhem bo Aya, bo ḻipú mita inta kon ḻibuneamai.

²⁹Buí i Manasye in nongawasa kon kotá in Bet-Sean, Taanakh, Megido, Dor bo ḻipú mita kon ḻibuneamai. Tuata in bayongan butá pogogutunan in buí i Yusup adí i Yakub.

³⁰Moiduduimai naa in buí i Asyer. Sia in kogadí kon adí ḷoḷaki opat: ki Yimna, ki Yiswa, ki Yiswi, ki Beria bo adí bobay tobatú, tangoinea in ki Serah.

³¹Ki Beria in kogadí kon ḷoḷaki doyowa, ki Heber bo ki Malkiel inta noposindog in kotá Birzait.

³²Ki Heber in kogadí kon ḷoḷaki toḷu: ki Yaplet, ki Somer, ki Hotam, bo adí bobay tobatú, ki Sua in tangoinea.

³³Ki Yaplet in kogadí doman kon ḷoḷaki toḷu: ki Pasakh, ki Bimhab, ki Asywat.

³⁴Ki Somer ki utat i Yaplet in kogadí kon ḷoḷaki opat: ki Ahi, ki Rohga, ki Yehuba bo ki Aram.

³⁵Ki Hotam,[12] ki utat i Yaplet inta tobatúpa in kogadí kon ḷoḷaki opat: ki Zopah, ki Yimna, ki Seles bo ki Amal.

³⁶Buí i Zopah in ki Suah, ki Harneper, ki Syual, ki Beri, ki Yimra,

³⁷ki Bezer, ki Hod, ki Sama, ki Silsa, ki Yitran bo ki Beera.

³⁸Buí i Yeter in ki Yepune, ki Pispa bo ki Ara.

³⁹Buí i Ula in ki Arah, ki Haniel bo ki Rizya.

⁴⁰Tuata in buí i Asyer. Mosia komintan in tongguḷu in motoḷuadí bo ponango-nangoian saḷaku pahlawan mita inta mongotorindog bo itoi mita inta moḷoben. Kon bonu in daptar buí i Asyer in kinopaisan in 26.000 in ḷoḷaki inta motaaudon tumuot tontara.