Read Mongondow EZRA 2 Bible Online

EZRA 2 - Mongondow bible

EZRA 2

¹Nobayong in kon sigad in intau mita inta kon pinoḷumbúan in nonaḷámai kon butá in Babel bo nobui minayá in Yerusalem bo Yohuda, kon batúannea nobui kon kotánea-kotánea. Mosia in nobiagdon kon pinoḷumbúan kon Babel pinangkoipamai mosia inakut kon tua i Datu Nebukadnezar.

²Itoi mita monia in ki Zerubabel, ki Yesua, ki Nehemia, ki Seraya, ki Reelaya, ki Mordekhai, ki Bilsan, ki Mispar, ki Bigwai, ki Rehum bo ki Baana. Naa in tangoi mita in motoḷuadí in Israel, takin kobayong in intau nongkon batúan in inanakan inta nobui nongkon pinoḷumbúan:

³Inanakan i Paros — 2.172 i Sepaca — 372 i Arah — 775 i Pahat-Moab (buí i Yesua bo i Yoab) — 2.812 i Elam — 1.254 i Zatu — 945 i Zakai — 760 i Bani — 642 i Bebai — 623 i Azgad — 1.222 i Adonikam — 666 i Bigwai — 2.056 i Adin — 454 i Ater (dinonoi doman ki Hizkia) — 98 i Bezai — 323 i Yora — 112 i Hasum — 223 i Gibar — 95

²¹Intau mita inta mogoguyang monia nogutun kon kotá mita tanaa inta nobui doman nongkon pinoḷumbúan: Kotá in Betlehem — 123 Netopa — 56 Anatot — 128 Asmawet — 42 Kiryat-Arim, Kepira bo Beerot — 743 Rama bo Gaba — 621 Mikhmas — 122 Betel bo Ai — 223 Nebo — 52bl Magbis — 156 Elam ibanea — 1.254 Harim — 320 Lod, Hadid bo Ono — 725 Yerikho — 345 Senaa — 3.630

³⁶Naa in tangoi in motoḷuadí in imang mita inta nobui nongkon pinoḷumbúan: i Yedaya (buí i Yesua) — 973 i Imer — 1.052 i Pasyhur — 1.247 i Harim — 1.017

⁴⁰Inanakan i Lewi inta nobui nongkon pinoḷumbúan naa in tangoi monia: Ki Yesua bo ki Kadmiel (buí in Hodawya) — 74 Mododondong mita kon Baḷoi TUHAN (buí i Asap) — 128 Moḷoḷukad kon ngara kon Baḷoi TUHAN (buí i Salum, i Ater, i Talmon, i Akub, i Hatita bo i Sobai) — 139

⁴³Naa in tangoi in bui in motoḷuadí in intau mita inta mogogaid kon Baḷoi TUHAN inta nobui nongkon pinoḷumbúan: Ki Ziha, ki Hazupa, ki Tabaot, Ki Keros, ki Siaha, ki Padon, Ki Lebana, ki Hagaba, ki Akub, Ki Hagab, ki Samlai, ki Hanan, Ki Gidel, ki Gahar, ki Reaya, Ki Rezin, ki Nekoda, ki Gazam, Ki Uza, ki Paseah, ki Besai, Ki Asna, ki Meunim, ki Nepusim, Ki Bakbuk, ki Hakupa, ki Harhur, Ki Bazlut, ki Mehida, ki Harsa, Ki Barkos, ki Sisera, ki Temah, Ki Neziah bo ki Hatipa.

⁵⁵Inanakan motoḷuadí i Salomo inta nobui nongkon pinoḷumbúan: ki Sotai, ki Soperet, ki Peruda, ki Yaala, ki Darkon, ki Gidel, ki Sepaca, ki Hatil, ki Pokheret-Hazebaim bo ki Ami.

⁵⁸Inanakan motoḷuadí in intau inta mogogaid kon Baḷoi TUHAN bo mobobantung mita i Salomo inta nobui nongkon pinoḷumbúan kobayongnea in 392 in intau.

⁵⁹Intau mita inta nobuat nongkon kotá mita in Tel-Melah, Tel-Harsa, Kerub, Adan bo Imer, kobayongnea in 652 in intau. Mosia in noituot kon inanakan motoḷuadí i Delaya, i Tobia bo i Nekoda, táe mosia in diá nokopooyúon in bukti kon mosia tua buí in bangusa in Israel.

⁶¹Tongonumai in inanakan motoḷuadí in imang in diá doman mokouḻí kon tangoi mita in mogoguyang monia, tuata in inanakan i Habaya, i Hakos bo i Barzilai. (Mogoguyang in inanakan i Barzilai notonibuḷoi takin in bobay tobatú buí in inanakan i Barzilai kon Gilead, bo noiduduimai kon tua nomaké in sia in tangoi in motoḷuadí i nunutonnea.) Popisí in mosia diá nokoponiata kon ki ine in mogoguyang monia, dá mosia in diá sinarima nobaḻí imang.

⁶³Gubernur in butá in Yohuda diá nobogoi kon i monia nokaan kon kaanon inta pinosumba kon i Allah, nodapot in oyúon in imang tobatú inta nopoigum in topotundú nomaké in Urim bo Tumim.[2]

⁶⁴Intau mita inta iḷumbú inta nobui kon butá monia in kobayong monia komintan in 42.360 in intau. Koḻikud intua nobui doman in mobobantung monia kobayongnea in 7.337 in intau bo mododondong in 200 in intau. Mosia in nodia doman kon biag mita monia: Kabaḷo — 736 Bagal — 245 Unta — 435 Keledai — 6.720

⁶⁸Kon tungkuḷ in intau mita inta iḷumbú tatua nodapot in Baḷoi TUHAN kon Yerusalem, tongonumai in itoi in inanakan nobogoi in sosumba ibog monia tontaní sin poposindogan bui in Baḷoi TUHAN.

⁶⁹Mosia in nobogoi in sumbangan podudui in komampuan tontaní bo nouḻímagi komintan in 500 nokilo in buḷawan, 2.800 nokilo in saḷaka, bo mogatut in jubah kon imang mita.

⁷⁰Imang mita, intau mita in Lewi bo tongosilai nongkon rayat in nogutun notantú kon Yerusalem bo kon kotá mita inta kon diugnea.[3] Mododondong, moḷoḷukad kon ngara in Baḷoi TUHAN bo mogogaid mita kon Baḷoi TUHAN bo intau mita in Israel ki agatnea in nogutun kon kotá mita inta pinogutunan in mogoguyang monia koḻipod.