Read Mongondow TAWARIKH 2 3 Bible Online

TAWARIKH 2 3 - Mongondow bible

TAWARIKH 2 3

¹Ki Datu Daud in nonantúdon kon Baḷoi TUHAN in mustibí posindogon kon Yerusalem kon Buḷud in Moria kon tampat poḷoḻintogan kon gandum inta kapunyaan i Arauna intau in Yebus. Pinoposindogan kon Baḷoi TUHAN tua in ain pinangkoian i Datu Salomo

²kon buḷan nogindua kon taong noginggopat kon pinomarentaannea.

³Kobanat in baḷoi tatua in 27 nometer bo kooḷadnea in 9 nometer.

⁴Kobanat in yuang kon dotá in muna notongkai in kooḷad in baḷoi tatua 9 nometer. Koḷantudnea in 54 nometer. Kon dotá in bonu in yuang tatua inaipan in buḷawan taakan.

⁵Yuang inta totokanea in dininding in kayu ḷokuyú inta notompiḻí mopia bo inaipan in buḷawan nogurang. Kon gaipan in buḷawan tatua oyúon gambar in pangkoi in palem inta kinurig bo gambar in rante.

⁶Ki datu noḷambá kon baḷoi tatua takin nomaké in batu permata inta mongopia bo buḷawan inta pinongoyow nongkon butá in Parwaim.

⁷Sia in nopogaip doman in buḷawan tatua kon dinding mita in Baḷoi TUHAN tatua, saḷabakunea mita, ngara mita in ḷoḻingkop bo ḷoḻingkopnea mita. Dindingnea mita in kinurigan gambar in kerub.[1]

⁸Yuang kon bonunea inta sinangoian Yuang Totok in Motusi kobanatnea in 9 nometer bo kooḷadnea in 9 doman nometer, notongkai in kooḷad in Baḷoi TUHAN tatua. Doyowa nopuḷú noton in buḷawan pinaké pinogaip kon dinding mita in Yuang Totok in Motusi tatua

⁹bo 570 nogram in buḷawan sin pomiaan pakú. Dinding in yuang mita kon ḷundukan kon ḻimonik in inaipanbí doman in buḷawan.

¹⁰Ki datu in nopotabá doman kon mogogaidnea mita tatua nomia kon patong in kerub doyowa nongkon logam. Patong mita tatua inaipannea in buḷawan bo pinosindog pinoyodiug kon Yuang Totok in Motusi pinotayow kon ngara. Kon batúan in kerub tatua tumpaḷa kokoḻikip doyowa, kon batúannea koḷanggónea tumongo 220 nosenti. Koḻikip mita tatua sinumongká námai tua dá popod tobatú noyoḻiai kon bonu in yuang bo popodnea ibanea in noidapot in dinding kon koḷoigi bo koḷanan. Dá, koḻikip mita tatua nosongká 9 nometer in kobanatnea ná kooḷad in yuang tatua.

¹⁴Bo kon Yuang Totok Motusi tatua inaidan doman in toipoi nongkon didit lenan bo didit ibanea inta nobidu in batangannea, nokasumba bo nopura. Toipoi tatua iḷambáan in gambar mita in kerub.

¹⁵Ki Datu in nogaid kon oigi doyowa inta kon batúannea koḷantudnea 1.550 nosenti, bo inukat kon tayowon in Baḷoi TUHAN. Kon batúan in oigi tatua oyúon in uḷu in oigi koḷantudnea in 220 nosenti.

¹⁶Kon ḻimonikan in oigi mita tatua in sinompira in ḷambá nongkon bitú, inta ná tuḷapid in rante inta pinakéan in 100 in delima.

¹⁷Oigi mita tatua in pinosindog kon dotá in koḷoigi bo koḷanan in ngara tumuot kon Baḷoi TUHAN; inta kon dotá in toḷatan sinangoian Yakhin,[2] bo inta kon dotá in utuan sinangoian Boas.[3]